ઋગ્વેદ · અધ્યાય 10.053

યમ્ ઐચ્છામ મનસા સો3 ઽયમ્ આગાદ્ યજ્ઞસ્ય વિદ્વાન્ પરુષશ્ ચિકિત્વાન્ ।
સ નો યક્ષદ્ દેવતાતા યજીયાન્ નિ હિ ષત્સદ્ અન્તરઃ પૂર્વો અસ્મત્ ॥

અરાધિ હોતા નિષદા યજીયાન્ અભિ પ્રયાંસિ સુધિતાનિ હિ ખ્યત્ ।
યજામહૈ યજ્ઞિયાન્ હન્ત દેવાઁ ઈળામહા ઈડ્યાઁ આજ્યેન ॥

સાધ્વીમ્ અકર્ દેવવીતિં નો અદ્ય યજ્ઞસ્ય જિહ્વામ્ અવિદામ ગુહ્યામ્ ।
સ આયુર્ આગાત્ સુરભિર્ વસાનો ભદ્રામ્ અકર્ દેવહૂતિં નો અદ્ય ॥

તદ્ અદ્ય વાચઃ પ્રથમમ્ મસીય યેનાસુરાઁ અભિ દેવા અસામ ।
ઊર્જાદ ઉત યજ્ઞિયાસઃ પઞ્ચ જના મમ હોત્રં જુષધ્વમ્ ॥

પઞ્ચ જના મમ હોત્રં જુષન્તાં ગોજાતા ઉત યે યજ્ઞિયાસઃ ।
પૃથિવી નઃ પાર્થિવાત્ પાત્વ્ અંહસો ઽન્તરિક્ષં દિવ્યાત્ પાત્વ્ અસ્માન્ ॥

તન્તું તન્વન્ રજસો ભાનુમ્ અન્વ્ ઇહિ જ્યોતિષ્મતઃ પથો રક્ષ ધિયા કૃતાન્ ।
અનુલ્બણં વયત જોગુવામ્ અપો મનુર્ ભવ જનયા દૈવ્યં જનમ્ ॥

અક્ષાનહો નહ્યતનોત સોમ્યા ઇષ્કૃણુધ્વં રશના ઓત પિંશત ।
અષ્ટાવન્ધુરં વહતાભિતો રથં યેન દેવાસો અનયન્ન્ અભિ પ્રિયમ્ ॥

અશ્મન્વતી રીયતે સં રભધ્વમ્ ઉત્ તિષ્ઠત પ્ર તરતા સખાયઃ ।
અત્રા જહામ યે અસન્ન્ અશેવાઃ શિવાન્ વયમ્ ઉત્ તરેમાભિ વાજાન્ ॥

ત્વષ્ટા માયા વેદ્ અપસામ્ અપસ્તમો બિભ્રત્ પાત્રા દેવપાનાનિ શંતમા ।
શિશીતે નૂનમ્ પરશું સ્વાયસં યેન વૃશ્ચાદ્ એતશો બ્રહ્મણસ્ પતિઃ ॥

સતો નૂનં કવયઃ સં શિશીત વાશીભિર્ યાભિર્ અમૃતાય તક્ષથ ।
વિદ્વાંસઃ પદા ગુહ્યાનિ કર્તન યેન દેવાસો અમૃતત્વમ્ આનશુઃ ॥

ગર્ભે યોષામ્ અદધુર્ વત્સમ્ આસન્ય્ અપીચ્યેન મનસોત જિહ્વયા ।
સ વિશ્વાહા સુમના યોગ્યા અભિ સિષાસનિર્ વનતે કાર ઇજ્ જિતિમ્ ॥