ઋગ્વેદ · અધ્યાય 2.001

ત્વમ્ અગ્ને દ્યુભિસ્ ત્વમ્ આશુશુક્ષણિસ્ ત્વમ્ અદ્ભ્યસ્ ત્વમ્ અશ્મનસ્ પરિ ।
ત્વં વનેભ્યસ્ ત્વમ્ ઓષધીભ્યસ્ ત્વં નૃણાં નૃપતે જાયસે શુચિઃ ॥

તવાગ્ને હોત્રં તવ પોત્રમ્ ઋત્વિયં તવ નેષ્ટ્રં ત્વમ્ અગ્નિદ્ ઋતાયતઃ ।
તવ પ્રશાસ્ત્રં ત્વમ્ અધ્વરીયસિ બ્રહ્મા ચાસિ ગૃહપતિશ્ ચ નો દમે ॥

ત્વમ્ અગ્ન ઇન્દ્રો વૃષભઃ સતામ્ અસિ ત્વં વિષ્ણુર્ ઉરુગાયો નમસ્યઃ ।
ત્વમ્ બ્રહ્મા રયિવિદ્ બ્રહ્મણસ્ પતે ત્વં વિધર્તઃ સચસે પુરંધ્યા ॥

ત્વમ્ અગ્ને રાજા વરુણો ધૃતવ્રતસ્ ત્વમ્ મિત્રો ભવસિ દસ્મ ઈડ્યઃ ।
ત્વમ્ અર્યમા સત્પતિર્ યસ્ય સમ્ભુજં ત્વમ્ અંશો વિદથે દેવ ભાજયુઃ ॥

ત્વમ્ અગ્ને ત્વષ્ટા વિધતે સુવીર્યં તવ ગ્નાવો મિત્રમહઃ સજાત્યમ્ ।
ત્વમ્ આશુહેમા રરિષે સ્વશ્વ્યં ત્વં નરાં શર્ધો અસિ પુરૂવસુઃ ॥

ત્વમ્ અગ્ને રુદ્રો અસુરો મહો દિવસ્ ત્વં શર્ધો મારુતમ્ પૃક્ષ ઈશિષે ।
ત્વં વાતૈર્ અરુણૈર્ યાસિ શંગયસ્ ત્વમ્ પૂષા વિધતઃ પાસિ નુ ત્મના ॥

ત્વમ્ અગ્ને દ્રવિણોદા અરંકૃતે ત્વં દેવઃ સવિતા રત્નધા અસિ ।
ત્વમ્ ભગો નૃપતે વસ્વ ઈશિષે ત્વમ્ પાયુર્ દમે યસ્ તે ઽવિધત્ ॥

ત્વામ્ અગ્ને દમ આ વિશ્પતિં વિશસ્ ત્વાં રાજાનં સુવિદત્રમ્ ઋઞ્જતે ।
ત્વં વિશ્વાનિ સ્વનીક પત્યસે ત્વં સહસ્રાણિ શતા દશ પ્રતિ ॥

ત્વામ્ અગ્ને પિતરમ્ ઇષ્ટિભિર્ નરસ્ ત્વામ્ ભ્રાત્રાય શમ્યા તનૂરુચમ્ ।
ત્વમ્ પુત્રો ભવસિ યસ્ તે ઽવિધત્ ત્વં સખા સુશેવઃ પાસ્ય્ આધૃષઃ ॥

ત્વમ્ અગ્ન ઋભુર્ આકે નમસ્ય1સ્ ત્વં વાજસ્ય ક્ષુમતો રાય ઈશિષે ।
ત્વં વિ ભાસ્ય્ અનુ દક્ષિ દાવને ત્વં વિશિક્ષુર્ અસિ યજ્ઞમ્ આતનિઃ ॥

ત્વમ્ અગ્ને અદિતિર્ દેવ દાશુષે ત્વં હોત્રા ભારતી વર્ધસે ગિરા ।
ત્વમ્ ઇળા શતહિમાસિ દક્ષસે ત્વં વૃત્રહા વસુપતે સરસ્વતી ॥

ત્વમ્ અગ્ને સુભૃત ઉત્તમં વયસ્ તવ સ્પાર્હે વર્ણ આ સંદૃશિ શ્રિયઃ ।
ત્વં વાજઃ પ્રતરણો બૃહન્ન્ અસિ ત્વં રયિર્ બહુલો વિશ્વતસ્ પૃથુઃ ॥

ત્વામ્ અગ્ન આદિત્યાસ આસ્ય1ં ત્વાં જિહ્વાં શુચયશ્ ચક્રિરે કવે ।
ત્વાં રાતિષાચો અધ્વરેષુ સશ્ચિરે ત્વે દેવા હવિર્ અદન્ત્ય્ આહુતમ્ ॥

ત્વે અગ્ને વિશ્વે અમૃતાસો અદ્રુહ આસા દેવા હવિર્ અદન્ત્ય્ આહુતમ્ ।
ત્વયા મર્તાસઃ સ્વદન્ત આસુતિં ત્વં ગર્ભો વીરુધાં જજ્ઞિષે શુચિઃ ॥

ત્વં તાન્ સં ચ પ્રતિ ચાસિ મજ્મનાગ્ને સુજાત પ્ર ચ દેવ રિચ્યસે ।
પૃક્ષો યદ્ અત્ર મહિના વિ તે ભુવદ્ અનુ દ્યાવાપૃથિવી રોદસી ઉભે ॥

યે સ્તોતૃભ્યો ગોઅગ્રામ્ અશ્વપેશસમ્ અગ્ને રાતિમ્ ઉપસૃજન્તિ સૂરયઃ ।
અસ્માઞ્ ચ તાઁશ્ ચ પ્ર હિ નેષિ વસ્ય આ બૃહદ્ વદેમ વિદથે સુવીરાઃ ॥