રેવાખાણ્ડ (સંશોધિત પાઠ) · અધ્યાય 139

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શક્રતીર્થમાહાત્મ્યવર્ણનમ્ નામાષ્ટત્રિંશદધિકશતતમો ઽધ્યાયઃ ॥
ર્ક્વ્ અધ્યાય 139
શ્રીમાર્કણ્ડેય ઉવાચ:
તતો ગચ્છેન્ મહારાજ સોમતીર્થમનુત્તમમ્ ।
યત્ર સોમસ્તપસ્તપ્ત્વા નક્ષત્રપથમાસ્થિતઃ

તત્ર તીર્થે તુ યઃ સ્નાયાદાચમ્ય વિધિપૂર્વકમ્ ।
કૃતજાપ્યો રવિં ધ્યાયેત્ તસ્ય પુણ્યફલં શૃણુ

ઋગ્વેદયજુર્વેદાભ્યાં સામવેદેન ભારત ।
જપતો યત્ફલં પ્રોક્તં ગાયત્ર્યા ચાત્ર તત્ફલમ્

તત્ર તીર્થે તુ યો ભક્ત્યા બ્રાહ્મણાન્ ભોજયેચ્છુચિઃ ।
તેન સમ્યગ્વિધાનેન કોટિર્ભવતિ ભોજિતા

પાદુકોપાનહૌ છત્રં વસ્ત્રકમ્બલવાજિનઃ ।
યો દત્તે વિપ્રમુખ્યાય તસ્ય તત્કોટિસંમિતમ્

સહસ્રં તુ સહસ્રાણામનૃચાં યસ્તુ ભોજયેત્ ।
એકસ્ય મન્ત્રયુક્તસ્ય કલાં નાર્હતિ ષોડશીમ્

એવં તુ ભોજયેત્ તત્ર બહ્વૃચં વેદપારગમ્ ।
શાખાન્તર્ગમ્ અથાધ્વર્યું છન્દોગં વા સમાપ્તિગમ્

અગ્નિહોત્રસહસ્રસ્ય યત્ફલં પ્રાપ્યતે બુધૈઃ ।
સમં તદ્વેદવિદુષા તીર્થે સોમસ્ય તત્ફલમ્

ભોજયેદ્યઃ શતં તેષાં સહસ્રં લભતે નરઃ ।
એકસ્ય યોગયુક્તસ્ય તત્ફલં કવયો વિદુઃ

સંનિરુધ્યેન્દ્રિયગ્રામં યત્રયત્ર વસેન્ મુનિઃ ।
તત્રતત્ર કુરુક્ષેત્રં નૈમિષં પુષ્કરાણિ ચ

તસ્માત્સર્વપ્રયત્નેન ગ્રહણે ચન્દ્રસૂર્યયોઃ ।
સંક્રાન્તૌ ચ વ્યતીપાતે યોગી ભોજ્યો વિશેષતઃ

સંન્યાસં કુરુતે યસ્તુ તત્ર તીર્થે યુધિષ્ઠિર ।
વિમાનેન મહાભાગાઃ સ યાતિ ત્રિદિવં નરઃ

સોમસ્યાનુચરો ભૂત્વા તેનૈવ સહ મોદતે