ઋગ્વેદ · અધ્યાય 1.008

એન્દ્ર સાનસિં રયિં સજિત્વાનં સદાસહમ્ ।
વર્ષિષ્ઠમ્ ઊતયે ભર ॥

નિ યેન મુષ્ટિહત્યયા નિ વૃત્રા રુણધામહૈ ।
ત્વોતાસો ન્ય્ અર્વતા ॥

ઇન્દ્ર ત્વોતાસ આ વયં વજ્રં ઘના દદીમહિ ।
જયેમ સં યુધિ સ્પૃધઃ ॥

વયં શૂરેભિર્ અસ્તૃભિર્ ઇન્દ્ર ત્વયા યુજા વયમ્ ।
સાસહ્યામ પૃતન્યતઃ ॥

મહાઁ ઇન્દ્રઃ પરશ્ ચ નુ મહિત્વમ્ અસ્તુ વજ્રિણે ।
દ્યૌર્ ન પ્રથિના શવઃ ॥

સમોહે વા ય આશત નરસ્ તોકસ્ય સનિતૌ ।
વિપ્રાસો વા ધિયાયવઃ ॥

યઃ કુક્ષિઃ સોમપાતમઃ સમુદ્ર ઇવ પિન્વતે ।
ઉર્વીર્ આપો ન કાકુદઃ ॥

એવા હ્ય્ અસ્ય સૂનૃતા વિરપ્શી ગોમતી મહી ।
પક્વા શાખા ન દાશુષે ॥

એવા હિ તે વિભૂતય ઊતય ઇન્દ્ર માવતે ।
સદ્યશ્ ચિત્ સન્તિ દાશુષે ॥

એવા હ્ય્ અસ્ય કામ્યા સ્તોમ ઉક્થં ચ શંસ્યા ।
ઇન્દ્રાય સોમપીતયે ॥