રેવાખાણ્ડ (સંશોધિત પાઠ) · અધ્યાય 222

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે હંસેશ્વરતીર્થમાહાત્મ્યવર્ણનં નામૈકવિંશદધિકદ્વિશતતમો ઽધ્યાયઃ ॥
ર્ક્વ્ અધ્યાય 222
શ્રીમાર્કણ્ડેય ઉવાચ:
તતઃ ક્રોશાન્તરે ગચ્છેત્તિલાદં તીર્થમુત્તમમ્ ।
તિલપ્રાશનકૃદ્યત્ર જાબાલિઃ શુદ્ધિમાપ્તવાન્

પિતૃમાતૃપરિત્યાગી ભ્રાતુર્ભાર્યાભિલાષકૃત્ ।
પુત્રવિક્રયકૃત્પાપશ્છલકૃદ્ગુરુણા સહ

એવં દોષસમાવિષ્ટો યત્ર યત્રાપિ ગચ્છતિ ।
તત્ર તત્રાપિ ધિક્કારં લભતે સત્સુ ભારત ।
ન કોઽપિ સંગતિં ધત્તે તેન સાર્દ્ધં સભાસ્વપિ

ઇતિ લજ્જાન્વિતો વિપ્રઃ કાલે ન મહતા નૃપ ।
ચિન્તામવાપ મહતીમ્ અગતિજ્ઞો હિ પાવને

ચકાર સર્વતીર્થાનિ રેવાં ચાપ્યવગાહયત્

અણિવાપાન્તમ્ આસાદ્ય દક્ષિણે નર્મદાતટે ।
તસ્થૌ યત્ર વ્રતી પાર્થ જાબાલિઃ પ્રાશયંસ્તિલાન્

તિલૈરેકાશનં કુર્વંસ્ તથૈવૈકાન્તરાશનમ્ ।
ત્ર્યહષડ્દ્વાદશાહાશી પક્ષમાસાશનસ્તથા

કૃચ્છ્રચાન્દ્રાયણાદીનિ વ્રતાનિ ચ તિલૈરપિ ।
તિલાદત્વમનુપ્રાપ્તો હ્યબ્દદ્વાસપ્તતિં ક્રમાત્

કાલેન ગચ્છતા તસ્ય પ્રસન્નો ઽભવદીશ્વરઃ ।
પ્રાદાદ્ ઇહામુત્રિકીં તુ શુદ્ધિં સાલોક્યમાત્મકમ્

તેન સ સ્થાપિતો દેવઃ સ્વનામ્ના ભરતર્ષભ ।
તિલાદેશ્વરસંજ્ઞાં ચ પ્રાપ લોકાદપિ પ્રભુઃ

તદા પ્રભૃતિ વિખ્યાતં તીર્થં પાપપ્રણાશનમ્ ।
તત્ર તીર્થે નરઃ સ્નાત્વા ચતુર્દશ્યષ્ટમીષુ ચ

ઉપવાસપરઃ પાર્થ તથૈવ હરિવાસરે ।
તિલહોમી તિલોદ્વર્તી તિલસ્નાયી તિલોદકી

તિલદાતા ચ ભોક્તા ચ નાનાપાપૈઃ પ્રમુચ્યતે ।
તિલૈરાપૂરયેલ્લિઙ્ગં તિલતૈલેન દીપદઃ ।
રુદ્રલોકમ્ અવાપ્નોતિ પુનાત્ય્ આ સપ્તમં કુલમ્

તિલપિણ્ડપ્રદાનેન શ્રાદ્ધે નૃપતિસત્તમ ।
વિકર્મસ્થાશ્ચ ગચ્છન્તિ ગતિમિષ્ટાં હિ પૂર્વજાઃ

સ્વર્ગલોકસ્થિતાઃ શ્રાદ્ધૈર્ બ્રાહ્મણાનાં ચ ભોજનૈઃ ।
અક્ષયાં તૃપ્તિમાસાદ્ય મોદન્તે શાશ્વતીઃ સમાઃ

પિતુઃ કુલં માતૃકુલં તથા ભાર્યાકુલં નૃપ ।
કુલત્રયં સમુદ્ધૃત્ય સ્વર્ગં નયતિ વૈ નરઃ