ઋગ્વેદ · અધ્યાય 1.009

ઇન્દ્રેહિ મત્સ્ય્ અન્ધસો વિશ્વેભિઃ સોમપર્વભિઃ ।
મહાઁ અભિષ્ટિર્ ઓજસા ॥

એમ્ એનં સૃજતા સુતે મન્દિમ્ ઇન્દ્રાય મન્દિને ।
ચક્રિં વિશ્વાનિ ચક્રયે ॥

મત્સ્વા સુશિપ્ર મન્દિભિઃ સ્તોમેભિર્ વિશ્વચર્ષણે ।
સચૈષુ સવનેષ્વ્ આ ॥

અસૃગ્રમ્ ઇન્દ્ર તે ગિરઃ પ્રતિ ત્વામ્ ઉદ્ અહાસત ।
અજોષા વૃષભમ્ પતિમ્ ॥

સં ચોદય ચિત્રમ્ અર્વાગ્ રાધ ઇન્દ્ર વરેણ્યમ્ ।
અસદ્ ઇત્ તે વિભુ પ્રભુ ॥

અસ્માન્ સુ તત્ર ચોદયેન્દ્ર રાયે રભસ્વતઃ ।
તુવિદ્યુમ્ન યશસ્વતઃ ॥

સં ગોમદ્ ઇન્દ્ર વાજવદ્ અસ્મે પૃથુ શ્રવો બૃહત્ ।
વિશ્વાયુર્ ધેહ્ય્ અક્ષિતમ્ ॥

અસ્મે ધેહિ શ્રવો બૃહદ્ દ્યુમ્નં સહસ્રસાતમમ્ ।
ઇન્દ્ર તા રથિનીર્ ઇષઃ ॥

વસોર્ ઇન્દ્રં વસુપતિં ગીર્ભિર્ ગૃણન્ત ઋગ્મિયમ્ ।
હોમ ગન્તારમ્ ઊતયે ॥

સુતે-સુતે ન્યોકસે બૃહદ્ બૃહત એદ્ અરિઃ ।
ઇન્દ્રાય શૂષમ્ અર્ચતિ ॥