ઋગ્વેદ · અધ્યાય 10.045

દિવસ્ પરિ પ્રથમં જજ્ઞે અગ્નિર્ અસ્મદ્ દ્વિતીયમ્ પરિ જાતવેદાઃ ।
તૃતીયમ્ અપ્સુ નૃમણા અજસ્રમ્ ઇન્ધાન એનં જરતે સ્વાધીઃ ॥

વિદ્મા તે અગ્ને ત્રેધા ત્રયાણિ વિદ્મા તે ધામ વિભૃતા પુરુત્રા ।
વિદ્મા તે નામ પરમં ગુહા યદ્ વિદ્મા તમ્ ઉત્સં યત આજગન્થ ॥

સમુદ્રે ત્વા નૃમણા અપ્સ્વ્ અ1ન્તર્ નૃચક્ષા ઈધે દિવો અગ્ન ઊધન્ ।
તૃતીયે ત્વા રજસિ તસ્થિવાંસમ્ અપામ્ ઉપસ્થે મહિષા અવર્ધન્ ॥

અક્રન્દદ્ અગ્નિઃ સ્તનયન્ન્ ઇવ દ્યૌઃ ક્ષામા રેરિહદ્ વીરુધઃ સમઞ્જન્ ।
સદ્યો જજ્ઞાનો વિ હીમ્ ઇદ્ધો અખ્યદ્ આ રોદસી ભાનુના ભાત્ય્ અન્તઃ ॥

શ્રીણામ્ ઉદારો ધરુણો રયીણામ્ મનીષાણામ્ પ્રાર્પણઃ સોમગોપાઃ ।
વસુઃ સૂનુઃ સહસો અપ્સુ રાજા વિ ભાત્ય્ અગ્ર ઉષસામ્ ઇધાનઃ ॥

વિશ્વસ્ય કેતુર્ ભુવનસ્ય ગર્ભ આ રોદસી અપૃણાજ્ જાયમાનઃ ।
વીળું ચિદ્ અદ્રિમ્ અભિનત્ પરાયઞ્ જના યદ્ અગ્નિમ્ અયજન્ત પઞ્ચ ॥

ઉશિક્ પાવકો અરતિઃ સુમેધા મર્તેષ્વ્ અગ્નિર્ અમૃતો નિ ધાયિ ।
ઇયર્તિ ધૂમમ્ અરુષમ્ ભરિભ્રદ્ ઉચ્ છુક્રેણ શોચિષા દ્યામ્ ઇનક્ષન્ ॥

દૃશાનો રુક્મ ઉર્વિયા વ્ય્ અદ્યૌદ્ દુર્મર્ષમ્ આયુઃ શ્રિયે રુચાનઃ ।
અગ્નિર્ અમૃતો અભવદ્ વયોભિર્ યદ્ એનં દ્યૌર્ જનયત્ સુરેતાઃ ॥

યસ્ તે અદ્ય કૃણવદ્ ભદ્રશોચે ઽપૂપં દેવ ઘૃતવન્તમ્ અગ્ને ।
પ્ર તં નય પ્રતરં વસ્યો અચ્છાભિ સુમ્નં દેવભક્તં યવિષ્ઠ ॥

આ તમ્ ભજ સૌશ્રવસેષ્વ્ અગ્ન ઉક્થ-ઉક્થ આ ભજ શસ્યમાને ।
પ્રિયઃ સૂર્યે પ્રિયો અગ્ના ભવાત્ય્ ઉજ્ જાતેન ભિનદદ્ ઉજ્ જનિત્વૈઃ ॥

ત્વામ્ અગ્ને યજમાના અનુ દ્યૂન્ વિશ્વા વસુ દધિરે વાર્યાણિ ।
ત્વયા સહ દ્રવિણમ્ ઇચ્છમાના વ્રજં ગોમન્તમ્ ઉશિજો વિ વવ્રુઃ ॥

અસ્તાવ્ય્ અગ્નિર્ નરાં સુશેવો વૈશ્વાનર ઋષિભિઃ સોમગોપાઃ ।
અદ્વેષે દ્યાવાપૃથિવી હુવેમ દેવા ધત્ત રયિમ્ અસ્મે સુવીરમ્ ॥