ઋગ્વેદ · અધ્યાય 10.016

મૈનમ્ અગ્ને વિ દહો માભિ શોચો માસ્ય ત્વચં ચિક્ષિપો મા શરીરમ્ ।
યદા શૃતં કૃણવો જાતવેદો ઽથેમ્ એનમ્ પ્ર હિણુતાત્ પિતૃભ્યઃ ॥

શૃતં યદા કરસિ જાતવેદો ઽથેમ્ એનમ્ પરિ દત્તાત્ પિતૃભ્યઃ ।
યદા ગચ્છાત્ય્ અસુનીતિમ્ એતામ્ અથા દેવાનાં વશનીર્ ભવાતિ ॥

સૂર્યં ચક્ષુર્ ગચ્છતુ વાતમ્ આત્મા દ્યાં ચ ગચ્છ પૃથિવીં ચ ધર્મણા ।
અપો વા ગચ્છ યદિ તત્ર તે હિતમ્ ઓષધીષુ પ્રતિ તિષ્ઠા શરીરૈઃ ॥

અજો ભાગસ્ તપસા તં તપસ્વ તં તે શોચિસ્ તપતુ તં તે અર્ચિઃ ।
યાસ્ તે શિવાસ્ તન્વો જાતવેદસ્ તાભિર્ વહૈનં સુકૃતામ્ ઉ લોકમ્ ॥

અવ સૃજ પુનર્ અગ્ને પિતૃભ્યો યસ્ ત આહુતશ્ ચરતિ સ્વધાભિઃ ।
આયુર્ વસાન ઉપ વેતુ શેષઃ સં ગચ્છતાં તન્વા જાતવેદઃ ॥

યત્ તે કૃષ્ણઃ શકુન આતુતોદ પિપીલઃ સર્પ ઉત વા શ્વાપદઃ ।
અગ્નિષ્ ટદ્ વિશ્વાદ્ અગદં કૃણોતુ સોમશ્ ચ યો બ્રાહ્મણાઁ આવિવેશ ॥

અગ્નેર્ વર્મ પરિ ગોભિર્ વ્યયસ્વ સમ્ પ્રોર્ણુષ્વ પીવસા મેદસા ચ ।
નેત્ ત્વા ધૃષ્ણુર્ હરસા જર્હૃષાણો દધૃગ્ વિધક્ષ્યન્ પર્યઙ્ખયાતે ॥

ઇમમ્ અગ્ને ચમસમ્ મા વિ જિહ્વરઃ પ્રિયો દેવાનામ્ ઉત સોમ્યાનામ્ ।
એષ યશ્ ચમસો દેવપાનસ્ તસ્મિન્ દેવા અમૃતા માદયન્તે ॥

ક્રવ્યાદમ્ અગ્નિમ્ પ્ર હિણોમિ દૂરં યમરાજ્ઞો ગચ્છતુ રિપ્રવાહઃ ।
ઇહૈવાયમ્ ઇતરો જાતવેદા દેવેભ્યો હવ્યં વહતુ પ્રજાનન્ ॥

યો અગ્નિઃ ક્રવ્યાત્ પ્રવિવેશ વો ગૃહમ્ ઇમમ્ પશ્યન્ન્ ઇતરં જાતવેદસમ્ ।
તં હરામિ પિતૃયજ્ઞાય દેવં સ ઘર્મમ્ ઇન્વાત્ પરમે સધસ્થે ॥

યો અગ્નિઃ ક્રવ્યવાહનઃ પિતૄન્ યક્ષદ્ ઋતાવૃધઃ ।
પ્રેદ્ ઉ હવ્યાનિ વોચતિ દેવેભ્યશ્ ચ પિતૃભ્ય આ ॥

ઉશન્તસ્ ત્વા નિ ધીમહ્ય્ ઉશન્તઃ સમ્ ઇધીમહિ ।
ઉશન્ન્ ઉશત આ વહ પિતૄન્ હવિષે અત્તવે ॥

યં ત્વમ્ અગ્ને સમદહસ્ તમ્ ઉ નિર્ વાપયા પુનઃ ।
કિયામ્બ્વ્ અત્ર રોહતુ પાકદૂર્વા વ્યલ્કશા ॥

શીતિકે શીતિકાવતિ હ્લાદિકે હ્લાદિકાવતિ ।
મણ્ડૂક્યા3 સુ સં ગમ ઇમં સ્વ્ અ1ગ્નિં હર્ષય ॥