ઋગ્વેદ · અધ્યાય 10.008

પ્ર કેતુના બૃહતા યાત્ય્ અગ્નિર્ આ રોદસી વૃષભો રોરવીતિ ।
દિવશ્ ચિદ્ અન્તાઁ ઉપમાઁ ઉદ્ આનળ્ અપામ્ ઉપસ્થે મહિષો વવર્ધ ॥

મુમોદ ગર્ભો વૃષભઃ કકુદ્માન્ અસ્રેમા વત્સઃ શિમીવાઁ અરાવીત્ ।
સ દેવતાત્ય્ ઉદ્યતાનિ કૃણ્વન્ સ્વેષુ ક્ષયેષુ પ્રથમો જિગાતિ ॥

આ યો મૂર્ધાનમ્ પિત્રોર્ અરબ્ધ ન્ય્ અધ્વરે દધિરે સૂરો અર્ણઃ ।
અસ્ય પત્મન્ન્ અરુષીર્ અશ્વબુધ્ના ઋતસ્ય યોનૌ તન્વો જુષન્ત ॥

ઉષ-ઉષો હિ વસો અગ્રમ્ એષિ ત્વં યમયોર્ અભવો વિભાવા ।
ઋતાય સપ્ત દધિષે પદાનિ જનયન્ મિત્રં તન્વે3 સ્વાયૈ ॥

ભુવશ્ ચક્ષુર્ મહ ઋતસ્ય ગોપા ભુવો વરુણો યદ્ ઋતાય વેષિ ।
ભુવો અપાં નપાજ્ જાતવેદો ભુવો દૂતો યસ્ય હવ્યં જુજોષઃ ॥

ભુવો યજ્ઞસ્ય રજસશ્ ચ નેતા યત્રા નિયુદ્ભિઃ સચસે શિવાભિઃ ।
દિવિ મૂર્ધાનં દધિષે સ્વર્ષાં જિહ્વામ્ અગ્ને ચકૃષે હવ્યવાહમ્ ॥

અસ્ય ત્રિતઃ ક્રતુના વવ્રે અન્તર્ ઇચ્છન્ ધીતિમ્ પિતુર્ એવૈઃ પરસ્ય ।
સચસ્યમાનઃ પિત્રોર્ ઉપસ્થે જામિ બ્રુવાણ આયુધાનિ વેતિ ॥

સ પિત્ર્યાણ્ય્ આયુધાનિ વિદ્વાન્ ઇન્દ્રેષિત આપ્ત્યો અભ્ય્ અયુધ્યત્ ।
ત્રિશીર્ષાણં સપ્તરશ્મિં જઘન્વાન્ ત્વાષ્ટ્રસ્ય ચિન્ નિઃ સસૃજે ત્રિતો ગાઃ ॥

ભૂરીદ્ ઇન્દ્ર ઉદિનક્ષન્તમ્ ઓજો ઽવાભિનત્ સત્પતિર્ મન્યમાનમ્ ।
ત્વાષ્ટ્રસ્ય ચિદ્ વિશ્વરૂપસ્ય ગોનામ્ આચક્રાણસ્ ત્રીણિ શીર્ષા પરા વર્ક્ ॥