ઋગ્વેદ · અધ્યાય 1.105

ચન્દ્રમા અપ્સ્વ્ અ1ન્તર્ આ સુપર્ણો ધાવતે દિવિ ।
ન વો હિરણ્યનેમયઃ પદં વિન્દન્તિ વિદ્યુતો વિત્તમ્ મે અસ્ય રોદસી ॥

અર્થમ્ ઇદ્ વા ઉ અર્થિન આ જાયા યુવતે પતિમ્ ।
તુઞ્જાતે વૃષ્ણ્યમ્ પયઃ પરિદાય રસં દુહે વિત્તમ્ મે અસ્ય રોદસી ॥

મો ષુ દેવા અદઃ સ્વ1ર્ અવ પાદિ દિવસ્ પરિ ।
મા સોમ્યસ્ય શમ્ભુવઃ શૂને ભૂમ કદા ચન વિત્તમ્ મે અસ્ય રોદસી ॥

યજ્ઞમ્ પૃચ્છામ્ય્ અવમં સ તદ્ દૂતો વિ વોચતિ ।
ક્વ ઋતમ્ પૂર્વ્યં ગતં કસ્ તદ્ બિભર્તિ નૂતનો વિત્તમ્ મે અસ્ય રોદસી ॥

અમી યે દેવાઃ સ્થન ત્રિષ્વ્ આ રોચને દિવઃ ।
કદ્ વ ઋતં કદ્ અનૃતં ક્વ પ્રત્ના વ આહુતિર્ વિત્તમ્ મે અસ્ય રોદસી ॥

કદ્ વ ઋતસ્ય ધર્ણસિ કદ્ વરુણસ્ય ચક્ષણમ્ ।
કદ્ અર્યમ્ણો મહસ્ પથાતિ ક્રામેમ દૂઢ્યો વિત્તમ્ મે અસ્ય રોદસી ॥

અહં સો અસ્મિ યઃ પુરા સુતે વદામિ કાનિ ચિત્ ।
તમ્ મા વ્યન્ત્ય્ આધ્યો3 વૃકો ન તૃષ્ણજમ્ મૃગં વિત્તમ્ મે અસ્ય રોદસી ॥

સમ્ મા તપન્ત્ય્ અભિતઃ સપત્નીર્ ઇવ પર્શવઃ ।
મૂષો ન શિશ્ના વ્ય્ અદન્તિ માધ્યઃ સ્તોતારં તે શતક્રતો વિત્તમ્ મે અસ્ય રોદસી ॥

અમી યે સપ્ત રશ્મયસ્ તત્રા મે નાભિર્ આતતા ।
ત્રિતસ્ તદ્ વેદાપ્ત્યઃ સ જામિત્વાય રેભતિ વિત્તમ્ મે અસ્ય રોદસી ॥

અમી યે પઞ્ચોક્ષણો મધ્યે તસ્થુર્ મહો દિવઃ ।
દેવત્રા નુ પ્રવાચ્યં સધ્રીચીના નિ વાવૃતુર્ વિત્તમ્ મે અસ્ય રોદસી ॥

સુપર્ણા એત આસતે મધ્ય આરોધને દિવઃ ।
તે સેધન્તિ પથો વૃકં તરન્તં યહ્વતીર્ અપો વિત્તમ્ મે અસ્ય રોદસી ॥

નવ્યં તદ્ ઉક્થ્યં હિતં દેવાસઃ સુપ્રવાચનમ્ ।
ઋતમ્ અર્ષન્તિ સિન્ધવઃ સત્યં તાતાન સૂર્યો વિત્તમ્ મે અસ્ય રોદસી ॥

અગ્ને તવ ત્યદ્ ઉક્થ્યં દેવેષ્વ્ અસ્ત્ય્ આપ્યમ્ ।
સ નઃ સત્તો મનુષ્વદ્ આ દેવાન્ યક્ષિ વિદુષ્ટરો વિત્તમ્ મે અસ્ય રોદસી ॥

સત્તો હોતા મનુષ્વદ્ આ દેવાઁ અચ્છા વિદુષ્ટરઃ ।
અગ્નિર્ હવ્યા સુષૂદતિ દેવો દેવેષુ મેધિરો વિત્તમ્ મે અસ્ય રોદસી ॥

બ્રહ્મા કૃણોતિ વરુણો ગાતુવિદં તમ્ ઈમહે ।
વ્ય્ ઊર્ણોતિ હૃદા મતિં નવ્યો જાયતામ્ ઋતં વિત્તમ્ મે અસ્ય રોદસી ॥

અસૌ યઃ પન્થા આદિત્યો દિવિ પ્રવાચ્યં કૃતઃ ।
ન સ દેવા અતિક્રમે તમ્ મર્તાસો ન પશ્યથ વિત્તમ્ મે અસ્ય રોદસી ॥

ત્રિતઃ કૂપે ઽવહિતો દેવાન્ હવત ઊતયે ।
તચ્ છુશ્રાવ બૃહસ્પતિઃ કૃણ્વન્ન્ અંહૂરણાદ્ ઉરુ વિત્તમ્ મે અસ્ય રોદસી ॥

અરુણો મા સકૃદ્ વૃકઃ પથા યન્તં દદર્શ હિ ।
ઉજ્ જિહીતે નિચાય્યા તષ્ટેવ પૃષ્ટ્યામયી વિત્તમ્ મે અસ્ય રોદસી ॥

એનાઙ્ગૂષેણ વયમ્ ઇન્દ્રવન્તો ઽભિ ષ્યામ વૃજને સર્વવીરાઃ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥