રેવાખાણ્ડ (સંશોધિત પાઠ) · અધ્યાય 100

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે નાગેશ્વરતીર્થમાહાત્મ્યવર્ણનં નામૈકોનશતતમો ઽધ્યાયઃ ॥
ર્ક્વ્ અધ્યાય 100
શ્રીમાર્કણ્ડેય ઉવાચ:
તતો ગચ્છેન્મહીપાલ તીર્થં પરમરોચનમ્ ।
માર્કણ્ડેશમિતિ ખ્યાતં નર્મદાદક્ષિણે તટે

ઉત્તમં સર્વતીર્થાનાં ગીર્વાણૈર્ વન્દિતં શિવમ્ ।
ગુહ્યાદ્ગુહ્યતરં પુત્ર નાખ્યાતં કસ્યચિન્મયા

સ્થાપિતં તુ મયા પૂર્વં સ્વર્ગસોપાનસંનિભમ્ ।
જ્ઞાનં તત્રૈવ મે જાતં પ્રસાદાચ્છઙ્કરસ્ય ચ

અન્યસ્તત્રૈવ યો ગત્વા દ્રુપદામન્તર્જલે જપેત્ ।
સ પાતકૈરશેષશ્ચ મુચ્યતે પાણ્ડુનન્દન

વાચિકૈર્ માનસૈશ્ચ વા કર્મજૈરપિ પાતકૈઃ ।
પિણ્ડિકાં ચાપ્યવષ્ટભ્ય યામ્યામાશાં ચ સંસ્થિતઃ

યોજયેચ્છૂલિનં ભક્ત્યા દ્વાત્રિંશદ્બહુરૂપિણમ્ ।
દેહપાતે શિવં ગચ્છેદિતિ મે નિશ્ચયો નૃપ

આજ્યેન બોધયેદ્દીપમષ્ટમ્યાં નિશિ ભારત ।
સ્વર્ગલોકમવાપ્નોતિ ઇત્યેવં શઙ્કરો ઽબ્રવીત્

શ્રાદ્ધં તત્રૈવ યો ભક્ત્યા કુર્વીત નૃપનન્દન ।
પિતરસ્તસ્ય તૃપ્યન્તિ યાવદાભૂતસમ્પ્લવમ્

ઇઙ્ગુદૈર્બદરૈર્બિલ્વૈરક્ષતેન જલેન વા ।
તર્પયેત્ તત્ર યો વંશ્યાનાપ્નુયાજ્જન્મનઃ ફલમ્