ઋગ્વેદ · અધ્યાય 10.068

ઉદપ્રુતો ન વયો રક્ષમાણા વાવદતો અભ્રિયસ્યેવ ઘોષાઃ ।
ગિરિભ્રજો નોર્મયો મદન્તો બૃહસ્પતિમ્ અભ્ય્ અ1ર્કા અનાવન્ ॥

સં ગોભિર્ આઙ્ગિરસો નક્ષમાણો ભગ ઇવેદ્ અર્યમણં નિનાય ।
જને મિત્રો ન દમ્પતી અનક્તિ બૃહસ્પતે વાજયાશૂઁર્ ઇવાજૌ ॥

સાધ્વર્યા અતિથિનીર્ ઇષિરાઃ સ્પાર્હાઃ સુવર્ણા અનવદ્યરૂપાઃ ।
બૃહસ્પતિઃ પર્વતેભ્યો વિતૂર્યા નિર્ ગા ઊપે યવમ્ ઇવ સ્થિવિભ્યઃ ॥

આપ્રુષાયન્ મધુન ઋતસ્ય યોનિમ્ અવક્ષિપન્ન્ અર્ક ઉલ્કામ્ ઇવ દ્યોઃ ।
બૃહસ્પતિર્ ઉદ્ધરન્ન્ અશ્મનો ગા ભૂમ્યા ઉદ્નેવ વિ ત્વચમ્ બિભેદ ॥

અપ જ્યોતિષા તમો અન્તરિક્ષાદ્ ઉદ્નઃ શીપાલમ્ ઇવ વાત આજત્ ।
બૃહસ્પતિર્ અનુમૃશ્યા વલસ્યાભ્રમ્ ઇવ વાત આ ચક્ર આ ગાઃ ॥

યદા વલસ્ય પીયતો જસુમ્ ભેદ્ બૃહસ્પતિર્ અગ્નિતપોભિર્ અર્કૈઃ ।
દદ્ભિર્ ન જિહ્વા પરિવિષ્ટમ્ આદદ્ આવિર્ નિધીઁર્ અકૃણોદ્ ઉસ્રિયાણામ્ ॥

બૃહસ્પતિર્ અમત હિ ત્યદ્ આસાં નામ સ્વરીણાં સદને ગુહા યત્ ।
આણ્ડેવ ભિત્ત્વા શકુનસ્ય ગર્ભમ્ ઉદ્ ઉસ્રિયાઃ પર્વતસ્ય ત્મનાજત્ ॥

અશ્નાપિનદ્ધમ્ મધુ પર્ય્ અપશ્યન્ મત્સ્યં ન દીન ઉદનિ ક્ષિયન્તમ્ ।
નિષ્ ટજ્ જભાર ચમસં ન વૃક્ષાદ્ બૃહસ્પતિર્ વિરવેણા વિકૃત્ય ॥

સોષામ્ અવિન્દત્ સ સ્વ1ઃ સો અગ્નિં સો અર્કેણ વિ બબાધે તમાંસિ ।
બૃહસ્પતિર્ ગોવપુષો વલસ્ય નિર્ મજ્જાનં ન પર્વણો જભાર ॥

હિમેવ પર્ણા મુષિતા વનાનિ બૃહસ્પતિનાકૃપયદ્ વલો ગાઃ ।
અનાનુકૃત્યમ્ અપુનશ્ ચકાર યાત્ સૂર્યામાસા મિથ ઉચ્ચરાતઃ ॥

અભિ શ્યાવં ન કૃશનેભિર્ અશ્વં નક્ષત્રેભિઃ પિતરો દ્યામ્ અપિંશન્ ।
રાત્ર્યાં તમો અદધુર્ જ્યોતિર્ અહન્ બૃહસ્પતિર્ ભિનદ્ અદ્રિં વિદદ્ ગાઃ ॥

ઇદમ્ અકર્મ નમો અભ્રિયાય યઃ પૂર્વીર્ અન્વ્ આનોનવીતિ ।
બૃહસ્પતિઃ સ હિ ગોભિઃ સો અશ્વૈઃ સ વીરેભિઃ સ નૃભિર્ નો વયો ધાત્ ॥