રેવાખાણ્ડ (સંશોધિત પાઠ) · અધ્યાય 138

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કર્કટેશ્વરતીર્થમાહાત્મ્યવર્ણનં નામ સપ્તત્રિંશદધિકશતતમો ઽધ્યાયઃ ॥
ર્ક્વ્ અધ્યાય 138
શ્રીમાર્કણ્ડેય ઉવાચ:
તતો ગચ્છેત્ પાણ્ડુપુત્ર શક્રતીર્થમ્ અનુત્તમમ્ ।
યત્ર સિદ્ધો મહાભાગો દેવરાજઃ શતક્રતુઃ

ગૌતમેન પુરા શપ્તં જ્ઞાત્વા દેવાઃ સુરેશ્વરમ્ ।
બ્રહ્માદ્યા દેવતાઃ સર્વ ઋષયશ્ચ તપોધનાઃ

ગૌતમં પ્રાર્થયામાસુર્ વાક્યૈઃ સાનુનયૈઃ શુભૈઃ ।
ગતરાજ્યં ગતશ્રીકં શક્રં પ્રતિ મુનીશ્વર

ઇન્દ્રેન રહિતં રાજ્યં ન કશ્ચિત્ કામયેદ્ દ્વિજ ।
દેવો વા માનવો વાપિ એતત્તે વિદિતં પ્રભો

તસ્ય ત્વં ભગયુક્તસ્ય દયાં કુરુ દ્વિજોત્તમ ।
ગતશ્ચાદર્શનં શક્રો દૂષિતઃ સ્વેન પાપ્મના

દેવાનાં વચનં શ્રુત્વા ગૌતમો વેદવિત્તમઃ ।
તથેતિ કૃત્વા શક્રસ્ય વરં દાતું પ્રચક્રમે

એતદ્ભગસહસ્રં તુ પુરા જાતં શતક્રતો ।
તલ્લોચનસહસ્રં તુ મત્પ્રસાદાદ્ ભવિષ્યતિ

એવમુક્તઃ સહસ્રાક્ષઃ પ્રણમ્ય મુનિસત્તમમ્ ।
બ્રાહ્મણાંસ્ તાન્ મહાભાગાન્ નર્મદાં પ્રત્યગાત્ તતઃ

સ્નાત્વા સ વિમલે તોયે સંસ્થાપ્ય ત્રિપુરાન્તકમ્ ।
જગામ ત્રિદશાવાસં પૂજ્યમાનો ઽપ્સરોગણૈઃ

તત્ર તીર્થે તુ યઃ સ્નાત્વા પૂજયેત્ પરમેશ્વરમ્ ।
પરદારાભિગમનાન્ મુચ્યતે પાતકાન્ નરઃ