ઋગ્વેદ · અધ્યાય 10.061

ઇદમ્ ઇત્થા રૌદ્રં ગૂર્તવચા બ્રહ્મ ક્રત્વા શચ્યામ્ અન્તર્ આજૌ ।
ક્રાણા યદ્ અસ્ય પિતરા મંહનેષ્ઠાઃ પર્ષત્ પક્થે અહન્ન્ આ સપ્ત હોતૄન્ ॥

સ ઇદ્ દાનાય દભ્યાય વન્વઞ્ ચ્યવાનઃ સૂદૈર્ અમિમીત વેદિમ્ ।
તૂર્વયાણો ગૂર્તવચસ્તમઃ ક્ષોદો ન રેત ઇતઊતિ સિઞ્ચત્ ॥

મનો ન યેષુ હવનેષુ તિગ્મં વિપઃ શચ્યા વનુથો દ્રવન્તા ।
આ યઃ શર્યાભિસ્ તુવિનૃમ્ણો અસ્યાશ્રીણીતાદિશં ગભસ્તૌ ॥

કૃષ્ણા યદ્ ગોષ્વ્ અરુણીષુ સીદદ્ દિવો નપાતાશ્વિના હુવે વામ્ ।
વીતમ્ મે યજ્ઞમ્ આ ગતમ્ મે અન્નં વવન્વાંસા નેષમ્ અસ્મૃતધ્રૂ ॥

પ્રથિષ્ટ યસ્ય વીરકર્મમ્ ઇષ્ણદ્ અનુષ્ઠિતં નુ નર્યો અપૌહત્ ।
પુનસ્ તદ્ આ વૃહતિ યત્ કનાયા દુહિતુર્ આ અનુભૃતમ્ અનર્વા ॥

મધ્યા યત્ કર્ત્વમ્ અભવદ્ અભીકે કામં કૃણ્વાને પિતરિ યુવત્યામ્ ।
મનાનગ્ રેતો જહતુર્ વિયન્તા સાનૌ નિષિક્તં સુકૃતસ્ય યોનૌ ॥

પિતા યત્ સ્વાં દુહિતરમ્ અધિષ્કન્ ક્ષ્મયા રેતઃ સંજગ્માનો નિ ષિઞ્ચત્ ।
સ્વાધ્યો ઽજનયન્ બ્રહ્મ દેવા વાસ્તોષ્ પતિં વ્રતપાં નિર્ અતક્ષન્ ॥

સ ઈં વૃષા ન ફેનમ્ અસ્યદ્ આજૌ સ્મદ્ આ પરૈદ્ અપ દભ્રચેતાઃ ।
સરત્ પદા ન દક્ષિણા પરાવૃઙ્ ન તા નુ મે પૃશન્યો જગૃભ્રે ॥

મક્ષૂ ન વહ્નિઃ પ્રજાયા ઉપબ્દિર્ અગ્નિં ન નગ્ન ઉપ સીદદ્ ઊધઃ ।
સનિતેધ્મં સનિતોત વાજં સ ધર્તા જજ્ઞે સહસા યવીયુત્ ॥

મક્ષૂ કનાયાઃ સખ્યં નવગ્વા ઋતં વદન્ત ઋતયુક્તિમ્ અગ્મન્ ।
દ્વિબર્હસો ય ઉપ ગોપમ્ આગુર્ અદક્ષિણાસો અચ્યુતા દુદુક્ષન્ ॥

મક્ષૂ કનાયાઃ સખ્યં નવીયો રાધો ન રેત ઋતમ્ ઇત્ તુરણ્યન્ ।
શુચિ યત્ તે રેક્ણ આયજન્ત સબર્દુઘાયાઃ પય ઉસ્રિયાયાઃ ॥

પશ્વા યત્ પશ્ચા વિયુતા બુધન્તેતિ બ્રવીતિ વક્તરી રરાણઃ ।
વસોર્ વસુત્વા કારવો ઽનેહા વિશ્વં વિવેષ્ટિ દ્રવિણમ્ ઉપ ક્ષુ ॥

તદ્ ઇન્ ન્વ્ અસ્ય પરિષદ્વાનો અગ્મન્ પુરૂ સદન્તો નાર્ષદમ્ બિભિત્સન્ ।
વિ શુષ્ણસ્ય સંગ્રથિતમ્ અનર્વા વિદત્ પુરુપ્રજાતસ્ય ગુહા યત્ ॥

ભર્ગો હ નામોત યસ્ય દેવાઃ સ્વ1ર્ ણ યે ત્રિષધસ્થે નિષેદુઃ ।
અગ્નિર્ હ નામોત જાતવેદાઃ શ્રુધી નો હોતર્ ઋતસ્ય હોતાધ્રુક્ ॥

ઉત ત્યા મે રૌદ્રાવ્ અર્ચિમન્તા નાસત્યાવ્ ઇન્દ્ર ગૂર્તયે યજધ્યૈ ।
મનુષ્વદ્ વૃક્તબર્હિષે રરાણા મન્દૂ હિતપ્રયસા વિક્ષુ યજ્યૂ ॥

અયં સ્તુતો રાજા વન્દિ વેધા અપશ્ ચ વિપ્રસ્ તરતિ સ્વસેતુઃ ।
સ કક્ષીવન્તં રેજયત્ સો અગ્નિં નેમિં ન ચક્રમ્ અર્વતો રઘુદ્રુ ॥

સ દ્વિબન્ધુર્ વૈતરણો યષ્ટા સબર્ધું ધેનુમ્ અસ્વં દુહધ્યૈ ।
સં યન્ મિત્રાવરુણા વૃઞ્જ ઉક્થૈર્ જ્યેષ્ઠેભિર્ અર્યમણં વરૂથૈઃ ॥

તદ્બન્ધુઃ સૂરિર્ દિવિ તે ધિયંધા નાભાનેદિષ્ઠો રપતિ પ્ર વેનન્ ।
સા નો નાભિઃ પરમાસ્ય વા ઘાહં તત્ પશ્ચા કતિથશ્ ચિદ્ આસ ॥

ઇયમ્ મે નાભિર્ ઇહ મે સધસ્થમ્ ઇમે મે દેવા અયમ્ અસ્મિ સર્વઃ ।
દ્વિજા અહ પ્રથમજા ઋતસ્યેદં ધેનુર્ અદુહજ્ જાયમાના ॥

અધાસુ મન્દ્રો અરતિર્ વિભાવાવ સ્યતિ દ્વિવર્તનિર્ વનેષાટ્ ।
ઊર્ધ્વા યચ્ છ્રેણિર્ ન શિશુર્ દન્ મક્ષૂ સ્થિરં શેવૃધં સૂત માતા ॥

અધા ગાવ ઉપમાતિં કનાયા અનુ શ્વાન્તસ્ય કસ્ય ચિત્ પરેયુઃ ।
શ્રુધિ ત્વં સુદ્રવિણો નસ્ ત્વં યાળ્ આશ્વઘ્નસ્ય વાવૃધે સૂનૃતાભિઃ ॥

અધ ત્વમ્ ઇન્દ્ર વિદ્ધ્ય્ અ1સ્માન્ મહો રાયે નૃપતે વજ્રબાહુઃ ।
રક્ષા ચ નો મઘોનઃ પાહિ સૂરીન્ અનેહસસ્ તે હરિવો અભિષ્ટૌ ॥

અધ યદ્ રાજાના ગવિષ્ટૌ સરત્ સરણ્યુઃ કારવે જરણ્યુઃ ।
વિપ્રઃ પ્રેષ્ઠઃ સ હ્ય્ એષામ્ બભૂવ પરા ચ વક્ષદ્ ઉત પર્ષદ્ એનાન્ ॥

અધા ન્વ્ અસ્ય જેન્યસ્ય પુષ્ટૌ વૃથા રેભન્ત ઈમહે તદ્ ઊ નુ ।
સરણ્યુર્ અસ્ય સૂનુર્ અશ્વો વિપ્રશ્ ચાસિ શ્રવસશ્ ચ સાતૌ ॥

યુવોર્ યદિ સખ્યાયાસ્મે શર્ધાય સ્તોમં જુજુષે નમસ્વાન્ ।
વિશ્વત્ર યસ્મિન્ન્ આ ગિરઃ સમીચીઃ પૂર્વીવ ગાતુર્ દાશત્ સૂનૃતાયૈ ॥

સ ગૃણાનો અદ્ભિર્ દેવવાન્ ઇતિ સુબન્ધુર્ નમસા સૂક્તૈઃ ।
વર્ધદ્ ઉક્થૈર્ વચોભિર્ આ હિ નૂનં વ્ય્ અધ્વૈતિ પયસ ઉસ્રિયાયાઃ ॥

ત ઊ ષુ ણો મહો યજત્રા ભૂત દેવાસ ઊતયે સજોષાઃ ।
યે વાજાઁ અનયતા વિયન્તો યે સ્થા નિચેતારો અમૂરાઃ ॥