ઋગ્વેદ · અધ્યાય 10.052

વિશ્વે દેવાઃ શાસ્તન મા યથેહ હોતા વૃતો મનવૈ યન્ નિષદ્ય ।
પ્ર મે બ્રૂત ભાગધેયં યથા વો યેન પથા હવ્યમ્ આ વો વહાનિ ॥

અહં હોતા ન્ય્ અસીદં યજીયાન્ વિશ્વે દેવા મરુતો મા જુનન્તિ ।
અહર્-અહર્ અશ્વિનાધ્વર્યવં વામ્ બ્રહ્મા સમિદ્ ભવતિ સાહુતિર્ વામ્ ॥

અયં યો હોતા કિર્ ઉ સ યમસ્ય કમ્ અપ્ય્ ઊહે યત્ સમઞ્જન્તિ દેવાઃ ।
અહર્-અહર્ જાયતે માસિ-માસ્ય્ અથા દેવા દધિરે હવ્યવાહમ્ ॥

માં દેવા દધિરે હવ્યવાહમ્ અપમ્લુક્તમ્ બહુ કૃચ્છ્રા ચરન્તમ્ ।
અગ્નિર્ વિદ્વાન્ યજ્ઞં નઃ કલ્પયાતિ પઞ્ચયામં ત્રિવૃતં સપ્તતન્તુમ્ ॥

આ વો યક્ષ્ય્ અમૃતત્વં સુવીરં યથા વો દેવા વરિવઃ કરાણિ ।
આ બાહ્વોર્ વજ્રમ્ ઇન્દ્રસ્ય ધેયામ્ અથેમા વિશ્વાઃ પૃતના જયાતિ ॥

ત્રીણિ શતા ત્રી સહસ્રાણ્ય્ અગ્નિં ત્રિંશચ્ ચ દેવા નવ ચાસપર્યન્ ।
ઔક્ષન્ ઘૃતૈર્ અસ્તૃણન્ બર્હિર્ અસ્મા આદ્ ઇદ્ ધોતારં ન્ય્ અસાદયન્ત ॥