ઋગ્વેદ · અધ્યાય 1.098

વૈશ્વાનરસ્ય સુમતૌ સ્યામ રાજા હિ કમ્ ભુવનાનામ્ અભિશ્રીઃ ।
ઇતો જાતો વિશ્વમ્ ઇદં વિ ચષ્ટે વૈશ્વાનરો યતતે સૂર્યેણ ॥

પૃષ્ટો દિવિ પૃષ્ટો અગ્નિઃ પૃથિવ્યામ્ પૃષ્ટો વિશ્વા ઓષધીર્ આ વિવેશ ।
વૈશ્વાનરઃ સહસા પૃષ્ટો અગ્નિઃ સ નો દિવા સ રિષઃ પાતુ નક્તમ્ ॥

વૈશ્વાનર તવ તત્ સત્યમ્ અસ્ત્વ્ અસ્માન્ રાયો મઘવાનઃ સચન્તામ્ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥