ઋગ્વેદ · અધ્યાય 10.032

પ્ર સુ ગ્મન્તા ધિયસાનસ્ય સક્ષણિ વરેભિર્ વરાઁ અભિ ષુ પ્રસીદતઃ ।
અસ્માકમ્ ઇન્દ્ર ઉભયં જુજોષતિ યત્ સોમ્યસ્યાન્ધસો બુબોધતિ ॥

વીન્દ્ર યાસિ દિવ્યાનિ રોચના વિ પાર્થિવાનિ રજસા પુરુષ્ટુત ।
યે ત્વા વહન્તિ મુહુર્ અધ્વરાઁ ઉપ તે સુ વન્વન્તુ વગ્વનાઁ અરાધસઃ ॥

તદ્ ઇન્ મે છન્ત્સદ્ વપુષો વપુષ્ટરમ્ પુત્રો યજ્ જાનમ્ પિત્રોર્ અધીયતિ ।
જાયા પતિં વહતિ વગ્નુના સુમત્ પુંસ ઇદ્ ભદ્રો વહતુઃ પરિષ્કૃતઃ ॥

તદ્ ઇત્ સધસ્થમ્ અભિ ચારુ દીધય ગાવો યચ્ છાસન્ વહતું ન ધેનવઃ ।
માતા યન્ મન્તુર્ યૂથસ્ય પૂર્વ્યાભિ વાણસ્ય સપ્તધાતુર્ ઇજ્ જનઃ ॥

પ્ર વો ઽચ્છા રિરિચે દેવયુષ્ પદમ્ એકો રુદ્રેભિર્ યાતિ તુર્વણિઃ ।
જરા વા યેષ્વ્ અમૃતેષુ દાવને પરિ વ ઊમેભ્યઃ સિઞ્ચતા મધુ ॥

નિધીયમાનમ્ અપગૂળ્હમ્ અપ્સુ પ્ર મે દેવાનાં વ્રતપા ઉવાચ ।
ઇન્દ્રો વિદ્વાઁ અનુ હિ ત્વા ચચક્ષ તેનાહમ્ અગ્ને અનુશિષ્ટ આગામ્ ॥

અક્ષેત્રવિત્ ક્ષેત્રવિદં હ્ય્ અપ્રાટ્ સ પ્રૈતિ ક્ષેત્રવિદાનુશિષ્ટઃ ।
એતદ્ વૈ ભદ્રમ્ અનુશાસનસ્યોત સ્રુતિં વિન્દત્ય્ અઞ્જસીનામ્ ॥

અદ્યેદ્ ઉ પ્રાણીદ્ અમમન્ન્ ઇમાહાપીવૃતો અધયન્ માતુર્ ઊધઃ ।
એમ્ એનમ્ આપ જરિમા યુવાનમ્ અહેળન્ વસુઃ સુમના બભૂવ ॥

એતાનિ ભદ્રા કલશ ક્રિયામ કુરુશ્રવણ દદતો મઘાનિ ।
દાન ઇદ્ વો મઘવાનઃ સો અસ્ત્વ્ અયં ચ સોમો હૃદિ યમ્ બિભર્મિ ॥