ઋગ્વેદ · અધ્યાય 10.009

આપો હિ ષ્ઠા મયોભુવસ્ તા ન ઊર્જે દધાતન ।
મહે રણાય ચક્ષસે ॥

યો વઃ શિવતમો રસસ્ તસ્ય ભાજયતેહ નઃ ।
ઉશતીર્ ઇવ માતરઃ ॥

તસ્મા અરં ગમામ વો યસ્ય ક્ષયાય જિન્વથ ।
આપો જનયથા ચ નઃ ॥

શં નો દેવીર્ અભિષ્ટય આપો ભવન્તુ પીતયે ।
શં યોર્ અભિ સ્રવન્તુ નઃ ॥

ઈશાના વાર્યાણાં ક્ષયન્તીશ્ ચર્ષણીનામ્ ।
અપો યાચામિ ભેષજમ્ ॥

અપ્સુ મે સોમો અબ્રવીદ્ અન્તર્ વિશ્વાનિ ભેષજા ।
અગ્નિં ચ વિશ્વશમ્ભુવમ્ ॥

આપઃ પૃણીત ભેષજં વરૂથં તન્વે3 મમ ।
જ્યોક્ ચ સૂર્યં દૃશે ॥

ઇદમ્ આપઃ પ્ર વહત યત્ કિં ચ દુરિતમ્ મયિ ।
યદ્ વાહમ્ અભિદુદ્રોહ યદ્ વા શેપ ઉતાનૃતમ્ ॥

આપો અદ્યાન્વ્ અચારિષં રસેન સમ્ અગસ્મહિ ।
પયસ્વાન્ અગ્ન આ ગહિ તમ્ મા સં સૃજ વર્ચસા ॥