ઋગ્વેદ · અધ્યાય 10.047

જગૃભ્મા તે દક્ષિણમ્ ઇન્દ્ર હસ્તં વસૂયવો વસુપતે વસૂનામ્ ।
વિદ્મા હિ ત્વા ગોપતિં શૂર ગોનામ્ અસ્મભ્યં ચિત્રં વૃષણં રયિં દાઃ ॥

સ્વાયુધં સ્વવસં સુનીથં ચતુઃસમુદ્રં ધરુણં રયીણામ્ ।
ચર્કૃત્યં શંસ્યમ્ ભૂરિવારમ્ અસ્મભ્યં ચિત્રં વૃષણં રયિં દાઃ ॥

સુબ્રહ્માણં દેવવન્તમ્ બૃહન્તમ્ ઉરું ગભીરમ્ પૃથુબુધ્નમ્ ઇન્દ્ર ।
શ્રુતઋષિમ્ ઉગ્રમ્ અભિમાતિષાહમ્ અસ્મભ્યં ચિત્રં વૃષણં રયિં દાઃ ॥

સનદ્વાજં વિપ્રવીરં તરુત્રં ધનસ્પૃતં શૂશુવાંસં સુદક્ષમ્ ।
દસ્યુહનમ્ પૂર્ભિદમ્ ઇન્દ્ર સત્યમ્ અસ્મભ્યં ચિત્રં વૃષણં રયિં દાઃ ॥

અશ્વાવન્તં રથિનં વીરવન્તં સહસ્રિણં શતિનં વાજમ્ ઇન્દ્ર ।
ભદ્રવ્રાતં વિપ્રવીરં સ્વર્ષામ્ અસ્મભ્યં ચિત્રં વૃષણં રયિં દાઃ ॥

પ્ર સપ્તગુમ્ ઋતધીતિં સુમેધામ્ બૃહસ્પતિમ્ મતિર્ અચ્છા જિગાતિ ।
ય આઙ્ગિરસો નમસોપસદ્યો ઽસ્મભ્યં ચિત્રં વૃષણં રયિં દાઃ ॥

વનીવાનો મમ દૂતાસ ઇન્દ્રં સ્તોમાશ્ ચરન્તિ સુમતીર્ ઇયાનાઃ ।
હૃદિસ્પૃશો મનસા વચ્યમાના અસ્મભ્યં ચિત્રં વૃષણં રયિં દાઃ ॥

યત્ ત્વા યામિ દદ્ધિ તન્ ન ઇન્દ્ર બૃહન્તં ક્ષયમ્ અસમં જનાનામ્ ।
અભિ તદ્ દ્યાવાપૃથિવી ગૃણીતામ્ અસ્મભ્યં ચિત્રં વૃષણં રયિં દાઃ ॥