ઋગ્વેદ · અધ્યાય 10.067

ઇમાં ધિયં સપ્તશીર્ષ્ણીમ્ પિતા ન ઋતપ્રજાતામ્ બૃહતીમ્ અવિન્દત્ ।
તુરીયં સ્વિજ્ જનયદ્ વિશ્વજન્યો ઽયાસ્ય ઉક્થમ્ ઇન્દ્રાય શંસન્ ॥

ઋતં શંસન્ત ઋજુ દીધ્યાના દિવસ્ પુત્રાસો અસુરસ્ય વીરાઃ ।
વિપ્રમ્ પદમ્ અઙ્ગિરસો દધાના યજ્ઞસ્ય ધામ પ્રથમમ્ મનન્ત ॥

હંસૈર્ ઇવ સખિભિર્ વાવદદ્ભિર્ અશ્મન્મયાનિ નહના વ્યસ્યન્ ।
બૃહસ્પતિર્ અભિકનિક્રદદ્ ગા ઉત પ્રાસ્તૌદ્ ઉચ્ ચ વિદ્વાઁ અગાયત્ ॥

અવો દ્વાભ્યામ્ પર એકયા ગા ગુહા તિષ્ઠન્તીર્ અનૃતસ્ય સેતૌ ।
બૃહસ્પતિસ્ તમસિ જ્યોતિર્ ઇચ્છન્ન્ ઉદ્ ઉસ્રા આકર્ વિ હિ તિસ્ર આવઃ ॥

વિભિદ્યા પુરં શયથેમ્ અપાચીં નિસ્ ત્રીણિ સાકમ્ ઉદધેર્ અકૃન્તત્ ।
બૃહસ્પતિર્ ઉષસં સૂર્યં ગામ્ અર્કં વિવેદ સ્તનયન્ન્ ઇવ દ્યૌઃ ॥

ઇન્દ્રો વલં રક્ષિતારં દુઘાનાં કરેણેવ વિ ચકર્તા રવેણ ।
સ્વેદાઞ્જિભિર્ આશિરમ્ ઇચ્છમાનો ઽરોદયત્ પણિમ્ આ ગા અમુષ્ણાત્ ॥

સ ઈં સત્યેભિઃ સખિભિઃ શુચદ્ભિર્ ગોધાયસં વિ ધનસૈર્ અદર્દઃ ।
બ્રહ્મણસ્ પતિર્ વૃષભિર્ વરાહૈર્ ઘર્મસ્વેદેભિર્ દ્રવિણં વ્ય્ આનટ્ ॥

તે સત્યેન મનસા ગોપતિં ગા ઇયાનાસ ઇષણયન્ત ધીભિઃ ।
બૃહસ્પતિર્ મિથોઅવદ્યપેભિર્ ઉદ્ ઉસ્રિયા અસૃજત સ્વયુગ્ભિઃ ॥

તં વર્ધયન્તો મતિભિઃ શિવાભિઃ સિંહમ્ ઇવ નાનદતં સધસ્થે ।
બૃહસ્પતિં વૃષણં શૂરસાતૌ ભરે-ભરે અનુ મદેમ જિષ્ણુમ્ ॥

યદા વાજમ્ અસનદ્ વિશ્વરૂપમ્ આ દ્યામ્ અરુક્ષદ્ ઉત્તરાણિ સદ્મ ।
બૃહસ્પતિં વૃષણં વર્ધયન્તો નાના સન્તો બિભ્રતો જ્યોતિર્ આસા ॥

સત્યામ્ આશિષં કૃણુતા વયોધૈ કીરિં ચિદ્ ધ્ય્ અવથ સ્વેભિર્ એવૈઃ ।
પશ્ચા મૃધો અપ ભવન્તુ વિશ્વાસ્ તદ્ રોદસી શૃણુતં વિશ્વમિન્વે ॥

ઇન્દ્રો મહ્ના મહતો અર્ણવસ્ય વિ મૂર્ધાનમ્ અભિનદ્ અર્બુદસ્ય ।
અહન્ન્ અહિમ્ અરિણાત્ સપ્ત સિન્ધૂન્ દેવૈર્ દ્યાવાપૃથિવી પ્રાવતં નઃ ॥