ઋગ્વેદ · અધ્યાય 10.083

યસ્ તે મન્યો ઽવિધદ્ વજ્ર સાયક સહ ઓજઃ પુષ્યતિ વિશ્વમ્ આનુષક્ ।
સાહ્યામ દાસમ્ આર્યં ત્વયા યુજા સહસ્કૃતેન સહસા સહસ્વતા ॥

મન્યુર્ ઇન્દ્રો મન્યુર્ એવાસ દેવો મન્યુર્ હોતા વરુણો જાતવેદાઃ ।
મન્યું વિશ ઈળતે માનુષીર્ યાઃ પાહિ નો મન્યો તપસા સજોષાઃ ॥

અભીહિ મન્યો તવસસ્ તવીયાન્ તપસા યુજા વિ જહિ શત્રૂન્ ।
અમિત્રહા વૃત્રહા દસ્યુહા ચ વિશ્વા વસૂન્ય્ આ ભરા ત્વં નઃ ॥

ત્વં હિ મન્યો અભિભૂત્યોજાઃ સ્વયમ્ભૂર્ ભામો અભિમાતિષાહઃ ।
વિશ્વચર્ષણિઃ સહુરિઃ સહાવાન્ અસ્માસ્વ્ ઓજઃ પૃતનાસુ ધેહિ ॥

અભાગઃ સન્ન્ અપ પરેતો અસ્મિ તવ ક્રત્વા તવિષસ્ય પ્રચેતઃ ।
તં ત્વા મન્યો અક્રતુર્ જિહીળાહં સ્વા તનૂર્ બલદેયાય મેહિ ॥

અયં તે અસ્મ્ય્ ઉપ મેહ્ય્ અર્વાઙ્ પ્રતીચીનઃ સહુરે વિશ્વધાયઃ ।
મન્યો વજ્રિન્ન્ અભિ મામ્ આ વવૃત્સ્વ હનાવ દસ્યૂઁર્ ઉત બોધ્ય્ આપેઃ ॥

અભિ પ્રેહિ દક્ષિણતો ભવા મે ઽધા વૃત્રાણિ જઙ્ઘનાવ ભૂરિ ।
જુહોમિ તે ધરુણમ્ મધ્વો અગ્રમ્ ઉભા ઉપાંશુ પ્રથમા પિબાવ ॥