ઋગ્વેદ · અધ્યાય 1.185

કતરા પૂર્વા કતરાપરાયોઃ કથા જાતે કવયઃ કો વિ વેદ ।
વિશ્વં ત્મના બિભૃતો યદ્ ધ નામ વિ વર્તેતે અહની ચક્રિયેવ ॥

ભૂરિં દ્વે અચરન્તી ચરન્તમ્ પદ્વન્તં ગર્ભમ્ અપદી દધાતે ।
નિત્યં ન સૂનુમ્ પિત્રોર્ ઉપસ્થે દ્યાવા રક્ષતમ્ પૃથિવી નો અભ્વાત્ ॥

અનેહો દાત્રમ્ અદિતેર્ અનર્વં હુવે સ્વર્વદ્ અવધં નમસ્વત્ ।
તદ્ રોદસી જનયતં જરિત્રે દ્યાવા રક્ષતમ્ પૃથિવી નો અભ્વાત્ ॥

અતપ્યમાને અવસાવન્તી અનુ ષ્યામ રોદસી દેવપુત્રે ।
ઉભે દેવાનામ્ ઉભયેભિર્ અહ્નાં દ્યાવા રક્ષતમ્ પૃથિવી નો અભ્વાત્ ॥

સંગચ્છમાને યુવતી સમન્તે સ્વસારા જામી પિત્રોર્ ઉપસ્થે ।
અભિજિઘ્રન્તી ભુવનસ્ય નાભિં દ્યાવા રક્ષતમ્ પૃથિવી નો અભ્વાત્ ॥

ઉર્વી સદ્મની બૃહતી ઋતેન હુવે દેવાનામ્ અવસા જનિત્રી ।
દધાતે યે અમૃતં સુપ્રતીકે દ્યાવા રક્ષતમ્ પૃથિવી નો અભ્વાત્ ॥

ઉર્વી પૃથ્વી બહુલે દૂરેઅન્તે ઉપ બ્રુવે નમસા યજ્ઞે અસ્મિન્ ।
દધાતે યે સુભગે સુપ્રતૂર્તી દ્યાવા રક્ષતમ્ પૃથિવી નો અભ્વાત્ ॥

દેવાન્ વા યચ્ ચકૃમા કચ્ ચિદ્ આગઃ સખાયં વા સદમ્ ઇજ્ જાસ્પતિં વા ।
ઇયં ધીર્ ભૂયા અવયાનમ્ એષાં દ્યાવા રક્ષતમ્ પૃથિવી નો અભ્વાત્ ॥

ઉભા શંસા નર્યા મામ્ અવિષ્ટામ્ ઉભે મામ્ ઊતી અવસા સચેતામ્ ।
ભૂરિ ચિદ્ અર્યઃ સુદાસ્તરાયેષા મદન્ત ઇષયેમ દેવાઃ ॥

ઋતં દિવે તદ્ અવોચમ્ પૃથિવ્યા અભિશ્રાવાય પ્રથમં સુમેધાઃ ।
પાતામ્ અવદ્યાદ્ દુરિતાદ્ અભીકે પિતા માતા ચ રક્ષતામ્ અવોભિઃ ॥

ઇદં દ્યાવાપૃથિવી સત્યમ્ અસ્તુ પિતર્ માતર્ યદ્ ઇહોપબ્રુવે વામ્ ।
ભૂતં દેવાનામ્ અવમે અવોભિર્ વિદ્યામેષં વૃજનં જીરદાનુમ્ ॥