ઋગ્વેદ · અધ્યાય 1.191

કઙ્કતો ન કઙ્કતો ઽથો સતીનકઙ્કતઃ ।
દ્વાવ્ ઇતિ પ્લુષી ઇતિ ન્ય્ અ1દૃષ્ટા અલિપ્સત ॥

અદૃષ્ટાન્ હન્ત્ય્ આયત્ય્ અથો હન્તિ પરાયતી ।
અથો અવઘ્નતી હન્ત્ય્ અથો પિનષ્ટિ પિંષતી ॥

શરાસઃ કુશરાસો દર્ભાસઃ સૈર્યા ઉત ।
મૌઞ્જા અદૃષ્ટા વૈરિણાઃ સર્વે સાકં ન્ય્ અલિપ્સત ॥

નિ ગાવો ગોષ્ઠે અસદન્ નિ મૃગાસો અવિક્ષત ।
નિ કેતવો જનાનાં ન્ય્ અ1દૃષ્ટા અલિપ્સત ॥

એત ઉ ત્યે પ્રત્ય્ અદૃશ્રન્ પ્રદોષં તસ્કરા ઇવ ।
અદૃષ્ટા વિશ્વદૃષ્ટાઃ પ્રતિબુદ્ધા અભૂતન ॥

દ્યૌર્ વઃ પિતા પૃથિવી માતા સોમો ભ્રાતાદિતિઃ સ્વસા ।
અદૃષ્ટા વિશ્વદૃષ્ટાસ્ તિષ્ઠતેલયતા સુ કમ્ ॥

યે અંસ્યા યે અઙ્ગ્યાઃ સૂચીકા યે પ્રકઙ્કતાઃ ।
અદૃષ્ટાઃ કિં ચનેહ વઃ સર્વે સાકં નિ જસ્યત ॥

ઉત્ પુરસ્તાત્ સૂર્ય એતિ વિશ્વદૃષ્ટો અદૃષ્ટહા ।
અદૃષ્ટાન્ સર્વાઞ્ જમ્ભયન્ સર્વાશ્ ચ યાતુધાન્યઃ ॥

ઉદ્ અપપ્તદ્ અસૌ સૂર્યઃ પુરુ વિશ્વાનિ જૂર્વન્ ।
આદિત્યઃ પર્વતેભ્યો વિશ્વદૃષ્ટો અદૃષ્ટહા ॥

સૂર્યે વિષમ્ આ સજામિ દૃતિં સુરાવતો ગૃહે ।
સો ચિન્ નુ ન મરાતિ નો વયમ્ મરામારે અસ્ય યોજનં હરિષ્ઠા મધુ ત્વા મધુલા ચકાર ॥

ઇયત્તિકા શકુન્તિકા સકા જઘાસ તે વિષમ્ ।
સો ચિન્ નુ ન મરાતિ નો વયમ્ મરામારે અસ્ય યોજનં હરિષ્ઠા મધુ ત્વા મધુલા ચકાર ॥

ત્રિઃ સપ્ત વિષ્પુલિઙ્ગકા વિષસ્ય પુષ્યમ્ અક્ષન્ ।
તાશ્ ચિન્ નુ ન મરન્તિ નો વયમ્ મરામારે અસ્ય યોજનં હરિષ્ઠા મધુ ત્વા મધુલા ચકાર ॥

નવાનાં નવતીનાં વિષસ્ય રોપુષીણામ્ ।
સર્વાસામ્ અગ્રભં નામારે અસ્ય યોજનં હરિષ્ઠા મધુ ત્વા મધુલા ચકાર ॥

ત્રિઃ સપ્ત મયૂર્યઃ સપ્ત સ્વસારો અગ્રુવઃ ।
તાસ્ તે વિષં વિ જભ્રિર ઉદકં કુમ્ભિનીર્ ઇવ ॥

ઇયત્તકઃ કુષુમ્ભકસ્ તકમ્ ભિનદ્મ્ય્ અશ્મના ।
તતો વિષમ્ પ્ર વાવૃતે પરાચીર્ અનુ સંવતઃ ॥

કુષુમ્ભકસ્ તદ્ અબ્રવીદ્ ગિરેઃ પ્રવર્તમાનકઃ ।
વૃશ્ચિકસ્યારસં વિષમ્ અરસં વૃશ્ચિક તે વિષમ્ ॥