ઋગ્વેદ · અધ્યાય 10.046

પ્ર હોતા જાતો મહાન્ નભોવિન્ નૃષદ્વા સીદદ્ અપામ્ ઉપસ્થે ।
દધિર્ યો ધાયિ સ તે વયાંસિ યન્તા વસૂનિ વિધતે તનૂપાઃ ॥

ઇમં વિધન્તો અપાં સધસ્થે પશું ન નષ્ટમ્ પદૈર્ અનુ ગ્મન્ ।
ગુહા ચતન્તમ્ ઉશિજો નમોભિર્ ઇચ્છન્તો ધીરા ભૃગવો ઽવિન્દન્ ॥

ઇમં ત્રિતો ભૂર્ય્ અવિન્દદ્ ઇચ્છન્ વૈભૂવસો મૂર્ધન્ય્ અઘ્ન્યાયાઃ ।
સ શેવૃધો જાત આ હર્મ્યેષુ નાભિર્ યુવા ભવતિ રોચનસ્ય ॥

મન્દ્રં હોતારમ્ ઉશિજો નમોભિઃ પ્રાઞ્ચં યજ્ઞં નેતારમ્ અધ્વરાણામ્ ।
વિશામ્ અકૃણ્વન્ન્ અરતિમ્ પાવકં હવ્યવાહં દધતો માનુષેષુ ॥

પ્ર ભૂર્ જયન્તમ્ મહાં વિપોધામ્ મૂરા અમૂરમ્ પુરાં દર્માણમ્ ।
નયન્તો ગર્ભં વનાં ધિયં ધુર્ હિરિશ્મશ્રું નાર્વાણં ધનર્ચમ્ ॥

નિ પસ્ત્યાસુ ત્રિતઃ સ્તભૂયન્ પરિવીતો યોનૌ સીદદ્ અન્તઃ ।
અતઃ સંગૃભ્યા વિશાં દમૂના વિધર્મણાયન્ત્રૈર્ ઈયતે નૄન્ ॥

અસ્યાજરાસો દમામ્ અરિત્રા અર્ચદ્ધૂમાસો અગ્નયઃ પાવકાઃ ।
શ્વિતીચયઃ શ્વાત્રાસો ભુરણ્યવો વનર્ષદો વાયવો ન સોમાઃ ॥

પ્ર જિહ્વયા ભરતે વેપો અગ્નિઃ પ્ર વયુનાનિ ચેતસા પૃથિવ્યાઃ ।
તમ્ આયવઃ શુચયન્તમ્ પાવકમ્ મન્દ્રં હોતારં દધિરે યજિષ્ઠમ્ ॥

દ્યાવા યમ્ અગ્નિમ્ પૃથિવી જનિષ્ટામ્ આપસ્ ત્વષ્ટા ભૃગવો યં સહોભિઃ ।
ઈળેન્યમ્ પ્રથમમ્ માતરિશ્વા દેવાસ્ તતક્ષુર્ મનવે યજત્રમ્ ॥

યં ત્વા દેવા દધિરે હવ્યવાહમ્ પુરુસ્પૃહો માનુષાસો યજત્રમ્ ।
સ યામન્ન્ અગ્ને સ્તુવતે વયો ધાઃ પ્ર દેવયન્ યશસઃ સં હિ પૂર્વીઃ ॥