રેવાખાણ્ડ (સંશોધિત પાઠ) · અધ્યાય 99

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે પ્રભાસતીર્થમાહાત્મ્યવર્ણનં નામાષ્ટનવતિતમો ઽધ્યાયઃ ॥
ર્ક્વ્ અધ્યાય 99
શ્રીમાર્કણ્ડેય ઉવાચ:
તતો ગચ્છેન્મહીપાલ નર્મદાદક્ષિણે તટે ।
સ્થાપિતં વાસુકીશં તુ સમસ્તાઘૌઘનાશનમ્

યુધિષ્ઠિર ઉવાચ:
કસ્માચ્ચ કારણાત્તાત રેવાયા દક્ષિણે તટે ।
વાસુકીશસ્થાપિતો વૈ વિસ્તરાદ્વદ મે ગુરો

શ્રીમાર્કણ્ડેય ઉવાચ:
એતત્સર્વં સમાસ્થાય નૃત્યં શમ્ભુશ્ચકાર વૈ

શ્રમાદજાયત સ્વેદો ગઙ્ગાતોયવિમિશ્રિતમ્ ।
પતન્તમુરગો ઽશ્નાતિ હરમૌલિવિનિર્ગતમ્

મન્દાકિની તતઃ ક્રુદ્ધા વ્યાલસ્યોપરિ ભારત ।
પ્રાપ્નુહ્યજગરત્ ત્વં હિ ભુજઙ્ગ ક્ષુદ્રજન્તુક

વાસુકિરુવાચ:
અનુગ્રાહ્યો ઽસ્મિ તે પાપો દુર્નયો ઽહં હરાદૃતે ।
ત્રૈલોક્યપાવની પુણ્યા સરિત્ત્વં શુભલક્ષણા

સંસારચ્છેદનકરી હ્યાર્તાનામાર્તિનાશની ।
સ્વર્ગદ્વારે સ્થિતા ત્વં હિ દયાં કુરુ મયીશ્વરિ

ગઙ્ગોવાચ:
કુરુષ્વ વિપુલં વિન્ધ્યં તપસ્ત્વં શઙ્કરં પ્રતિ ।
તતઃ પ્રાપ્સ્યસિ સ્વં સ્થાનં પન્નગત્વં મમાજ્ઞયા

શ્રીમાર્કણ્ડેય ઉવાચ:
તતો ઽસૌ ત્વરિતો વિન્ધ્યં નાગો ગત્વા નગં શુભમ્ ।
તપસ્ તપ્તું સમારેભે શઙ્કરારાધનોદ્યતઃ

નિત્યં દધ્યૌ મહાદેવં ત્ર્યક્ષં ડમરુકોદ્યતમ્ ।
તતો વર્ષશતે પૂર્ણ ઉપરુદ્ધો જગદ્ગુરુઃ ।
આગતસ્તત્સમીપં તુ શ્લક્ષ્ણાં વાણીમુદાહરત્

વરં વરય મે વત્સ પન્નગ ત્વં કૃતાદર

વાસુકિર્ ઉવાચ:
યદિ તુષ્ટો ઽસિ મે દેવ વરં દાસ્યસિ શઙ્કર ।
પ્રસાદાત્તવ દેવેશ ભૂયાન્નિષ્પાપતા મમ ।
તીર્થં કિંચિત્સમાખ્યાહિ સર્વપાપપ્રણાશનમ્

ઈશ્વર ઉવાચ:
પન્નગ ત્વં મહાબાહો રેવાં ગચ્છ શુભંકરીમ્ ।
યામ્યે તસ્યાસ્તટે પુણ્યે સ્નાનં કુરુ યથાવિધિ

ઇત્યુક્ત્વાન્તર્દધે દેવો વાસુકિસ્ત્વરયાન્વિતઃ ।
રૂપેણાજગરેણૈવ પ્રવિષ્ટો નર્મદાજલમ્

માર્ગેણ તસ્ય સંજાતં જાહ્નવ્યાઃ સ્રોત ઉત્તમમ્ ।
નિર્ધૂતકલ્મષઃ સર્પઃ સંજાતો નર્મદાજલે

સ્થાપિતઃ શઙ્કરસ્તત્ર નર્મદાયાં યુધિષ્ઠિર ।
તતો નાગેશ્વરં લિઙ્ગં પ્રસિદ્ધં પાપનાશનમ્

અષ્ટમ્યાં વા ચતુર્દશ્યાં સ્નાપયેન્મધુના શિવમ્ ।
વિમુક્તકલ્મષઃ સદ્યો જાયતે નાત્ર સંશયઃ

અપુત્રા યે નરાઃ પાર્થ સ્નાનં કુર્વન્તિ સઙ્ગમે ।
તે લભન્તે સુતાઞ્છ્રેષ્ઠાન્ કાર્ત્તવીર્યોપમાઞ્છુભાન્

શ્રાદ્ધં તત્રૈવ યઃ કુર્યાદ્ ઉપવાસપરાયણઃ ।
કુર્વન્પ્રમોચયેત્પ્રેતાન્નરકાન્નૃપનન્દન

સર્પાણાં ચ ભયં વંશે જ્ઞાતિવર્ગે ન જાયતે ।
નિર્દોષં નન્દતે તસ્ય કુલં નાગપ્રસાદતઃ

એતત્તે સર્વમાખ્યાતં તવ સ્નેહાન્નૃપોત્તમ