ઋગ્વેદ · અધ્યાય 1.095

દ્વે વિરૂપે ચરતઃ સ્વર્થે અન્યાન્યા વત્સમ્ ઉપ ધાપયેતે ।
હરિર્ અન્યસ્યામ્ ભવતિ સ્વધાવાઞ્ છુક્રો અન્યસ્યાં દદૃશે સુવર્ચાઃ ॥

દશેમં ત્વષ્ટુર્ જનયન્ત ગર્ભમ્ અતન્દ્રાસો યુવતયો વિભૃત્રમ્ ।
તિગ્માનીકં સ્વયશસં જનેષુ વિરોચમાનમ્ પરિ ષીં નયન્તિ ॥

ત્રીણિ જાના પરિ ભૂષન્ત્ય્ અસ્ય સમુદ્ર એકં દિવ્ય્ એકમ્ અપ્સુ ।
પૂર્વામ્ અનુ પ્ર દિશમ્ પાર્થિવાનામ્ ઋતૂન્ પ્રશાસદ્ વિ દધાવ્ અનુષ્ઠુ ॥

ક ઇમં વો નિણ્યમ્ આ ચિકેત વત્સો માતૄર્ જનયત સ્વધાભિઃ ।
બહ્વીનાં ગર્ભો અપસામ્ ઉપસ્થાન્ મહાન્ કવિર્ નિશ્ ચરતિ સ્વધાવાન્ ॥

આવિષ્ટ્યો વર્ધતે ચારુર્ આસુ જિહ્માનામ્ ઊર્ધ્વઃ સ્વયશા ઉપસ્થે ।
ઉભે ત્વષ્ટુર્ બિભ્યતુર્ જાયમાનાત્ પ્રતીચી સિંહમ્ પ્રતિ જોષયેતે ॥

ઉભે ભદ્રે જોષયેતે ન મેને ગાવો ન વાશ્રા ઉપ તસ્થુર્ એવૈઃ ।
સ દક્ષાણાં દક્ષપતિર્ બભૂવાઞ્જન્તિ યં દક્ષિણતો હવિર્ભિઃ ॥

ઉદ્ યંયમીતિ સવિતેવ બાહૂ ઉભે સિચૌ યતતે ભીમ ઋઞ્જન્ ।
ઉચ્ છુક્રમ્ અત્કમ્ અજતે સિમસ્માન્ નવા માતૃભ્યો વસના જહાતિ ॥

ત્વેષં રૂપં કૃણુત ઉત્તરં યત્ સમ્પૃઞ્ચાનઃ સદને ગોભિર્ અદ્ભિઃ ।
કવિર્ બુધ્નમ્ પરિ મર્મૃજ્યતે ધીઃ સા દેવતાતા સમિતિર્ બભૂવ ॥

ઉરુ તે જ્રયઃ પર્ય્ એતિ બુધ્નં વિરોચમાનમ્ મહિષસ્ય ધામ ।
વિશ્વેભિર્ અગ્ને સ્વયશોભિર્ ઇદ્ધો ઽદબ્ધેભિઃ પાયુભિઃ પાહ્ય્ અસ્માન્ ॥

ધન્વન્ સ્રોતઃ કૃણુતે ગાતુમ્ ઊર્મિં શુક્રૈર્ ઊર્મિભિર્ અભિ નક્ષતિ ક્ષામ્ ।
વિશ્વા સનાનિ જઠરેષુ ધત્તે ઽન્તર્ નવાસુ ચરતિ પ્રસૂષુ ॥

એવા નો અગ્ને સમિધા વૃધાનો રેવત્ પાવક શ્રવસે વિ ભાહિ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥