ઋગ્વેદ · અધ્યાય 1.178

યદ્ ધ સ્યા ત ઇન્દ્ર શ્રુષ્ટિર્ અસ્તિ યયા બભૂથ જરિતૃભ્ય ઊતી ।
મા નઃ કામમ્ મહયન્તમ્ આ ધગ્ વિશ્વા તે અશ્યામ્ પર્ય્ આપ આયોઃ ॥

ન ઘા રાજેન્દ્ર આ દભન્ નો યા નુ સ્વસારા કૃણવન્ત યોનૌ ।
આપશ્ ચિદ્ અસ્મૈ સુતુકા અવેષન્ ગમન્ ન ઇન્દ્રઃ સખ્યા વયશ્ ચ ॥

જેતા નૃભિર્ ઇન્દ્રઃ પૃત્સુ શૂરઃ શ્રોતા હવં નાધમાનસ્ય કારોઃ ।
પ્રભર્તા રથં દાશુષ ઉપાક ઉદ્યન્તા ગિરો યદિ ચ ત્મના ભૂત્ ॥

એવા નૃભિર્ ઇન્દ્રઃ સુશ્રવસ્યા પ્રખાદઃ પૃક્ષો અભિ મિત્રિણો ભૂત્ ।
સમર્ય ઇષઃ સ્તવતે વિવાચિ સત્રાકરો યજમાનસ્ય શંસઃ ॥

ત્વયા વયમ્ મઘવન્ન્ ઇન્દ્ર શત્રૂન્ અભિ ષ્યામ મહતો મન્યમાનાન્ ।
ત્વં ત્રાતા ત્વમ્ ઉ નો વૃધે ભૂર્ વિદ્યામેષં વૃજનં જીરદાનુમ્ ॥