રત્નમાલાવદાન · ભાગ 281300

પુષ્પૈર્ અભ્યર્ચિતઃ શ્રીમાન્ શરણ્યઃ સર્વદેહિનાં ।
સમૃદ્ધિતઃ સ સ્યાદ્ આરામં યઃ પ્રયછતિ ॥ ર્મ્_28.146{12} ॥
વિદ્યાદાનેન પણ્ડિત્યં પ્રજ્ઞાભ્યાસેન ચાપ્યતે ।
ભૈષજ્યાભયદાનેન રોગમુક્તસ્ તુ જાયતે ॥ ર્મ્_28.147{13} ॥
દીપદાનેન ચક્ષુષ્માન્ વાદ્યદાનેન સુસ્વરઃ ।
શયનાસનદાનેન સુખી ભવતિ માનવઃ ॥ ર્મ્_28.148{14} ॥
ગવાદીન્ન્ યો દદાતીહ ભોજ્યં રસસમન્વિતં ।
બલવાન્ વર્ણવાન્ ભોગી દીર્ઘાયુઃ સ ભવેન્ નરઃ ॥ ર્મ્_28.149{15} ॥
કન્યાદાનેન સમાન્યાં લાભી સ્યાત્ પરિવારવાન્ ।
ધનધાન્યસમૃદ્ધસ્ તુ ભૂમિદાનેન જાયતે ॥ ર્મ્_28.150{16} ॥
પત્રં પુષ્પં ફલં તોયમ્ અભયં વચનં પ્રિયં ।
યદ્ યદ્ એવેપ્સિતં શક્ત્યા દાતવ્યં તત્ તદ્ અર્થિનઃ ॥ ર્મ્_28.151{17} ॥
ક્લેશયિત્વા દદાતીહ સ્વકાર્થં વા હ યેન વા ।
યશઃસૌખ્યાભિલાખાદ્ વા સ ક્લિષ્ટં લભતે ફલં ॥ ર્મ્_28.152{18} ॥
સ્વકાર્યં નિરપેક્ષેણ કૃપાવિષ્ટેન ચેતસા ।
પરાર્થં યો દદાતીહ સો ઽક્લિષ્ટં ફલમ્ અશ્નુતે ॥ ર્મ્_28.153{19} ॥
યત્ કિઞ્ચિદ્ દીયતે ઽન્યસ્મૈ યથાકાલં યથાવિધિં ।
તેન તેન પ્રકારેણ તત્ સર્વમ્ ઉપતિષ્ઠતે ॥ ર્મ્_28.154{20} ॥
પરાન્ અન્વપહત્ય્ એવં સર્વકાલં યથેપ્સિતં ।
અક્લેશયિત્વા દાતવ્યં હિતં ધર્માવિરોધિયત્ ॥ ર્મ્_28.155{21} ॥
એવં હિ દીયમાનસ્ય દાનસ્યૈવ ફલાદયઃ ।
દાનં હિ સર્વસૌખ્યાનામ્ અનન્યત્ કારણં મતં ॥ ર્મ્_28.156{22} ॥
વિરજઃ પરદારેભ્યો દારાન્ ઇષ્ટાન્ અવાપ્નુયાત્ ।
સ્વેભ્યો ઽપ્ય્ અદેશકાલૌ ચ વર્જયેત્ પુંસ્ત્વમ્ અર્છતિ ॥ ર્મ્_28.157{23} ॥
પરદારેષુ સંસક્તં ચિત્તં યો ન નિયછતિ ।
અનંગેષુ ચક્ષ્યેત સ પુમાં સ્ત્રીત્વમ્ અર્છતિ ॥ ર્મ્_28.158{24} ॥
સ્ત્રીત્વં જુગુપ્સતે યા તુ સુશીલમન્દરાગિણી ।
પુંસ્ત્વમ્ આકાંક્ષતે નિત્યં સા નારી નરતાં વ્રજેત્ ॥ ર્મ્_28.159{25} ॥
યસ્ તુ સમ્યગ્નિરાતઙ્કં બ્રહ્મચર્યં નિષેવતે ।
તેજસ્વી સદ્ગુણઃ શ્રીમાન્ દેવૈર્ અપિ સ લક્ષ્યતે ॥ ર્મ્_28.160{26} ॥
દૃઢસ્મૃતિર્ અસંમૂઢો મઘવાનો નિષેવનાત્ ।
જાયતે સત્યવાદી ચ યશઃસૌખ્યાન્વિતઃ પુમાન્ ॥ ર્મ્_28.161{27} ॥
ભિન્નાનામ્ અપિ સત્વાનાં ભેદં નૈવ કરોતિ યઃ ।
અભેદ્યપરિવારો ઽસૌ જાયતે સ્થિરમાનસઃ ॥ ર્મ્_28.162{28} ॥
યસ્ ત્વ્ આજ્ઞાં કુરુતે નિત્યં ગુરૂણાં હૃષ્ટમાનસઃ ।
હિતાહિતાભિધાયી ચ સ સ્યાદ્ આદેયવાક્કૃતી ॥ ર્મ્_28.163{29} ॥
નીચાપરાયમાનેન વિપર્યાસેન ચોદ્ગતઃ ।
ભવન્તિ સુખિનઃ સૌખ્યં દુઃખં દત્વા ચ દુઃખિનઃ ॥ ર્મ્_28.164{30} ॥
પરપ્રપઞ્ચાભિરતાઃ શઠાશ્ ચાનૃતવાદિનઃ ।
કુબ્જવામનતાં યાન્તિ યે ચ રૂપાભિમાનિનઃ ॥ ર્મ્_28.165{31} ॥

જડો વિજ્ઞાનમાત્સર્યાદ્ ભવેન્ મૂકઃ પ્રિયાપ્રિયઃ ।
વાધિર્યં યાતિ મૂઢાત્મા હિતવાક્યાભિગૂઢકઃ ॥ ર્મ્_28.166{32} ॥
દુઃખમ્ પાપસ્ય પુણ્યસ્ય સુખં મિશ્રસ્ય મિશ્રિતં ।
સર્વં સાદૃશ્યનિઃસ્યન્દમ્ અભ્યુહ્યં કર્મણઃ ફલં ॥ ર્મ્_28.167{33} ॥
++ઇતિ મનુષ્ય કાંદં સમાપ્તમ્ ++
શઠ્યેન માયયા નિત્યં ચરત્ય્ અકૃતકિલ્બિષઃ ।
કલિપ્રિયઃ પ્રદાતા ચ સ ભવેદ્ અસુરેશ્વરઃ ॥ ર્મ્_28.168{1} ॥
++ ઇત્ય્ અસુરકાણ્ડમ્ ++
નાત્મના યઃ સુખાકાંક્ષી ન ચ કૃવ્યેત પરિગ્રહં ।
ગ્રહાણામ્ અગ્રણી ચાસૌ મહારાજિકતાં વ્રજેત્ ॥ ર્મ્_28.169{1} ॥
માતાપિતૃકુલજ્યેષ્ઠપૂજકસ્યાગવાન્ કૃતી ।
હૃષ્યમે યો ન કલહૈસ્ ત્રિદશેષુ સ જાયતે ॥ ર્મ્_28.170{2} ॥
ન વિગ્રહે રતા નૈવ કલહે હૃષ્ટમાનસાઃ ।
એકાન્તકુશલોદ્યુક્તા યે ચ મોયાપગાસ્ તુ તે ॥ ર્મ્_28.171{3} ॥
બહુશ્રુતા ધર્મધરાઃ સુપ્રજ્ઞા મોક્ષકાંક્ષિણઃ ગુણૈર્ ।
યે પરિહૃષ્ણાશ્ ચ નરાસ્ તે તુષિતોપગાઃ ॥ ર્મ્_28.172{4} ॥
શીલપ્રદાનવિનયે પ્રવૃત્તા યે સ્વયં નરાઃ ।
મહોત્સાહાશ્ ચ તે ઽવશ્યં નિર્માણરતિગામિનઃ ॥ ર્મ્_28.173{5} ॥
અદીનસત્વા મે શ્રેષ્ઠાઃ પ્રદાને દમસંયમૈઃ ।
ગુણાધિકાશ્ ચ યે યાન્તિ પરનિર્મિતતાં ધ્રુવં ॥ ર્મ્_28.174{6} ॥
શીલેન સ્વર્ગમ્ આપ્નોતિ ધ્યાનેન ચ વિશેષતઃ ।
યથાભૂતપરિજ્ઞાનાત્ પર્યન્તે વો પુનર્ભવઃ ॥ ર્મ્_28.175{7} ॥
શુભાશુભફલં કર્મ યદ્ એતત્ કથિતં સ્ફુટં ।
શુભેન લભ્યતે સૌખ્યં દુઃખં ત્વ્ અશુભસંભવં ॥ ર્મ્_28.176{8} ॥
મૃત્યુર્ વ્યાધિર્ જરા ચૈવ ચિન્તનીયમ્ ઇદં ત્રયં ।
વિપ્રયોગા પ્રિયૈઃ સાર્દ્ધં કર્મણાં ચ સ્વકં ફલં ॥ ર્મ્_28.177{9} ॥
એવં વિરાગમ્ આપ્નોતિ વિવિક્તઃ પુણ્યમ્ અર્છતિ ।
પાપં ચ નાર્જયેદ્ એવં તચ્ ચ સંક્ષેપતઃ શૃણુ ॥ ર્મ્_28.178{10} ॥
સમ્યક્પરાર્થકરણં પરાનર્થવિવર્જનં ।
પુણ્યં વિપર્યયાત્ પાપભુક્તમ્ એવ મુનીશ્વરૈઃ ॥ ર્મ્_28.179{11} ॥
++ ઇતિ દેવકાણ્ડં સમાપ્તમ્ ++
એવં મત્વા મહારાજ ષડ્ગતિકારિકાં ભવે ।
સંબોધિધર્મમ્ આધાય ચરિતવ્યં સદા શુભે ॥ ર્મ્_28.180{1} ॥
યે સંબોધિવ્રતં ધૃત્વા પ્રચરન્તિ સમાહિતાઃ ।
સર્વસત્વહિતાર્થેન બોધિસત્વા ભવન્તિ તે ॥ ર્મ્_28.181{2} ॥
એવં વિજ્ઞાય રાજેન્દ્ર સદા ભદ્રં યદીછસિ ।
ત્રિરત્નં શરણં કૃત્વા ભજ નિત્યં સમાદરાત્ ॥ ર્મ્_28.182{3} ॥
એતત્પુણ્યવિપાકેન સર્વક્લેશન્ વિનિર્જયન્ ।
ક્રમાદ્ બોધિં સમાસાદ્ય સંબુદ્ધપદમ્ આપ્નુયાઃ ॥ ર્મ્_28.183{4} ॥
ઇતિ તેન મુનીન્દ્રેણ સમાખ્યાતં નિશમ્ય સઃ ।

રાજાપ્ય્ ઉત્તરપાંચાલઃ પ્રવ્રજિતું સમૈછત ॥ ર્મ્_28.184{5} ॥
તતઃ સ નૃપતી રાજા સમુત્થાય કૃતાંજલિઃ ।
ભગવન્તમ્ આનત્વા પ્રાર્થયદ્ એવમ્ આદરાત્ ॥ ર્મ્_28.185{6} ॥
ભગવન્ નાથ સર્વજ્ઞ ભવતાં શરણં ગતઃ ।
સંબોધિવ્રતમ્ આધાય પ્રેછામિ ચરિતું સદા ॥ ર્મ્_28.186{7} ॥
યદ્ ભવાઞ્ જગતાં શાસ્તા સંબોધિધર્મદેશિકઃ ।
તન્ મે ઽનુગ્રહતાં કૃત્વા પ્રવ્રજ્યાં દાતુમ્ અર્હતિ ॥ ર્મ્_28.187{8} ॥
ઇતિ સંપ્રાર્થિતે તેન રાજ્ઞા સ ભગવાન્ સુધીઃ ।
તસ્ય રાજ્ઞો મનઃશુદ્ધં વિજ્ઞાયૈવમ્ ઉપાદિશત્ ॥ ર્મ્_28.188{9} ॥
સાધુ રાજન્ મહાભાગ યદીછસિ શુભાં ગતિં ।
એહિ ચર સમાધાય ચર મે શાસને વ્રતં ॥ ર્મ્_28.189{10} ॥
ઇત્ય્ આદિશ્ય મુનીન્દ્રો ઽસૌ પાણિના તચ્ છિરઃ સ્પૃશન્ ।
સંબુદ્ધે શાસને ધર્મે તં નરેંદ્રં સમગ્રહીત્ ॥ ર્મ્_28.190{11} ॥
એહીતિ તેન શાસ્ત્રોક્તે નૃપતિઃ સ પ્રબોધિતઃ ।
ખિક્ખિરીપાત્રધરો ભિક્ષુ ઽભૂચ્ ચીવરાવૃતઃ ॥ ર્મ્_28.191{12} ॥
તતઃ સ ભૂપતિશ્ ચાપિ વિરક્તો ભોગ્યનિસ્પૃહઃ ।
નિઃક્લેશઃ પરિશુદ્ધાત્મા બભૂવ વિજિતેંદ્રિયઃ ॥ ર્મ્_28.192{13} ॥
સાક્ષાદ્ અર્હત્વમ્ આસાદ્ય બ્રહ્મચારી નિરંજનઃ ।
સંબોધિપદમ્ આસાદ્ય સંબુદ્ધઃ શ્રાવકો ઽભવત્ ॥ ર્મ્_28.193{14} ॥
તતઃ સ બ્રહ્મવિદ્ યોગી ત્રૈધાતુવાસિનામ્ અપિ ।
સદેવાસુરલોકાનાં વન્દ્યો માન્યો ઽભવદ્ ગુરુઃ ॥ ર્મ્_28.194{15} ॥
તતો દક્ષિણપાંચાલરાજા સ પ્રતિમોદિતઃ ।
ઉત્થાય સાંજલિર્ નત્વા પ્રાર્થ્યત્ તં મુનીશ્વરં ॥ ર્મ્_28.195{16} ॥
ભગવન્ નાથ સર્વજ્ઞ કૃપયા મે પ્રસીદતુ ।
ત્રૈમાસ્યં ભક્તુમ્ ઇછામિ તત્ કુરુતામ્ અનુગ્રહં ॥ ર્મ્_28.196{17} ॥
ઇતિ સંપ્રાર્થિતે રાજ્ઞા ભગવાન્ સ મુનીશ્વરઃ ।
નૃપતિં તં સમાલોક્ય તૂષ્ણીભૂત્વાધ્યુવાસ તત્ ॥ ર્મ્_28.197{18} ॥
તતઃ સ નૃપતી રાજા ભગવતાધ્યુવાસિતં ।
વિદિત્વા સર્વસામગ્રીં સહસા સમસાધયત્ ॥ ર્મ્_28.198{19} ॥
તતઃ સ રાજા ભગવંતં સસાંઘિકં ।
યથાર્હભોજનૈર્ નિત્યં સમભ્યર્ચ્ય ઽભ્યતોષયત્ ॥ ર્મ્_28.199{20} ॥
વિચિત્રચીવરૈશ્ ચાપિ શ્રીઘનં તં સસાંઘિકં ।
આછાદ્ય સાંજલિર્ નત્વા પ્રણિધાનં મુદા વ્યધાત્ ॥ ર્મ્_28.200{21} ॥
એતત્પુણ્યવિપાકેન લોકે ઽંધે ઽપરિનાયકે ।
સદ્ધર્મભાસ્કરઃ શાસ્તા સંબુદ્ધો ઽર્હં ભવેય હિ ॥ ર્મ્_28.201{22} ॥
એવં તેન નરેન્દ્રેણ પ્રણિધાનં કૃતં મુદા ।
મત્વા સ ભગવાન્ સ્મિતં પ્રામુઞ્ચચ્ છુભરોચિષં ॥ ર્મ્_28.202{23} ॥
તત્ સ્મિતસમુત્પન્નાઃ પંચવર્ણાઃ સુરશ્મયઃ ।
પ્રસારિતાસ્ ત્રિલોકેષુ ભાસયન્ત્યઃ પ્રચેરિરે ॥ ર્મ્_28.203{24} ॥
તદ્રસ્મિસંપરિસ્પૃષ્ટાઃ સર્વે ઽપિ નારકાશ્રિતાઃ ।

નિર્મુક્તવેદનાખેદા મહત્સૌખ્યં પ્રલેભિરે ॥ ર્મ્_28.204{25} ॥
તદા તે વિસ્મિતાઃ સર્વે નારકીયાઃ પ્રમોદિતાઃ ।
કિમ્ એવં જાયતે સૌખ્યમ્ ઇતિ ધ્યાત્વા નિષેદિરે ॥ ર્મ્_28.205{26} ॥
તતઃ સ ભગવાંસ્ તેષાં વિસ્મયાક્રાંતચેતસાં ।
મનાંસિ પરિબોધાર્થં પ્રૈષયત્ તત્ર નૈર્મિતં ॥ ર્મ્_28.206{27} ॥
તદા તે નારકાઃ સર્વે દૃષ્ટ્વા તં સુગતં મુદા ।
ઉપેત્ય પ્રણતિં કૃત્વા પ્રાભજઞ્ છરણં ગતાઃ ॥ ર્મ્_28.207{28} ॥
તતસ્ તત્ પુણ્યલિપ્તાસ્ તે સર્વે વિમુક્તપાપકાઃ ।
પરિશુદ્ધાઃ શુભાત્માનઃ સદ્ગતિં સમુપાયયુઃ ॥ ર્મ્_28.208{29} ॥
તતસ્ તા રશ્મયઃ સર્વા અવભાસ્ય સમંતતઃ ।
અકનિષ્ઠાલયં યાવત્ પ્રસૃતાઃ સમભાસયન્ ॥ ર્મ્_28.209{30} ॥
ગાથાઘોષૈશ્ ચ સર્વત્ર સર્વાન્ દેવાન્ પ્રમોદિનઃ ।
બોધયિત્વા શુભે ધર્મે પ્રતિષ્ઠાપ્ય પચેરિરે ॥ ર્મ્_28.210{31} ॥
તતસ્ તા રશ્મયઃ સર્વા પિણ્ડીભૂતા મુનેઃ પુરઃ ।
ત્રિધા પ્રદક્ષિણીકૃત્વા મહોષ્ણીષે સમાવિશત્ ॥ ર્મ્_28.211{32} ॥
તદ્ દૃષ્ટ્વા તે સભાલોકાઃ સર્વે ઽતિવિસ્મયોદ્ધતાઃ ।
શાસ્તા કિમ્ આદિશેદ્ ધર્મમ્ ઇતિ ધ્યાત્વા નિષેદિરે ॥ ર્મ્_28.212{33} ॥
ઇતિ તેષાં મનસ્તર્કં મત્વાનંદઃ સમુત્થિતઃ ।
ઉપેત્ય સાંજલિર્ નત્વા પ્રાર્થયેત્ તં મુનીશ્વરં ॥ ર્મ્_28.213{34} ॥
ભગવન્ હેતુના કેન સ્મિતં મુંચતિ સાંપ્રતં ।
નાહેત્વપ્રત્યયં સ્મિતં ન મુંચંતિ મુનીશ્વરાઃ ॥ ર્મ્_28.214{35} ॥
તદ્ યદર્થે ભવાન્ સ્મિતં મુંચતીમે સભાજનાઃ ।
શ્રોતુમ્ ઇછંતિ સર્વે તદ્ અર્થમ્ આદેષ્ટુમ્ અર્હતિ ॥ ર્મ્_28.215{36} ॥
ઇત્ય્ આનંદોદિતં શ્રુત્વા ભગવાન્ સ જગદ્ગુરુઃ ।
સર્વાંલ્ લોકાન્ સમાલોક્ય તમ્ આનંદં સમબ્રવીત્ ॥ ર્મ્_28.216{37} ॥
એવમ્ એવ સદાનંદ સર્વે બુદ્ધા મુનીશ્વરાઃ ।
નાહેતુપ્રત્યયં સ્મિતં વિમુંચન્તિ કદા ચન ॥ ર્મ્_28.217{38} ॥
પશ્યતામ્ અયમ્ આનંદ રાજાતિસંપ્રસાદિતઃ ।
સત્કૃત્ય શ્રદ્ધયાસ્માકં ત્રૈમાસ્યં ભજતે મુદા ॥ ર્મ્_28.218{39} ॥
એતત્પુણ્યવિપાકેન રાજાયં સદ્ગુણાકરઃ ।
ક્રમાત્ પારમિતાઃ સર્વાઃ પરિપૂર્ય બલાન્વિતઃ ॥ ર્મ્_28.219{40} ॥
સર્વક્લેશગણાઞ્ જિત્વા મારાઞ્ ચાપિ વિનિર્જયન્ ।
બોધિમ્ આસાદ્ય સર્વજ્ઞસ્ તથાગતો મુનીશ્વરઃ ॥ ર્મ્_28.220{41} ॥
સર્વવિદ્યાધિપઃ શાસ્તા ધર્મરાજો વિનાયકઃ ।
વિજયો નામ સંબુદ્ધો ભવિષ્યતિ ભવાન્તરે ॥ ર્મ્_28.221{42} ॥
એવમ્ આનંદ વિજ્ઞાય બુદ્ધક્ષેત્રશુભંકૃતં ।
તદ્વિપાકે મહત્સૌખ્યં ભદ્રં સંબોધિસાધનં ॥ ર્મ્_28.222{43} ॥
ત્રિરત્નશરણં કૃત્વા સત્કારૈઃ શ્રદ્ધયા સદા ।
સંબોધિવાઞ્છિભિર્ લોકૈશ્ ચરિતવ્યં શુભે મુદા ॥ ર્મ્_28.223{44} ॥
ઇત્ય્ આદિષ્ટં મુનીન્દ્રેણ શ્રુત્વાનંદાદયો ઽપિ તે ।

સર્વે લોકાસ્ તથેત્ય્ ઉક્ત્વા પ્રાભ્યનન્દન્ પ્રસાદિતાઃ ॥ ર્મ્_28.224{45} ॥
સો ઽપિ દક્ષિણપાંચાલો રાજા શ્રુત્વા પ્રમોદિતઃ ।
ત્રિરત્નભજનં કૃત્વા પ્રચચાર શુભે સદા ॥ ર્મ્_28.225{46} ॥
તદારભ્ય સદા તત્ર મંગલં નિરુપદ્રવં ।
સમંતતો મહોત્સાહં કૃતયુગ ઇવાભવત્ ॥ ર્મ્_28.226{47} ॥
ઇતિ મે ગુરુણાખ્યાતં શ્રુતં મયા તથા ઽધુના ।
કથ્યતે ઽત્ર ત્વયાપ્ય્ એવં ચરિતવ્યં શુભે સદા ॥ ર્મ્_28.227{48} ॥
પ્રજાશ્ ચાપિ મહારાજ બોધયિત્વા પ્રયત્નતઃ ।
બોધિમાર્ગે પ્રતિષ્ઠાપ્ય પાલનીયાઃ સદા ત્વયા ॥ ર્મ્_28.228{49} ॥
તથા તે સર્વદા ભદ્રં સર્વત્રાપિ ભવેદ્ ધ્રુવં ।
ક્રમાદ્ બોધિં સમાસાદ્ય સંબુદ્ધપદમ્ આપ્નુયાઃ ॥ ર્મ્_28.229{50} ॥
ઇતિ તેનાર્હતાદિષ્ટં શ્રુત્વાશોકઃ સ ભૂમિપઃ ।
તથેત્ય્ અભ્યનુમોદિત્વા પ્રાભ્યનન્દત્ સપાર્ષદઃ ॥ ર્મ્_28.230{51} ॥
રાજ્ઞો પાઞ્ચાલયોર્ યન્ મુનિકથિતમ્ ઇદં તત્ પ્રસિદ્ધાવદાનં ।
શૃણ્વન્તિ શ્રાવયન્તિ પ્રમુદિતમનસઃ શ્રદ્ધયા યે પ્રસન્નાઃ ।
સર્વે તે બોધિસત્વાઃ સકલગુણધરાઃ સર્વસંપત્સુખાઢ્યાઃ ।
કૃત્વા લોકેષુ ભદ્દ્રં મુનિવરનિલયે સંપ્રયાન્તિ પ્રમોદાઃ ॥ ર્મ્_28.231{52} ॥
++ ઇતિ રત્નાવદાનતત્વે પાંચાલરાજાવદનં સમાપ્તમ્ ++
xxઇx ઉપપાદુકાવદાન
અથાશોકો મહીપાલઃ સમુપેત્ય કૃતાંજલિઃ ।
ઉપગુપ્તં યતિં નત્વા પ્રાર્થયદ્ એવમ્ આદરાત્ ॥ ર્મ્_29.1{1} ॥
ભદન્ત શ્રોતુમ્ ઇછામિ પુનર્ અન્યત્ સુભાષિતં ।
તદ્યથા ગુરુણાદિષ્ટં તથાખ્યાતું ચ મે ઽર્હતિ ॥ ર્મ્_29.2{2} ॥
ઇતિ સંપ્રર્થિતં રાજ્ઞા શ્રુત્વા સો ઽર્હન્ મહામતિઃ ।
ઉપગુપ્તો નરેંદ્રં તં સમાલોક્યૈવમ્ આદિશત્ ॥ ર્મ્_29.3{3} ॥
સાધુ શૃણુ મહરાજ યથા મે ગુરુણોદિતં ।
તથાહં તે પ્રવક્ષ્યામિ શ્રુત્વા ચાપ્ય્ અનુમોદય ॥ ર્મ્_29.4{4} ॥
તદ્યથા ભગવાન્ બુદ્ધા શાક્યસિંહો મુનીશ્વરઃ ।
સર્વજ્ઞઃ સુગતઃ શાસ્તા ધર્મરાજો વિનાયકઃ ॥ ર્મ્_29.5{5} ॥
એકસ્મિન્ સમયે માતુર્ માયાદેવ્યા હિતેછયા ।
સદ્ધર્મં સમુપાદેષ્ટું પ્રાચરત્ ત્રિદશાલયે ॥ ર્મ્_29.6{6} ॥
તત્ર સ ભગવાન્ ગત્વા સુરમ્યે નંદને વને ।
પારિજાતતલે પાણ્ડુસચ્છિલાયામ્ ઉપાશ્રયત્ ॥ ર્મ્_29.7{7} ॥
તત્ર શક્રાદયો દેવાઃ સર્વે તં સદ્ગુણાકરં ।
શાક્યમુનિં સમાલોક્ય મુદિતાઃ સમુપાચરન્ ॥ ર્મ્_29.8{8} ॥
તત્ર તં શ્રીઘનં દૃષ્ટ્વા સર્વે દેવાઃ પ્રમોદિતાઃ ।
ત્રિધા પ્રદક્ષિણીકૃત્ય સાઞ્જલયઃ પ્રણેમિરે ॥ ર્મ્_29.9{9} ॥
તતો દેવાધિપઃ શક્રો દિવ્યરત્નમયાસનં ।
સંબુદ્ધસ્ય જગચ્છાસ્તુઃ પ્રાજ્ઞાપયચ્ છુભોજ્જ્વલં ॥ ર્મ્_29.10{10} ॥
તત્ર સ ભગવાન્ દૃષ્ટ્વા દિવ્યરત્નમહોજ્વલે ।

આરુહ્ય સમુપાશ્રિત્ય સમાતસ્થૌ પ્રભાસયન્ ॥ ર્મ્_29.11{11} ॥
તદા સા જનની માતા માયાદેવી સમાગતા ।
તમ્ આત્મજં જગન્નાથં સંદૃષ્ટ્વા સમુપાચરત્ ॥ ર્મ્_29.12{12} ॥
તત્ર સ ભગવાન્ દૃષ્ટ્વા માતરં તાં સમાગતાં ।
ઉત્થાય સમુપાસૃત્ય પ્રણત્વૈવમ્ અભાષત ॥ ર્મ્_29.13{13} ॥
સ્વાગતં કુશલં માતર્ આરોગ્યમ્ અસ્તુ તે સદા ।
ત્વત્મુખં દ્રષ્ટુમ્ આયામિ તત્ પ્રસાદિતુમ્ અર્હસિ ॥ ર્મ્_29.14{14} ॥
અત્રાસને સમાશ્રિત્ય નિષીદૈકાગ્રમાનસા ।
ઉપદિક્ષ્યામિ સદ્ધર્મં તચ્ છૃણુષ્વ સમાહિતા ॥ ર્મ્_29.15{15} ॥
ઇત્ય્ આદિષ્ટં મુનીન્દ્રેણ શ્રુત્વા સા જનની સતી ।
માયાદેવી સમાલોક્ય તમ્ આત્મજં સમવ્રાવીત્ ॥ ર્મ્_29.16{16} ॥
પ્રાયામિ તે મુખં દ્રષ્ટું કુશલં તે સદાત્મજ ।
તન્ મમાનુગ્રહાર્થેન ધર્મમ્ આદેષ્ટુમ્ અર્હસિ ॥ ર્મ્_29.17{17} ॥
ઇત્ય્ ઉક્ત્વા સા સતી માયાદેવી માતા જગદ્ગુરોઃ ।
ઉપાસનં સમાશ્રિત્ય નિસસાદ સમાહિતા ॥ ર્મ્_29.18{18} ॥
તતઃ શક્રાદયો દેવાઃ સર્વે તે સંપ્રહર્ષિતાઃ ।
પૂજાંગૈસ્ તં જગન્નાથં માયાદેવીં ચ પ્રાર્ચયન્ ॥ ર્મ્_29.19{19} ॥
તતઃ પાદાન્સ્ તયોર્ નત્વા કૃત્વા ચ ત્રિપ્રદક્ષિણં ।
પરિવૃત્ય પુરસ્કૃત્વા ધર્મં શ્રોતુમ્ ઉપાશ્રયન્ ॥ ર્મ્_29.20{20} ॥
તતસ્ ત ભગવાન્ દૃષ્ટ્વા તાન્ દેવાન્ સમુપસ્થિતાન્ ।
આર્યસત્યં સમારભ્ય સદ્ધર્મં સમુપાદિશત્ ॥ ર્મ્_29.21{21} ॥
તતશ્ ચ ભગવાંસ્ તેષાં દેવાનાં સુખમાનિનં ।
સંબોધિસાધનં પુનર્ એવમ્ ઉપાદિશત્ ॥ ર્મ્_29.22{22} ॥
અનિત્યં ખલુ સંસારે દુઃખં શૂન્યં હ્ય્ અનાત્મકં ।
કામે કિંચિત્ સુખં નાત્ર ક્લેશસંઘે સમાકુલે ॥ ર્મ્_29.23{23} ॥
ઇતિ મત્વાત્ર સંસારે સદા સૌખ્યં યદીછથ ।
બોધિચર્યાવ્રતં ધૃત્વા સંચરધ્વં સદા શુભં ॥ ર્મ્_29.24{24} ॥
નિષ્ક્રામતારભધ્વં ચ યુજ્યધ્વં બુદ્ધશાસને ।
મારચર્ય્યાં પરિત્યજ્ય ચરધ્વં બોધિચારિકાં ॥ ર્મ્_29.25{25} ॥
યઃ સત્વહિતાર્થેન બોધિચર્યાં ચરિષ્યતિ ।
સ સમ્યગ્ બોધિમ્ આસાદ્ય સંબુદ્ધપદમ્ આપ્સ્યતિ ॥ ર્મ્_29.26{25} ॥
એવં મત્વાત્ર સંસારે સર્વે યૂયં સમાહિતાઃ ।
ત્રિરત્નભજનં કૃત્વા ચરધ્વં બોધિસંવરં ॥ ર્મ્_29.27{26} ॥
યે ત્રિરત્નં ભજન્ત્ય્ અત્ર ન તે ગછંતિ દુર્ગતિં ।
સદા સદ્ગતિસંયાતાઃ ક્રમાદ્ બોધિમ્ અવાપ્નુયુઃ ॥ ર્મ્_29.28{27} ॥
ઇત્ય્ આદિષ્ટં મુનીન્દ્રેણ શ્રુત્વા સર્વે ઽપિ તે ઽમરાઃ ।
સત્યમ્ એવ પરિજ્ઞાય પ્રાભ્યનન્દન્ પ્રબોધિતાઃ ॥ ર્મ્_29.29{28} ॥
તતઃ શક્રઃ સમુત્થાય કૃતાંજલિઃ ।
ભગવંતં તમ્ આનમ્ય પ્રાર્થયદ્ એવમ્ આદરાત્ ॥ ર્મ્_29.30{29} ॥
ભગવન્ નાથ સર્વજ્ઞ સર્વદેહ સુરાલયે ।

સદ્ધર્મં નઃ સમાદિશ્ય ભવન્ વિહર્તુમ્ અર્હતિ ॥ ર્મ્_29.31{30} ॥
વયં સર્વે સુરા નિત્યં ભવતાં શરણં ગતાઃ ।
સદ્ધર્મં સર્વદાકર્ણ્ય ચરિષ્યામઃ શુભાં ચરિં ॥ ર્મ્_29.32{31} ॥
તતઃ સાપિ મહામાયાદેવિ માતા સમુત્થિતા ।
ઉપેત્ય સાંજલિર્ નત્વા ભગવન્તં તમ્ અબ્રવીત્ ॥ ર્મ્_29.33{32} ॥
ધન્યો ઽસિ યત્ ત્વયા પુત્ર પ્રતિજ્ઞાતં યથાપુરા ।
તથા ત્વં પૂર્યતે સર્વં સર્વાર્થસિદ્ધિર્ અસ્તુ તે ॥ ર્મ્_29.34{33} ॥
સદાત્ર દેવલોકાનાં હિતાર્થે ચ પ્રબોધયન્ ।
સદ્ધર્મં સમુપાદિશ્ય વિહર સંપ્રભાસયન્ ॥ ર્મ્_29.35{34} ॥
ઇતિ માત્રાર્થિતં શ્રુત્વા ભગવાન્ સ જગદ્ગુરુઃ ।
જનનીં તાં સભાં ચાપિ સમાલોક્યૈવમ્ આદિશત્ ॥ ર્મ્_29.36{35} ॥
માતર્ નૈકહિતાર્થેનબોધિચર્યાં દધામિ હિ ।
સર્વેષામ્ અપિ સત્વાનાં હિતાર્થે ઽહં જિનો ભવે ॥ ર્મ્_29.37{36} ॥
તદ્ અત્ર સર્વદા નૈવં તિષ્ઠેયં ત્રિદશૈઃ સહ ।
વર્ષા માસત્રયં સ્થાતુમ્ ઇછામિ ધર્મમ્ આદિશન્ ॥ ર્મ્_29.38{37} ॥
ઇત્ય્ આદિષ્ટં મુનીન્દ્રેણ શ્રુત્વા સા જનની મુદા ।
તથાસ્ત્વ્ ઇતિ પ્રભાષિત્વા પ્રાભ્યનંદત્ પ્રબોધિતા ॥ ર્મ્_29.39{38} ॥
તથા સ ભગવાન્સ્ તત્ર બોધિચર્યાં પ્રકાશયન્ ।
સદ્ધર્મં સમુપાદિશ્ય તસ્થૌ માસત્રયં દિવિ ॥ ર્મ્_29.40{39} ॥
સર્વશક્રાદયો દેવાસ્ ત્રિરત્નશરણં ગતાઃ ।
સત્કૃત્ય શ્રદ્ધયા નિત્યં ધર્મં શ્રુત્વા પ્રભેજિરે ॥ ર્મ્_29.41{40} ॥
તદા તત્ર સદા સ્વર્ગે મંગલં નિરુપદ્રવં ।
સદ્ધર્મસાધનોત્સાહં પ્રાવર્ત્તતે સમંતતઃ ॥ ર્મ્_29.42{41} ॥
તસ્મિંશ્ ચા સમયે તત્ર સ્રાવસ્ત્યા વહિર્ આશ્રમે ।
જેતોદ્યાને વિહારે સ મૌદ્ગલ્યાયન આશ્રયત્ ॥ ર્મ્_29.43{42} ॥
તદા તે સાંઘિકાઃ સર્વે તં મૌદ્ગલ્યાયનં યતિં ।
વિહારે સંસ્થિતં દૃષ્ટ્વા ધર્મં શ્રોતું સમીછિરે ॥ ર્મ્_29.44{43} ॥
તતસ્ તે સાંઘિકાઃ સર્વે લોકાશ્ ચાન્યે ઽપિ સજ્જનાઃ ।
તત્ સદ્ધર્મદેશનાં શ્રોતું મુદિતાઃ સમુપાચરન્ ॥ ર્મ્_29.45{44} ॥
તત્ર સર્વે ઽપિ તે લોકાસ્ તં મૌદ્ગલ્યાયનં ગુરું ।
સમભ્યર્ચ્ય સમાનમ્ય ધર્મં શ્રોતુ]મ્ ઉપાશ્રયન્ ॥ ર્મ્_29.46{45} ॥
તાન્ દૃષ્ટ્વા સમુપાસીનાન્ સ મૌદ્ગલ્યો જિનાત્મજઃ ।
આદિમધ્યાંતકલ્યાણં દિદેશ ધર્મમ્ ઉત્તમં ॥ ર્મ્_29.47{46} ॥
તત્ સદ્ધર્મામૃતં પીત્વા સર્વે લોકાશ્ ચ સાંઘિકાઃ ।
સદ્ધર્મ્મસાધનોદ્યુક્તા વભૂવુઃ પરિબોધિતાઃ ॥ ર્મ્_29.48{47} ॥
અથ તે ભિક્ષવઃ સર્વે કૃતાંજલિઃ પુટો મુદા ।
તં મૌદ્ગલ્યાયનં નત્વા પપ્રછુર્ એવમ્ આદરાત્ ॥ ર્મ્_29.49{48} ॥
ભદન્ત ભગવં છાસ્તા કુત્રેદાનીં સમાશ્રિતઃ ।
સદ્ધર્મં સમુપાદિશ્ય વિહરતિ ન મન્યતે ॥ ર્મ્_29.50{49} ॥
તદ્ અસ્માકં મનાન્સ્ય્ અત્ર ભગવાઞ્ છાસ્તા યતઃ સ્થિતઃ ।

તત્ સત્યં સમુપાદિશ્ય પ્રબોધયિતુમ્ અર્હતિ ॥ ર્મ્_29.51{50} ॥
ઇતિ તૈઃ પ્રાર્થિતં શ્રુત્વા સ મૌદ્ગલ્યાયનઃ સુધીઃ ।
સર્વાન્સ્ તાન્ સંઘિકાન્ ભિક્ષૂન્ સમાલોક્યૈવમ્ અબ્રવીત્ ॥ ર્મ્_29.52{51} ॥
શ્રુતં મયા ભવન્તો ઽસૌ ભગવાઞ્ છાસ્તા ઽધુના દિવિ ।
તતો માતુઃ સુરાણાં ચા તિષ્ઠતે ધર્મમ્ આદિશત્ ॥ ર્મ્_29.53{52} ॥
તતો વર્ષાત્રિમાસાન્તે ભગવાન્ સ જગદ્ગુરુઃ ।
અત્ર લોકહિતં કર્તુમ્ અવતરેત્ સ્વયં ખલુ ॥ ર્મ્_29.54{53} ॥
ઇતિ તેનાર્હતાખ્યાતં શ્રુત્વા તે સાંઘિકા જનાઃ ।
સર્વે ઽપ્ય્ ઽભ્યનુમોદન્તઃ સ્વસ્વાલયં સમાચરન્ ॥ ર્મ્_29.55{54} ॥
સદા તે સાંઘિકાસ્ તસ્ય મૌદ્ગલ્યસ્ય મહામતેઃ ।
સદ્ધર્મં સર્વદાકર્ણ્ય ભજન્તઃ સમુપાશ્રયન્ ॥ ર્મ્_29.56{55} ॥
તતો વર્ષાત્રિમાસાન્તે સર્વે તે સાંઘિકા જનાઃ ।
અપિ તં મૌદ્ગલ્યમ્ આનત્વા પ્રાર્થયદ્ એવમ્ આદરાત્ ॥ ર્મ્_29.57{56} ॥
ભવન્તાત્ર ભવાઞ્ છાસ્તા વિજાનીયાજ્ જગદ્ગુરોઃ ।
દ્રષ્ટુમ્ ઇછામહે શાસ્તુઃ સદ્ધર્મં તૃષિતા વયં ॥ ર્મ્_29.58{57} ॥
ચિરદૃષ્ટો યદ્ અસ્માભિર્ ભગવાં સ મુનીશ્વરઃ ।
તદ્ અસ્યાગ્રમુનીન્દ્રસ્ય દર્શનં દાતુમ્ અર્હતિ ॥ ર્મ્_29.59{58} ॥
તદ્ અસ્મદનુકમ્પાર્થં ભવન્ ઋદ્ધિપ્રભાવતઃ ।
ગત્વા સ્વર્ગે મુનીન્દ્રસ્ય સહસા સમુપક્રમેત્ ॥ ર્મ્_29.60{59} ॥
તત્ર ગત્વા ભવાચ્ છાસ્તુર્ મુનીન્દ્રસ્ય જગદ્ગુરોઃ ।
અસ્માકં વચનૈશ્ ચાપિ વંદતાં ચરણામ્બુજૌ ॥ ર્મ્_29.61{60} ॥
દેહે ચ કૌશલં સૌખ્યં પૃછતાં વચનૈશ્ ચ નઃ ।
એવં ચાપિ પુરઃ શાસ્તુર્ નિવેદિતું સમર્હતિ ॥ ર્મ્_29.62{61} ॥
ભગવં નાથ સર્વજ્ઞ તે જામ્બૂદ્વીપિકા નરાઃ ।
ભવન્તં દ્રષ્ટુમ્ ઇછન્તિ સદ્ધર્મામૃતલાલસાઃ ॥ ર્મ્_29.63{62} ॥
યદ્ ભવાન્ સર્વસત્વાનાં હિતં કર્તું સમુદ્યતઃ ।
તદ્ ભગવાન્ મનુષ્યાણાં ધર્મમ્ આદેષ્ટુમ્ અર્હતિ ॥ ર્મ્_29.64{63} ॥
નરાઃ સ્વર્ગે સમાગંતું શક્નુવન્તિ ન કે ચન ।
દેવાસ્ તુ સર્વલોકેષુ પ્રચરન્તિ યથેછયા ॥ ર્મ્_29.65{64} ॥
તદ્ ભગવાન્ મનુષ્યાણાં હિતાર્થાયાનુકમ્પયા ।
સદ્ધર્મં સમુપાદેષ્ટું જમ્બુદ્વીપમ્ અવાતરેત્ ॥ ર્મ્_29.66{65} ॥
વયં સર્વે સદા નિત્યં ભવતાં શરણં ગતાઃ ।
સત્કૃત્ય શ્રદ્ધયા ધર્મ્મં શ્રુત્વા સંપ્રભજેમહિ ॥ ર્મ્_29.67{66} ॥
એવં શાસ્તર્ મહાવિજ્ઞ ગત્વા તત્ર સુરાલયે ।
ભગવંતં જગન્નાથં સંપ્રાર્થ્યેહ સમાનય ॥ ર્મ્_29.68{67} ॥
ઇતિ તૈઃ પ્રાર્થિતૈઃ શ્રુત્વા સ મૌદ્ગલ્યો મહાર્દ્ધિમાન્ ।
એવમ્ ઇતિ પ્રતિજ્ઞાય તૂષ્ણીભૂત્વાધ્યુવાસ તત્ ॥ ર્મ્_29.69{68} ॥
અથ તે સાંઘિકાઃ સર્વે લોકાશ્ ચાપિ મહાત્મના ।
તેનાધિવાસિતં મત્વા મુદિતાઃ સ્વસ્વાલયં યયુઃ ॥ ર્મ્_29.70{69} ॥
અથ સો ઽર્હં મહાભિજ્ઞો મૌદ્ગલ્યન આત્મવિત્ ।

સ્વર્ગે ગંતું સમાધાય સમાધિં વિદધે ક્ષણં ॥ ર્મ્_29.71{70} ॥
તતઃ સ ઋદ્ધિવીર્યેણ સુપર્ણ ઇવ ખે ઽગમત્ ।
ભાસયન્ સહસા ગત્વા દિવિ શાસ્તુર્ ઉપાચરત્ ॥ ર્મ્_29.72{71} ॥
તત્ર તં સમુપાયાતં દૃષ્ટ્વા સ ભગવાન્ મુદા ।
સ્વાગતં પ્રેહિ મૌદ્ગલ્ય નિષીદેતિ સમબ્રવીત્ ॥ ર્મ્_29.73{72} ॥
ઇત્ય્ આદિષ્ટે મુનીન્દ્રેણ સ મૌદ્ગલ્યઃ પ્રમોદિતઃ ।
સાઞ્જલિઃ પાદયોઃ શાસ્તુઃ પ્રણત્વૈવં સમબ્રવીત્ ॥ ર્મ્_29.74{73} ॥
ભગવન્ નાથ સર્વજ્ઞ પ્રાગતો ઽહં મુદા દિવિ ।
ભવતાં દર્શનં કર્તું તત્ પ્રસીદ દયાનિધે ॥ ર્મ્_29.75{74} ॥
કચ્ચિત્ તે કુશલં શાસ્તઃ કિઞ્ચિદ્ વાધાપિ નૈવ હિ ।
યાત્રા સુખં વલં વીર્યં કચ્ચિત્ કાયે ન ચાન્યથા ॥ ર્મ્_29.76{75} ॥
ભવાન્ અપિ વિજાનીયાદ્ યદર્થે ઽહમ્ ઇહાગતઃ ।
તથાપિ ભગવન્ન્ અત્ર વિજ્ઞાપયેય સર્વથા ॥ ર્મ્_29.77{76} ॥
ભવતાં સાંઘિકૈઃ સર્વૈર્ લોકૈશ્ ચાપિ મહાજનૈઃ ।
ભવન્તં દ્રષ્ટુમ્ ઇછદ્ભિઃ પ્રેષિતો ઽહમ્ ઇહાગતઃ ॥ ર્મ્_29.78{77} ॥
તે સર્વે સાંઘિકા લોકા ભવતાં ચરણામ્બુજે ।
વન્દન્તિ કૌશલં કાયે પરિપૃછન્તિ ચાદરાત્ ॥ ર્મ્_29.79{78} ॥
એવં ચાપિ વદન્તે તે સર્વે લોકાશ્ ચ સાંઘિકાઃ ।
સદ્ધર્મશ્રવણોત્સાહરહિતા વિકલાશયાઃ ॥ ર્મ્_29.80{79} ॥
ભગવાન્ સર્વસત્વાનાં હિતાર્થે બોધિમ્ આપ્તવાન્ ।
તત્ તથાત્ર મનુષ્યાણાં ધર્મમ્ આદેષ્ટુમ્ અર્હતિ ॥ ર્મ્_29.81{80} ॥
તતઃ સ્વર્ગે સમાગંતું શક્નુવન્તિ ન કે ચન ।
દેવાસ્ તુ સર્વલોકેષુ પ્રચરન્તિ યથેછયા ॥ ર્મ્_29.82{81} ॥
તદ્ ભગવાન્ મનુષ્યાનાં હિતાર્થાયાનુકમ્પયા ।
સદ્ધર્મં સમુપાદેષ્ટું જમ્બૂદ્વીપમ્ અવાતરેત્ ॥ ર્મ્_29.83{82} ॥
વયં સર્વે સદા નિત્યં ભવતાં શરણં ગતાઃ ।
સત્કૃત્ય શ્રદ્ધયા ધર્મં શ્રુત્વા સંપ્રભજેમહિ ॥ ર્મ્_29.84{83} ॥
એવમ્ અસ્મદ્વચોભિસ્ ત્વં ગત્વા તત્ર સુરાલયે ।
ભગવંતં જગન્નાથં સંપ્રાર્થ્યેહ સમાનય ॥ ર્મ્_29.85{84} ॥
ઇતિ તૈઃ પ્રાર્થ્યમાને ઽહં તથેતિ પ્રતિબોધિતઃ ।
ભવતાં વિજ્ઞાપનાં કર્તું સહસા સમુપાચરે ॥ ર્મ્_29.86{85} ॥
તદ્ ભગવન્ મનુષ્યાણાં હિતાનુકમ્પયાધુના ।
સદ્ધર્મં સમુપાદેષ્ટું ભુવ્ય્ એવ તર્ત્તુમ્ અર્હતિ ॥ ર્મ્_29.87{86} ॥
ઇતિ તેનાર્થિતં શ્રુત્વા ભગવાન્ સ મુનીશ્વરઃ ।
તં મૌદ્ગલ્યાયનં દૃષ્ટ્વા તૂષ્ણીભૂત્વાધ્યુવાસ તત્ ॥ ર્મ્_29.88{87} ॥
તસ્મિંશ્ ચ સમયે તત્ર સર્વે શક્રાદયો ઽમરાઃ ।
સદ્ધર્મમ્ શ્રવણોત્સાહાઃ સમાગાતાઃ સમંતતઃ ॥ ર્મ્_29.89{88} ॥
કૃત્વા પૂજાં મુનીન્દ્રસ્ય પ્રણત્વા ચરણામ્બુજે ।
પરિવૃત્ય પુરસ્કૃત્ય ધર્મં શ્રોતુમ્ ઉપાશ્રયન્ ॥ ર્મ્_29.90{89} ॥
તદા સ ભગવાન્ દૃષ્ટ્વા તાન્ સર્વન્ સમુપાશ્રિતાન્ ।

આર્યસત્યં સમારભ્ય સદ્ધર્મં સમુપાદિશત્ ॥ ર્મ્_29.91{90} ॥
તત્ સદ્ધર્મામૃતં પીત્વા સર્વે શક્રાદયો ઽપિ તે ।
દેવાઃ સંહર્ષિતા બોધિચર્યાભિવાઞ્છિતો ઽભવન્ ॥ ર્મ્_29.92{91} ॥
તત્ સમીક્ષ્ય સ મૌદ્ગલ્યઃ કિઞ્ચિદ્ વિહસિતો મુદા ।
ભગવંતં મુનીન્દ્રં તં દૃષ્ટ્વૈવં સમચિંતયત્ ॥ ર્મ્_29.93{92} ॥
ઇહાપિ ભગવાન્ન્ એવં સમાકીર્ણસભાશ્રિતઃ ।
સદ્ધર્મં સમુપાદિશ્ય વિહરતિ યથાભુવિ ॥ ર્મ્_29.94{93} ॥
અથ સ ભગવાંસ્ તસ્ય મૌદ્ગલ્યસ્ય મહામતેઃ ।
મનશ્ચિન્તિતમ્ આજ્ઞાય તં મૌદ્ગલ્યં સમબ્રવીત્ ॥ ર્મ્_29.95{94} ॥
ન મે મૌદ્ગલ્ય સત્કારવંધિતં ભવતે મનઃ ।
અપિ ત્વ્ અહં યથેછામિ તથા સર્વં સમૃદ્ધ્યતિ ॥ ર્મ્_29.96{95} ॥
આયાન્ત્વ્ ઇહામરાઃ સર્વે ઇતિ મયા યદેચ્છ્યતે ।
તદા સર્વ ઇમે દેવા આગછંતિ સમંતતઃ ॥ ર્મ્_29.97{96} ॥
ગછન્તુ ચ સુરાઃ સર્વે ઇતિ મયા યદેહ્યતે ।
તદા સર્વ ઇમે દેવા ગછંતિ ચ સ્વમ્ આલયં ॥ ર્મ્_29.98{97} ॥
એવં મે સર્વકાર્યેષુ મનો ઽભિલષિતં યથા ।
તથાત્ર સર્વકાર્યાણિ સિદ્ધ્યંતે હિ સદા તદા ॥ ર્મ્_29.99{98} ॥
ઇત્ય્ આદિષ્ટં મુનીન્દ્રેણ શ્રુત્વા મૌદ્ગલ્ય આત્મવિત્ ।
શાસ્તુઃ પાદામ્બુજૌ નત્વા સાંજલિઃ સમુપાશ્રયત્ ॥ ર્મ્_29.100{99} ॥
તતઃ સભાં સુરાં કીર્ણાં સ મૌદ્ગલ્યાયનો યતિઃ ।
તાર સર્વાં સંનિરીક્ષ્યૈવં ભગવન્તમ્ અભાષત ॥ ર્મ્_29.101{100} ॥
વિચિત્રા ભગવન્ દેવાપર્ષદ્ ઇયં વિરાજતે ।
નૂનમ્ ઇમે સુરાઃ સર્વે સંબુદ્ધપદલાભિનઃ ॥ ર્મ્_29.102{1} ॥
સન્તિ હ્ય્ અસ્યાં સભાયાં યે સંબુદ્ધે સંપ્રસાદિતાઃ ।
કાયભેદાદ્ ઇહોત્પન્નાસ્ તે સંબોધિલાભિનઃ ॥ ર્મ્_29.103{2} ॥
સન્તિ ધર્મે પ્રસન્ના યે આર્યશીલૈઃ સમન્વિતાઃ ।
કાયભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.104{3} ॥
સન્તિ સંઘે પ્રસન્ના યે આર્યધર્માનુચારિણઃ ।
કાયભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.105{4} ॥
ઇતિ મૌદ્ગલ્યસંપ્રોક્તં શ્રુત્વા સ ભગવાંસ્ તથા ।
તં મૌદ્ગલ્યાયનં દૃષ્ટ્વાનુવર્ણયન્ સામાદિશત્ ॥ ર્મ્_29.106{5} ॥
એવમ્ એતદ્ ધિ મૌદ્ગલ્ય વિચિત્રેયં મહાસભા ।
સુરેન્દ્રપ્રમુખા દેવા યત્ર સન્તિ પ્રમોદિતાઃ ॥ ર્મ્_29.107{6} ॥
સન્તિ બુદ્ધે પ્રસન્ના યે સંબોધિસાધનોત્સહાઃ ।
કાયભેદાદ્ ઇહોત્પન્નાસ્ તે સંબોધિપદોન્મુખાઃ ॥ ર્મ્_29.108{7} ॥
સન્તિ ધર્મે પ્રસન્ના યે આર્યશીલસમાચરાઃ ।
કાયભેદાદ્ ઇહોત્પન્નાસ્ તે ઽપિ સંબોધિગામિનઃ ॥ ર્મ્_29.109{8} ॥
સંતિ સંઘે પ્રસન્ના યે આર્યસત્યસમન્વિતાઃ ।
કાયભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.110{9} ॥
એવં શાસ્ત્રા સમાખ્યાતં શ્રુત્વા દેવાધિપો ઽપિ સઃ ।

ભગવંતં સમાલોક્ય મૌદ્ગલ્યં ચ તથાબ્રવીત્ ॥ ર્મ્_29.111{10} ॥
વિચિત્રા ભગવન્ દેવપર્ષદ્ ઇયં વિરાજતે ।
યત્ર સન્તિ મહાસત્વાઃ સંબોધિસાધનોદ્યતાઃ ॥ ર્મ્_29.112{11} ॥
સન્તિ બુદ્ધે પ્રસન્ના યે શ્રદ્ધયા શરણં ગતાઃ ।
કાયભેદાદ્ ઇહોત્પન્નાસ્ તે સંબુદ્ધપદલાભિનઃ ॥ ર્મ્_29.113{12} ॥
સંતિ ધર્મે પ્રસન્ના યે શ્રદ્ધયા શરણં ગતાઃ ।
કાયભેદાદ્ ઇહોત્પન્નાસ્ તે સંબુદ્ધપદલાભિનઃ ॥ ર્મ્_29.114{13} ॥
સન્તિ ધર્મે પ્રસન્ના યે શ્રદ્ધયા શરણં ગતાઃ ।
કાયભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.115{14} ॥
સંતિ સંઘે પ્રસન્ના યે શ્રદ્ધયા શરણં ગતાઃ ।
કાયભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.116{15} ॥
ઇતિ દેવાધિપાખ્યાતં શ્રુત્વાન્યાપિ સુરાત્મજઃ ।
મૌદ્ગલ્યં શ્રીઘનં ચાપિ શક્રં ચૈક્ષ્યૈવમ્ અબ્રવીત્ ॥ ર્મ્_29.117{16} ॥
વિચિત્રેયં મહાસત્વ દેવસભા વિરાજતે ।
સન્તિ યત્ર મહાત્માનઃ સંબોધિસાધોદ્યતાઃ ॥ ર્મ્_29.118{17} ॥
સન્તિ સંઘે પ્રસન્ના યે સત્કૃત્ય પ્રભજન્તિ તે ।
દેહભેદાદ્ ઇહોત્પન્ના ભવંતિ બોધિલાભિનઃ ॥ ર્મ્_29.119{18} ॥
સન્તિ ધર્મે પ્રસન્ના યે ભજન્તિ શ્રદ્ધયા મુદા ।
દેહભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.120{19} ॥
સન્તિ બુદ્ધે પ્રસન્ના યે ભજંતિ શરણં ગતાઃ ।
દેહભેદાદ્ ઇહોત્પન્નાસ્ તે ઽપિ સંબોધિલાભિનઃ ॥ ર્મ્_29.121{20} ॥
એવમ્ એતત્ સમાખ્યાતં મૌદ્ગલ્યેન મહાત્મના ।
મુનીન્દ્રશક્રદેવૈશ્ ચ શ્રુત્વા સર્વે સુરા મુદા ॥ ર્મ્_29.122{21} ॥
પ્રબોધિતાઃ પરિજ્ઞાય સંબુદ્ધશરણં યયુઃ ।
તત્ર સર્વે ઽપિ તે દેવાસ્ ત્રિરત્નભજનોદ્યતાઃ ॥ ર્મ્_29.123{22} ॥
તત્પુણ્યૈઃ શ્રોતઆપત્તિફલં સાક્ષાત્ સમાયયુઃ ॥ ર્મ્_29.124{23!} ॥
તતસ્ તાં શ્રીઘનં નાત્વા મૌદ્ગલ્યં ચ પ્રસાદિતાઃ ।
તે શક્રાદયો દેવાઃ સર્વે સ્વસ્વાલયાં યયુઃ ॥ ર્મ્_29.125{24} ॥
અથ સો ઽર્હન્ મહાભિજ્ઞો મૌદ્ગલ્યાયન આત્મવિત્ ।
ભગવન્તં તમ્ આનમ્ય સાંજલિર્ એવમ્ અબ્રવીત્ ॥ ર્મ્_29.126{25} ॥
ભગવન્ નાથ સર્વજ્ઞ ભવત્કાર્ય્યં પ્રસિદ્ધ્યતિ ।
અત્ર સર્વે સુરા ભદ્રૈશ્ ચરન્તિ બોધિમાનસાઃ ॥ ર્મ્_29.127{26} ॥
તત્ તત્રાપિ મનુષ્યાણાં હિતાય ભગવાન્ અપિ ।
જમ્બુદ્વીપે ઽધુના શાસ્તઃ સમવતર્ત્તુમ્ અર્હતિ ॥ ર્મ્_29.128{27} ॥
ઇતિ સંપ્રાર્થિતે તેન મૌદ્ગલ્યેન મહાત્મના ।
ભગવાંસ્ તં મહાસત્વં મૌદ્ગલ્યમ્ એવમ્ આદિશત્ ॥ ર્મ્_29.129{28} ॥
સાધુ ગછાધુના તત્ર જમ્બુદ્વીપે નિજાશ્રમે ।
ગત્વા લોકસભામધ્યે સ્થિત્વૈવં સંપ્રબોધય ॥ ર્મ્_29.130{29} ॥
અવતરેજ્ જગદ્વન્ધુર્ ઇતો ઽહ્નિ સપ્તમે દિવઃ ।
સાંકાશે નગરે હ્ય્ આપજ્જુરે વન ઉદુમ્વરે ॥ ર્મ્_29.131{30} ॥

ઇત્ય્ આદિષ્ટં મુનીન્દ્રેણ શ્રુત્વા મૌદ્ગલ્ય આત્મવિત્ ।
તથેતિ પ્રતિવિજ્ઞપ્ય તથા કર્તું સમૈછત ॥ ર્મ્_29.132{31} ॥
અથ સ ઋદ્ધિમાન્ યોગી મૌદ્ગલ્યાયન આત્મવિત્ ।
સાંજલિસ્ તં મુનિં નત્વા સમાધિં વિદધે તદા ॥ ર્મ્_29.133{32} ॥
તતઃ સો ઽર્હં મહાભિજ્ઞો મૌદ્ગલ્યો ઽન્તર્હિતો દિવિ ।
ક્ષણાત્ પક્ષી યથાકાશાજ્ જમ્બુદ્વીપમ્ અવાતરત્ ॥ ર્મ્_29.134{33} ॥
તત્ર જેતાશ્રમે સો ઽર્હન્ન્ અવતાર્ય નિજાશ્રમે ।
શુભાસનસમાસીનઃ પ્રભાસયન્ ન્યષીદત ॥ ર્મ્_29.135{34} ॥
તં દૃષ્ટ્વાસન આસીનં મૌદ્ગલ્યં સમુપાગતં ।
મત્વા તે સાંઘિકાઃ સર્વે મુદિતાઃ સમુપાચરન્ ॥ ર્મ્_29.136{35} ॥
તચ્ છ્રુત્વા મુદિતાઃ સર્વે લોકાશ્ ચાપિ નૃપાદયઃ ।
વિહારે જેતકારામે સહસા સમુપાચરન્ ॥ ર્મ્_29.137{36} ॥
તત્રાસનસમાસીનં મૌદ્ગલ્યં તં મહર્દ્ધિકં ।
દૃષ્ટ્વા સર્વે ઽપિ તે નત્વા પરિવૃત્યોપતસ્થિરે ॥ ર્મ્_29.138{37} ॥
તતસ્ તે ભિક્ષવઃ સર્વે મૌદ્ગલ્યં તં મહર્દ્ધિકં ।
કૃતાંજલિપુટા નત્વા પપ્રછુર્ એવમ્ આદરાત્ ॥ ર્મ્_29.139{38} ॥
ભદન્ત કુશલં કચ્ચિદ્ ભવતો ઽપિ જગદ્ગુરોઃ ।
કુત્ર સ ભગવાન્ ધર્મમ્ આદિશંસ્ તિષ્ઠતે દિવિ ॥ ર્મ્_29.140{39} ॥
કદા સ ભગવાંચ્ છાસ્તા સ્વર્ગાદ્ ઇહ સમાચરેત્ ।
કથં ચાપિ સમાખ્યાતિ તત્ સર્વં સમુપાદિશ ॥ ર્મ્_29.141{40} ॥
ઇતિ તૈઃ પ્રાર્થિતં શ્રુત્વા સ મૌદ્ગલ્યાયનો યતિઃ ।
તાં સર્વાન્ સંઘિકાલ્ લોકાંશ્ ચાપિ દૃષ્ટ્વૈવમ્ અબ્રવીત્ ॥ ર્મ્_29.142{41} ॥
ભવન્તઃ કુશલં શાસ્તુ મુનીન્દ્રસ્ય મમાપિ ચ ।
યુષ્માકમ્ અપિ નામ્નો ઽહમ્ અવન્દં તં મુનીશ્વરં ॥ ર્મ્_29.143{42} ॥
પરિજાતમ્ ઉપાશ્રિત્ય સેન્દ્રદેવૈઃ સમર્ચિતઃ ।
માતુઃ સ ભગવાન્ ધર્મમ્ આદિશંસ્ તિષ્ઠતે દિવિ ॥ ર્મ્_29.144{43} ॥
યથા યુષ્માભિર્ આખ્યાતં તથા નિવેદિતં મયા ।
શ્રુત્વા સ ભગવાંચ્ છાસ્તા મમૈવં સમુપાદિશત્ ॥ ર્મ્_29.145{44} ॥
ઇતો ઽહ્નિ સપ્તમે સ્વર્ગાદ્ અવતરેય ભૂતલે ।
સાંકાશનગરોપાપજ્જુરે વને ઉદુમ્વરે ॥ ર્મ્_29.146{45} ॥
ઇત્ય્ આદિશ્ય મુનીન્દ્રેણ પ્રેષિતો ઽહમ્ ઇહાચરે ।
એતદ્ યૂયં પરિજ્ઞાય પ્રાભ્યનન્દત સાંપ્રતં ॥ ર્મ્_29.147{46} ॥
ઇતિ તેનાર્હતાખ્યાતં શ્રુત્વા તે સંઘિકા મુદા ।
સેવં નૃપાદિ લોકાશ્ ચ પ્રાભ્યનન્દન્ પ્રમોદિતાઃ ॥ ર્મ્_29.148{47} ॥
તતસ્ તે સાંઘિકાઃ સર્વે લોકા ભૂપાદયો ઽપિ ચ ।
સાંકાશનગરોપાપજ્જુરે વને ઉપાચરન્ ॥ ર્મ્_29.149{48} ॥
તદા સ ભગવાંસ્ તત્ર સ્વર્ગે સેન્દ્રાન્ સુરાન્ અપિ ।
માતરં સમુપામંત્ર્ય પુર એવમ્ ઉપાદિશત્ ॥ ર્મ્_29.150{49} ॥
માતઃ સેન્દ્રાદિ દેવાશ્ ચ યૂયં સર્વે સમાદરાત્ ।
ત્રિરત્નભજનં કૃત્વા પ્રચરધ્વં સદા શુભે ॥ ર્મ્_29.151{50} ॥

ગછેયં સાંપ્રતં ધર્મમ્ ઉપદેષ્ટું મહીતલે ।
નૃણામ્ અપિ હિતાર્થેન ગન્તુમ્ ઇછામિ નાન્યથા ॥ ર્મ્_29.152{51} ॥
ઇત્ય્ આદિષ્ટં મુનીન્દ્રેણ સર્વે સેન્દ્રાઃ સુરા અપિ ।
માતાપિ સાંજલિર્ નત્વા પ્રાર્થયત્ તં મુનીશ્વરં ॥ ર્મ્_29.153{52} ॥
ભગવન્ નાથ સર્વજ્ઞ કો ઽસ્માકં ધર્મમ્ આદિશેત્ ।
તદ્ અત્ર કૃપયા ધર્મમ્ આદેષ્ટું સ્થાતુમ્ અર્હતિ ॥ ર્મ્_29.154{53} ॥
ઇતિ તૈઃ પ્રાર્થિતે ભૂયો ભગવાન્ સ મુનીશ્વરઃ ।
માતરં તાન્ સુરાન્ સર્વાન્ દૃષ્ટ્વૈવં ચ સમાદિશત્ ॥ ર્મ્_29.155{54} ॥
માતર્ નાહં સદૈકત્ર તિષ્ઠેયં ધર્મમ્ આદિશન્ ।
સર્વસત્વહિતાર્થેન સંબુદ્ધો ઽસ્મિ જગદ્ગુરુઃ ॥ ર્મ્_29.156{55} ॥
તન્ માતર્ અહમ્ આલોક્ય મર્ત્યાનાં હિતકામ્પયા ।
સદ્ધર્મામૃતસંદાનં દાતું ગછામિ સાંપ્રતં ॥ ર્મ્_29.157{56} ॥
ઇત્ય્ આદિષ્ટં મુનીન્દ્રેણ શ્રુત્વા માતા સુરા અપિ ।
સેન્દ્રાઃ સર્વે ઽપિ તે શાસ્તુઃ પાદામ્બુજે પ્રણેમિરે ॥ ર્મ્_29.158{57} ॥
તતસ્ તે ત્રિદશાઃ સર્વે માતાપિ તસ્ય તાયિનઃ ।
ત્રિધા પ્રદક્ષિણીકૃત્ય નત્વા સ્વસ્વાલયં યયુઃ ॥ ર્મ્_29.159{58} ॥
તતઃ સ ભગવાંસ્ તત્ર દેવાલયે સમાહિતઃ ।
તત્ સમાધિં સમાધાય ક્ષણાદ્ અન્તર્હિતો ઽચરત્ ॥ ર્મ્_29.160{59} ॥
તતઃ સ ભગવાંસ્ તત્ર જમ્બુદ્વીપે પ્રભાસયન્ ।
સાંકાશનગરોપાપજ્જુરે દાવે ઉદુમ્વરે ॥ ર્મ્_29.161{60} ॥
અવતીર્ય ક્ષણાત્ તત્ર શુદ્ધાસને સુરાસ્તૃતે ।
સમાધાય સમાસીનસ્ તસ્થૌ ધ્યાનસમાહિતઃ ॥ ર્મ્_29.162{61} ॥
તં દૃષ્ટ્વા સ્વાસનાસીનં શ્રીઘનં સમુપાગતં ।
સર્વે તે સાંઘિકા લોકા ભૂપાદયો ઽપ્ય્ ઉપાચરન્ ॥ ર્મ્_29.163{62} ॥
તત્ર તં શ્રીઘનં નત્વા સર્વે તે સંપ્રમોદિતાઃ ।
ત્રિધા પ્રદક્ષિણીકૃત્ય સમભ્યર્ચ્યોપતસ્થિરે ॥ ર્મ્_29.164{63} ॥
બ્રહ્મશક્રાદિ દેવાશ્ ચ યક્ષગંધર્વકિન્નરાઃ ।
દૈત્યા વિદ્યાધરા નાગા ગરુડાઃ સિદ્ધાદયો ઽપિ ચ ॥ ર્મ્_29.165{64} ॥
શ્રીઘનં સમાયાતં દ્રષ્ટું સર્વે સમાગતાઃ ।
નત્વા પ્રદક્ષિણીકૃત્ય સમભ્યર્ચ્યોપતસ્થિરે ॥ ર્મ્_29.166{65} ॥
તત્રોપપાદુકો ભિક્ષુર્ ભગવન્તં સસાંઘિકં ।
દેવાદિ સર્વલોકાંશ્ ચ ભોજયિતું ન્યમંત્રયત્ ॥ ર્મ્_29.167{66} ॥
ભગવાન્ અપિ દેવાદિ લોકાઃ સર્વે પ્રસાદિતાઃ ।
તસ્યાનુગ્રહમ્ આધાતું તથેતિ પ્રત્યમોદયન્ ॥ ર્મ્_29.168{67} ॥
અથ સ ભગવાંસ્ તત્ર ભોજનસમયાગતે ।
સંઘમેલાપને ગણ્ડીમ્ આકોટયન્ પ્રનાદિનીં ॥ ર્મ્_29.169{68} ॥
તદ્ગણ્ડીદેશનાકાલે તસ્ય ભિક્ષોર્ યથેહિતં ।
તથાસનાં વસ્ત્રાણિ દિવ્યાનિ રુચિરાનિ ચ ॥ ર્મ્_29.170{69} ॥
પૂજાઙ્ગાન્ય્ અપિ દિવ્યાનિ ભોજ્યપાનામૃતાન્ય્ અપિ ।
સર્વાણ્ય્ ઉપચારવસ્તૂનિ પુનઃ પ્રાદુર્બભૂવિરે ॥ ર્મ્_29.171{70} ॥

તદા સ ભિક્ષુર્ આલોક્ય સર્વસામગ્રસંયુતં ।
ભગવંતં સસંઘં તં નત્વૈવં પ્રાર્થયન્ મુદા ॥ ર્મ્_29.172{71} ॥
ભગવન્ ભોજનસ્યાત્ર સમયો વર્ત્તતે ઽધુના ।
તત્ સસંઘો ભવાન્ અત્ર સ્વસ્વાસને નિષીદતુ ॥ ર્મ્_29.173{72} ॥
તતઃ સ ભગવાંસ્ તત્ર પાદ્યં ગૃહ્ય સસાંઘિકઃ ।
સ્વસ્વાસને સમારુહ્ય સમાશ્રયદ્ યથાક્રમં ॥ ર્મ્_29.174{73} ॥
તથા દેવાદિ લોકાશ્ ચ સર્વસ્વસ્વાસનેષુ તત્ ।
યથાક્રમં સમાશ્રિત્ય સંનિષેદુઃ પ્રસાદિતાઃ ॥ ર્મ્_29.175{74} ॥
તાન્ બુદ્ધપ્રમુખાન્ સર્વાન્ સ્વસ્વાસનસમાશ્રિતાન્ ।
દૃષ્ટ્વા સ મુદિતો ભિક્ષુર્ યથાવિધિં સમર્ચયત્ ॥ ર્મ્_29.176{75} ॥
તતો દિવ્યોપચારૈસ્ તૈર્ ભોજ્યપાનામૃતાદિભિઃ ।
તાન્ બુદ્ધપ્રમુખાન્ સર્વન્ યથેછૈઃ સમતોષયત્ ॥ ર્મ્_29.177{76} ॥
સંબુદ્ધપ્રમુખાઃ સર્વે સંઘા લોકાઃ સુરાદયઃ ।
તદ્ દિવ્યભોજનં ભુક્ત્વા વિસ્મિતાસ્ તૃપ્તિમ્ આયયુઃ ॥ ર્મ્_29.178{77} ॥
તતઃ સ ભિક્ષુર્ આલોક્ય સર્વાન્સ્ તાન્ સંપ્રતોષિતાન્ ।
તત્પાત્રાણ્ય્ અપનીત્વા તદ્ધસ્તાદીન્ સમશોધયત્ ॥ ર્મ્_29.179{78} ॥
તતઃ સ ભિક્ષુર્ ઓષધ્યતામ્બૂલાદિ રસાયનૈઃ ।
તાન્ બુદ્ધપ્રમુખાન્ સર્વાન્ સંમોદિતાન્ અકારયત્ ॥ ર્મ્_29.180{79} ॥
તત્રોપપાદુકો ભિક્ષુઃ સાંજલિઃ સંપ્રમોદિતઃ ।
સસાંઘિકં મુનીન્દ્રં તં નત્વા તત્પુર આશ્રયત્ ॥ ર્મ્_29.181{80} ॥
તતઃ સ ભગવાંસ્ તસ્ય ભિક્ષોર્ મત્વા શુભાશયં ।
આર્યસત્યં સમારભ્ય દિદેશ ધર્મમ્ ઉત્તમં ॥ ર્મ્_29.182{81} ॥
તદ્ધર્મદેશનાં શ્રુત્વા સ ઉપપાદુકો યતિઃ ।
ભિત્વા ઽવિદ્યાગણં પ્રાપ્તવિદ્યાભિજ્ઞાપદો ભવન્ ॥ ર્મ્_29.183{82} ॥
પંચગણ્ડમયં દેહં સંસારમ્ અતિચઞ્ચલં ।
વિદિત્વા સર્વસંસ્કારગતીશ્ ચાપિ વિઘાતિનીઃ ॥ ર્મ્_29.184{83} ॥
ક્લેશાન્ મારગણાઞ્ ચાપિ જિત્વાર્હત્વમ્ અવાપ્તવાન્ ।
તતઃ સો ઽર્હં મહાભિજ્ઞઃ પરિશુદ્ધત્રિમંડલઃ ॥ ર્મ્_29.185{84} ॥
જિતેંદ્રિયો વિશુદ્ધાત્મા નિર્વિકલ્પો નિરંજનઃ ।
સંસારલાભસત્કારનિસ્પૃહસ્ ત્રિજગત્સ્વ્ અપિ ॥ ર્મ્_29.186{85} ॥
વંદ્યઃ પૂજ્યો ઽભિમાન્યો ઽભૂદ્ બ્રહ્મચારી જિનાત્મજઃ ॥ ર્મ્_29.187{86} ॥
તદ્ દૃષ્ટ્વા ભિક્ષવઃ સર્વે વિસ્મયાકુલિતાશયઃ ।
ભગવંતં તમ્ આનમ્ય પપ્રછુસ્ તત્ પુરાકૃતં ॥ ર્મ્_29.188{87} ॥
ભગવન્ કિં પુરાનેન ભિક્ષુણા સુકૃતં કૃતં ।
યેનોપપાદુકો ઽર્હં ચ ભવત્ય્ અયં મહાસુધીઃ ॥ ર્મ્_29.189{88} ॥
યચ્ ચાપ્ય્ અસ્ય યતેર્ ભિક્ષોઃ પ્રાર્થિતં તત્ સમૃધ્યતિ ।
એતત્ સર્વં સમાખ્યાય સર્વાન્ અસ્માન્ પ્રબોધય ॥ ર્મ્_29.190{89} ॥
એવં તૈર્ ભિક્ષુભિઃ પ્રાર્થિતે સ મુનીશ્વરઃ ।
તાન્ સર્વાન્ સાંઘિકાલ્ લોકાન્ સમાલોક્યૈવમ્ આદિશત્ ॥ ર્મ્_29.191{90} ॥
શૃણુધ્વં ભિક્ષવાનેન ભિક્ષુણા યત્ પુરાકૃતં ।

તત્ સર્વં સંપ્રવક્ષ્યામિ યુષ્મચ્ચિત્તપ્રબોધને ॥ ર્મ્_29.192{91} ॥
પુરાસીન્ ભગવાન્ બુદ્ધો વિપશ્ચી નામ સર્વવિત્ ।
ધર્મરાજો જગચ્છાસ્તા તથાગતો મુનીશ્વરઃ ॥ ર્મ્_29.193{92} ॥
સ સંબુદ્ધો જગન્નાથો વન્ધુમતો મહીપતેઃ ।
વન્ધુમત્યા મહાપૂર્ય્યા રાજધાન્યા ઉપાશ્રયે ॥ ર્મ્_29.194{93} ॥
જિનાશ્રમે મહોદ્યાને સર્વસત્વહિતેછયા ।
સદ્ધર્મં સમુપાદિશ્ય વિજહાર સસાંઘિકઃ ॥ ર્મ્_29.195{94} ॥
તસ્ય વિપશ્ચિનઃ શાસ્તુઃ સાંઘિકાઃ પંચભિક્ષવઃ ।
અન્યસ્મિન્ મહોદ્યાને વર્ષાસુ વ્યહરન્સ્ તદા ॥ ર્મ્_29.196{95} ॥
તત્રૈકભિક્ષુણા તેષાં ચતુર્ણાં બ્રહ્મચારિણાં ।
વૈયાવૃત્યકૃતં કર્મ સુપ્રસન્નાનુચારિણા ॥ ર્મ્_29.197{96} ॥
તતસ્ તે ભિક્ષવસ્ સર્વે ચત્વારસ્ તત્પ્રસાધનાત્ ।
સર્વવિદ્યાસમુદ્યુક્તાઃ સમાધિસાધનોદ્યતાઃ ॥ ર્મ્_29.198{97} ॥
ક્લેસાન્ મારગણાઞ્ જિત્વા પરિશુદ્ધત્રિમણ્ડલાઃ ।
સાક્ષાદ્ અર્હત્ત્વસંપ્રાપ્તા બભૂવુ બ્રહ્મવિત્તમાઃ ॥ ર્મ્_29.199{98} ॥
તાન્ અર્હતો મહાભિજ્ઞાન્ દૃષ્ટ્વા સ પંચમો યતિઃ ।
મુદિતસ્ તચ્ચરણાન્ નત્વા પ્રણિધાનં તથા વ્યધાત્ ॥ ર્મ્_29.200{99} ॥
યદ્ એતેભિર્ મમાગમ્ય સાક્ષાદ્ અર્હત્ત્વમ્ આગતં ।
એતદ્ધર્મવિપાકેન પ્રવ્રજ્યાર્હત્ત્વમ્ આપ્નુયાં ॥ ર્મ્_29.201{100} ॥
સર્વોપકરણૈર્ દ્રવ્યૈર્ અવૈકલ્યં યથેહિતં ।
તત્ તથા સર્વમ્ અપ્ય્ એવ સર્વત્રાપિ સમૃદ્ધ્યતુ ॥ ર્મ્_29.202{1} ॥
એતત્પુણ્યવિપાકેન સ ભિક્ષુઃ પંચમઃ સુધીઃ ।
અયમ્ એવ મહાભિજ્ઞો ભવતિ હીતિ મન્યતાં ॥ ર્મ્_29.203{2} ॥
પુનર્ અપિ ભવત્ય્ અત્ર યેનાયમ્ ઉપપાદુકઃ ।
તત્ કર્મં પ્રવક્ષ્યામિ શૃણુત યૂયમ્ આદરાત્ ॥ ર્મ્_29.204{3} ॥
પુરાસીદ્ ભગવાન્ બુદ્ધઃ કાશ્યપો નામ સર્વવિત્ ।
અર્હન્ નાથો જગચ્છાસ્તા ધર્મરાજસ્ તથાગતઃ ॥ ર્મ્_29.205{4} ॥
સ સંબુદ્ધો મહાપૂર્યા વારાણસ્યા ઉપાશ્રમે ।
મૃગદાવે ઽદિશદ્ ધર્મં વિજહાર સસાંઘિકઃ ॥ ર્મ્_29.206{5} ॥
તસ્મિંશ્ ચ સમયે તત્ર વારાણસ્યં ગૃહાધિપઃ ।
આસીત્ તસ્ય પ્રિયા ભાર્ય્યા ગર્ભિણી ગર્ભપીડિતા ॥ ર્મ્_29.207{6} ॥
પ્રસૂતિસમયે ઽક્રન્દદ્ આર્ત્તસ્વરા વિલાપિતા ।
તસ્યા આર્ત્તરવં શ્રુત્વા સ ભર્ત્તા કરુણાર્દિતઃ ।
શોકાલયે સમુદ્વિગ્નઃ નિશ્રિત્યૈવં વ્યચિંતયત્ ॥ ર્મ્_29.208{7} ॥
હા દુઃખં ગર્બ્ભપીડાસ્યા જાયતે કિં કરિષ્યતે ।
એવં દુઃખં હિ સંસારે રોગિણાં ભવચારિણાં ॥ ર્મ્_29.209{8} ॥
માતુર્ એવં મહદ્ દુઃખં ગર્બ્ભસ્થસ્ય શિશોર્ ન કિં ।
એતદ્ દુઃખમ્ અહં સોઢું ન શક્નુયાં કથં ચન ॥ ર્મ્_29.210{9} ॥
તદ્ અત્ર કાશ્યપસ્યાહં શાસને શરણં ગતઃ ।
પ્રવ્રજ્ય સંવરં ધૃત્વા ચરેયં સંવૃતિં સદા ॥ ર્મ્_29.211{10} ॥

ઇતિ નિશ્ચિત્ય સ શ્રેષ્ઠી ગત્વા કાશ્યપશાસને ।
પ્રવ્રજ્ય સંવરં ધૃત્વા ચચાર સંવૃતિં સદા ॥ ર્મ્_29.212{11} ॥
તતઃ કાલે સમાઘ્રાતે શ્રેષ્ઠી સ પરિખેદિતઃ ।
ત્રિરત્નસ્મરણં કૃત્વા પ્રણિધાનં વ્યધાત્ તદા ॥ ર્મ્_29.213{12} ॥
એતત્પુણ્યવિપાકેન સર્વદાત્ર પુનર્ભવે ।
માતુર્ ગર્ભે હ્ય્ અજાયેયં ભવેયમ્ ઉપપાદુકઃ ॥ ર્મ્_29.214{13} ॥
એતેન પ્રણિધાનેન કાશ્યપશરણં ગતઃ ।
ત્રિરત્નભજનૈઃ કૃત્વા પ્રચચાર સમાહિતઃ ॥ ર્મ્_29.215{14} ॥
એતત્પુણ્યવિપાકેન સાર્થવાહઃ સ સન્મતિઃ ।
ભવત્ય્ અયં મહાભિજ્ઞઃ સાંપ્રતમ્ ઉપપાદુકઃ ॥ ર્મ્_29.216{15} ॥
યથાનેન તદા તત્ર પ્રણિધાનં કૃતં મુદા ।
તથાત્ર શાસને બૌદ્ધે પ્રવ્રજ્યાર્હત્ત્વમ્ આપ્યતે ॥ ર્મ્_29.217{16} ॥
એવં હિ મન્યતાં સર્વે સંસારે કર્મ યત્ કૃતં ।
તત્ ફલં ભુજ્યતે નૂનં યથેહિતં તથા ધ્રુવં ॥ ર્મ્_29.218{17} ॥
યેનૈવ યત્ કૃતં કર્મં તેનૈવ ભુજ્યતે ફલં ।
અભુક્તં ક્ષીયતે નૈવ કૃતકર્મફલં ક્વચિત્ ॥ ર્મ્_29.219{18} ॥
નાગ્નિભિર્ દહ્યતે કર્મં ક્રિયતે નાપિ ચોદકૈઃ ।
વાયુભિઃ શુષ્યતે નાપિ ક્ષીયતે નૈવ ભૂમિષુ ॥ ર્મ્_29.220{19} ॥
અન્યાથાપિ ભવેન્ નૈવ યત્ કૃતં તત્ ફલં ખલુ ।
સર્વત્ર ભુજ્યતે સર્વૈર્ જન્તુભિર્ ભવચારિભિઃ ॥ ર્મ્_29.221{20} ॥
કૃષ્ણસ્ય કર્મણઃ પાકે દુઃખતૈવ સદા ભવે ।
શુભસ્ય સુખતા નિત્યં મિશ્રિતસ્યાપિ મિશ્રિતં ॥ ર્મ્_29.222{21} ॥
એવં મત્વાત્ર સંસારે સર્વદા સુખવાંછિભિઃ ।
ત્રિરત્નભજનં કૃત્વા ચરિતવ્યં શુભે સદા ॥ ર્મ્_29.223{22} ॥
ઇત્ય્ આદિષ્ટં મુનીન્દ્રેણ શ્રુત્વા તે ભિક્ષવસ્ તથા ।
સત્યમ્ ઇતિ પરિજ્ઞાય પ્રાભ્યનન્દન્ પ્રબોધિતાઃ ॥ ર્મ્_29.224{23} ॥
સો ઽપિ ભિક્ષુઃ પરિજ્ઞાય શ્રુત્વૈવં સુગતોદિતં ।
પ્રબોધિતઃ પ્રસન્નાત્મા પ્રાચરન્ સર્વદા શુભે ॥ ર્મ્_29.225{24} ॥
ઇતિ મે ગુરુણાદિષ્ટં શ્રુતં મયા તથોચ્યતે ।
શ્રુત્વા રાજન્સ્ ત્વયાપ્ય્ એવં ચરિતવ્યં શુભે સદા ॥ ર્મ્_29.226{25} ॥
પ્રજાશ્ ચાપિ મહારાજ બોધયિત્વા પ્રયત્નતઃ ।
પ્રેરયિત્વા શુભે ધર્મે પાલનીયાસ્ ત્વયાદરાત્ ॥ ર્મ્_29.227{26} ॥
એવં તે સર્વદા રાજન્ સર્વત્રાપિ શુભં ભવેત્ ।
ક્રમેણ બોધિમ્ આસદ્ય સંબુદ્ધપદમ્ આપ્નુયાઃ ॥ ર્મ્_29.228{27} ॥
ઇતિ તેનાર્હતાખ્યાતં શ્રુત્વાશોકઃ સ ભૂપતિઃ ।
તથેતિ પ્રતિવિજ્ઞપ્ય પ્રાભ્યનંદત્ સપાર્ષદઃ ॥ ર્મ્_29.229{28} ॥
યદાવદાનં હ્ય્ ઉપપાદુકસ્ય શૃણ્વંતિ યે ચાપિ નિશામયંતિ ।
સર્વે ઽપિ તે ક્લેશવિમુક્તદેહા ભુક્ત્વા સુખં યાન્તિ જિનાલયં તે ॥ ર્મ્_29.230{29} ॥
++ ઇતિ શ્રીરત્નાવદાનતત્વે ઉપપાદુકાવદાનં સમાપ્તમ્ ++
xxx અનિત્યતાસૂત્ર

અથાશોકો મહીપાલઃ કૃતાંજલિઃ પુરોગતઃ ।
ઉપગુપ્તં યતિં નત્વા પુનર્ એવમ્ અભાષત ॥ ર્મ્_30.1{1} ॥
ભદન્ત શ્રોતુમ્ ઇછામિ પુનર્ અન્યત્ સુભાષિતં ।
તદ્યથા ગુરુણાદિષ્ટં તથાદેષ્ટું ચ મે ઽર્હતિ ॥ ર્મ્_30.2{2} ॥
ઇતિ સંપ્રાર્થિતં રાજ્ઞા શ્રુત્વા સો ઽર્હં સુધીર્ યતિઃ ।
ઉપગુપ્તો નરેંદ્રં તં સમામંત્ર્યૈવમ્ અબ્રવીત્ ॥ ર્મ્_30.3{3} ॥
સાધુ શૃણુ મહારાજ તવ પુણ્યપ્રવૃદ્ધયે ।
યાથા મે ગુરુણાખ્યાતં તથા મયા પ્રવક્ષ્યતે ॥ ર્મ્_30.4{4} ॥
તદ્યથા ભગવાન્ બુદ્ધઃ શાક્યસિંહો મહામુનિઃ ।
એકસ્મિન્ સમયે તત્ર શ્રાવસ્ત્યા બહિર્ આશ્રમે ॥ ર્મ્_30.5{5} ॥
જેતોદ્યાને મનોરમ્યે વિહારે મણિમણ્ડિતે ।
સર્વલોકહિતાર્થેન વિજહાર સસાંઘિકઃ ॥ ર્મ્_30.6{6} ॥
તત્ર સ ભગવાંચ્ છાસ્તા સભાસ્થિતઃ પ્રભાસયન્ ।
તાં સર્વાન્ સાંઘિકાન્ દૃષ્ટ્વા સમામંત્ર્યૈવમ્ આદિશત્ ॥ ર્મ્_30.7{7} ॥
અનિત્યા ભિક્ષવઃ સર્વે સંસ્કારા અધ્રુવાઃ ક્ષણાઃ ।
વિપરિણામધર્માણો ઽસ્થિરા નાસ્વાસિકા અપિ ॥ ર્મ્_30.8{8} ॥
યાવન્તો ભિક્ષવઃ સત્વાશ્ ચતુર્યોનિસમુદ્ભવાઃ ।
ભૌતિકાઃ પ્રાણિનઃ સર્વે જંગમા અચલા અપિ ॥ ર્મ્_30.9{9} ॥
એતે ઽપિ પ્રાણિનઃ સર્વે સંસ્કારભવચારિણઃ ।
સ્વકૃતકર્મભુંજાનો ભ્રમન્તિ ષડ્ગતિષ્વ્ અપિ ॥ ર્મ્_30.10{10} ॥
યાવન્તઃ પ્રાણિનઃ સત્વાઃ સર્વેષુ નરકેષ્વ્ અપિ ।
સ્વકૃતકર્મભુંજાનો ભ્રમંતિ દુઃખપીડિતાઃ ॥ ર્મ્_30.11{11} ॥
તે સર્વે ઽપિ સ્વદૈવાંત્તે કાલે મૃત્યું વ્રજન્ત્ય્ અપિ ।
કૃતકર્માનુસારેણ પુનર્ભવે ભ્રમંતિ તે ॥ ર્મ્_30.12{12} ॥
કસ્ય ન જન્મ મૃત્યુશ્ ચ મરણાંતં હિ જીવિતં ।
યાવંતઃ પ્રેતિકાઃ સત્વાઃ સર્વે પ્રેતાલયેષ્વ્ અપિ ॥ ર્મ્_30.13{13} ॥
સ્વકૃતકર્મભુંજાનો ભ્રમંતિ દુઃખપીડિતાઃ ।
તે ચ સર્વે ઽપિ કર્માંતે કાલે મૃત્યું પ્રયાંત્ય્ અપિ ॥ ર્મ્_30.14{14} ॥
કૃતકર્માનુસારેણ પુનર્જન્મ લભંતિ તે ।
સર્વેષામ્ અપિ જન્તૂનાં સંસ્કારગતિચારિણાં ॥ ર્મ્_30.15{14!} ॥
કસ્ય ન જન્મ મૃત્યુશ્ ચ મરણાંતં હિ જીવિતં ।
તિર્યગ્ગતિષુ યાવંતસ્ તિર્યઞ્ચુઃ પ્રાણિનશ્ ચ તે ॥ ર્મ્_30.16{15} ॥
સર્વે ઽપિ કર્મભુંજાનો ભ્રમંતિ સ્વકૃતાનુગાઃ ।
તે ચ સર્વે ઽપિ કર્માન્તે કાલે મૃત્યું વ્રજંત્ય્ અપિ ॥ ર્મ્_30.17{16} ॥
તે ચ કર્માનુસારેણ પુનર્જન્મ લભન્ત્ય્ અપિ ।
સર્વેષામ્ અપિ જંતૂનાં સંસ્કારગતિચારિણાં ॥ ર્મ્_30.18{17} ॥
કસ્ય ન જન્મ મૃત્યુશ્ ચ મરનાંતં હિ જીવિતં ।
યાવન્તો મનુજાઃ સત્વા મર્ત્યલોકેષુ ભૂમિષુ ।
સ્વકૃતકર્મભુંજાના ભ્રમંતિ સુખદુઃખિતાઃ ॥ ર્મ્_30.19{18} ॥
તે ચ સર્વે ઽપિ કર્માન્તે કાલે મૃત્યું પ્રયાંત્ય્ અપિ ।

તે ચ કર્માનુસારેણ પુનર્જન્મ લભંત્ય્ અપિ ॥ ર્મ્_30.20{19} ॥
યે ચાપિ બ્રાહ્મણા ધીરાઃ સર્વે શાસ્ત્રવિચક્ષણાઃ ।
ષટ્કર્મનિરતા વિજ્ઞાશ્ ચતુર્બ્રહ્મવિહારિણઃ ॥ ર્મ્_30.21{20} ॥
તે ઽપિ સર્વે સ્વકર્માનુભુંજાનો ભવચારિણઃ ।
પ્રયાંતિ સમયે મૃત્યું કસ્ય મૃત્યુર્ ભવે ન હિ ॥ ર્મ્_30.22{21} ॥
યાવન્તો ઋષયો ધીરાઃ પંચાભિજ્ઞાગુણાબ્ધયઃ ।
તે સર્વે સમયે મૃત્યું પ્રયાંતિ ભવચારિણઃ ॥ ર્મ્_30.23{22} ॥
યે ચાપિ તીર્થિકા ધીરા મહત્કષ્ટતપોધરાઃ ।
તે ઽપિ ચ સમયે મૃત્યું ગછંતિ ભવગામિનઃ ॥ ર્મ્_30.24{23} ॥
યે ધીરા યોગિનશ્ ચાપિ યોગધ્યાનસમાહિતાઃ ।
તે ઽપિ સર્વે પ્રયાંત્ય્ એવ સમયે મરણં ધ્રુવં ॥ ર્મ્_30.25{24} ॥
યે ચાપ્ય્ ઉપાસકા ધીરાઃ શુદ્ધશીલા વ્રતંધરાઃ ।
તે ચાપિ સમયે સર્વે પ્રયાંતિ મરણં ધ્રુવં ॥ ર્મ્_30.26{25} ॥
યે ચાપિ ક્ષત્રિયા વીરા રાજાનો લોકપાલકાઃ ।
તે ઽપિ સર્વે પ્રયાંત્ય્ એવ સમયે મરણં ધ્રુવં ॥ ર્મ્_30.27{26} ॥
યે ચાપિ મંત્રિણો વિજ્ઞા હિતાર્થં મંત્રદેશકાઃ ।
તે ઽપિ સર્વે પ્રયાંત્ય્ એવ સમયે મરણં ધ્રુવં ॥ ર્મ્_30.28{27} ॥
યે ચાપ્ય્ એવં મહામાત્યા રાજ્યપાલનતત્પરાઃ ।
તે સર્વે પ્રયાન્ત્ય્ એવ સમયે મરણં ધ્રુવં ॥ ર્મ્_30.29{28} ॥
યે ચ ભટ્ટા મહાવીરા દુષ્ટમર્દનતત્પરાઃ ।
તે ઽપિ સર્વે પ્રયાન્ત્ય્ એવ સમયે મરણં ધ્રુવં ॥ ર્મ્_30.30{29} ॥
યે ચાપિ ધનિનઃ શ્રેષ્ઠાઃ સાધવો ભદ્રકારકાઃ ।
તે ઽપિ સર્વે પ્રયાન્ત્ય્ એવ સમયે મરણં ધ્રુવં ॥ ર્મ્_30.31{30} ॥
યે ચાપિ વણિજો ધીરાઃ સાર્થવાહા ધનાધિપાઃ ।
તે ઽપિ સર્વે પ્રયાન્ત્ય્ એવ સમયે મરણં ધ્રુવં ॥ ર્મ્_30.32{31} ॥
યે ચાપિ શિલ્પિનો વિજ્ઞા હિતાર્થં ગુણસાધકાઃ ।
તે ઽપિ સર્વે પ્રગછંતિ સમયે મરણં ધ્રુવં ॥ ર્મ્_30.33{32} ॥
યે ચાપિ કૃષિકર્ત્તારઃ પ્રાણહિતાર્થસાધકાઃ ।
તે ઽપિ સર્વે વ્રજન્ત્ય્ એવ મરણં સમયે ધ્રુવં ॥ ર્મ્_30.34{33} ॥
યે ચ વૈશ્યાઃ પ્રજાનાથાઃ સર્વદ્રવ્યહિતંકરાઃ ।
તે ઽપિ સર્વે વ્રજન્ત્ય્ એવ સમયે મરણં ધ્રુવં ॥ ર્મ્_30.35{34} ॥
યે ચાપિ સદ્ગુણાધાના દૈવજ્ઞા વિધિવિત્તમાઃ ।
તે ચાપિ સમયે સર્વે પ્રયાંતિ મરણં ધ્રુવં ॥ ર્મ્_30.36{35} ॥
યે ચ વૈદ્યા મહાવિજ્ઞાઃ સર્વરોગશમંકરાઃ ।
તે ઽપિ સર્વે વ્રજન્ત્ય્ એવ મરણં સમયે ધ્રુવં ॥ ર્મ્_30.37{36} ॥
યે ચપિ ભૌતિકા વિજ્ઞાઃ સર્વભૂતપ્રશાંતકાઃ ।
તે ઽપિ સર્વે વિસંયોગાદ્ વ્રજંતિ મરણં ધ્રુવં ॥ ર્મ્_30.38{37} ॥
યે ચાપિ મંત્રિણો વીરાઃ સર્વે કર્માર્થસાધકાઃ ।
તે ઽપિ સર્વે વિસંયોગાત્ પ્રયાંતિ મરણં ધ્રુવં ॥ ર્મ્_30.39{38} ॥
એવમ્ અન્યે ઽપિ લોકાશ્ ચ નિહીનમધ્યમોત્તમાઃ ।

સર્વે મૃત્યું પ્રયાન્ત્ય્ એવ કસ્ય મૃત્યુર્ વશે ખલુ ॥ ર્મ્_30.40{39} ॥
ગંધર્વાશ્ ચ મહાવીરા દેવાધિકા મહર્દ્ધિકાઃ ।
તે ઽપિ સર્વે વ્રજન્ત્ય્ એવ નિસ્સારા મરણં ધ્રુવં ॥ ર્મ્_30.41{40} ॥
કુમ્ભાણ્ડાશ્ ચ મહાવીરા મહાભીમા મહાવલાઃ ।
તે ઽપિ કાલે પ્રયાન્ત્ય્ એવ સર્વત્ર મરણં ધ્રુવં ॥ ર્મ્_30.42{41} ॥
નાગાશ્ ચાપિ મહાભિમા ગરુડાશ્ ચા મહર્દ્ધિકાઃ ।
તે ઽપિ સર્વે પ્રયાન્ત્ય્ એવ કાલે મૃત્યું ભવેદ્ ધ્રુવં ॥ ર્મ્_30.43{42} ॥
યક્ષાશ્ ચાપિ મહાવીરા દેવાસુરમહર્દ્ધિકાઃ ।
તે ઽપિ સર્વે પ્રયાન્ત્ય્ એવ કાલે મૃત્યું નિરુદ્યમાઃ ॥ ર્મ્_30.44{43} ॥
કિન્નરાશ્ ચ મહાવીરાઃ ખગામિનો મહર્દ્ધિકાઃ ।
તે ઽપિ સર્વે નિરુત્સાહાઃ કાલે યાન્તિ યમાલયં ॥ ર્મ્_30.45{44} ॥
સિદ્ધાશ્ ચાપિ મહાવીરાઃ સર્વકાર્યાર્થસાધકાઃ ।
તે ઽપિ સર્વે વ્રજન્ત્ય્ એવ કાલે મૃત્યું નિરુદ્યમાઃ ॥ ર્મ્_30.46{45} ॥
સાધ્યાશ્ ચાપિ મહાધીરઃ સર્વહિતાર્થસાધકાઃ ।
તે ઽપિ સર્વે પ્રયાન્ત્ય્ એવ મરણં સર્વદા ધ્રુવં ॥ ર્મ્_30.47{46} ॥
રાક્ષસાશ્ ચ મહાભીમા મહાવીર્યપરાક્રમાઃ ।
તે ઽપિ સર્વે પ્રયાન્ત્ય્ એવ નિવીર્યા મરણં ધ્રુવં ॥ ર્મ્_30.48{47} ॥
એવમ્ અન્યે ઽપિ સત્વાશ્ ચ સિંહવ્યાઘ્રાદિ જંતવઃ ।
પશવઃ પક્ષિણશ્ ચાપિ ક્રિમિકીટાદયો ઽપિ ચ ॥ ર્મ્_30.49{48} ॥
અણ્ડજાઃ સ્વેદજાશ્ ચૈવ સર્વે ઽપિ પ્રાણિનો ઽપિ તે ।
કાલે દૈવાનુભોક્તારો વ્રજન્તિ મરણં ધ્રુવં ॥ ર્મ્_30.50{49} ॥
દૈત્યાશ્ ચાપિ મહાવીરા માહાવીર્યા મહર્દ્ધિકાઃ ।
તે ઽપિ સર્વે પ્રયાંત્ય્ એવં સમયે મરણં ધ્રુવં ॥ ર્મ્_30.51{50} ॥
શક્રાદયો ઽપિ દેવેન્દ્રાઃ સાર્વે દેવાઃ સુધાંશિનઃ ।
તે ઽપિ કાલે દિવશ્ ચ્યુત્વા ભ્રમંતિ ષડ્ગતિષ્વ્ અપિ ॥ ર્મ્_30.52{51} ॥
અપ્સરસો ઽપિ દિવ્યાંગા યથાકામ સુખંચરાઃ ।
તાશ્ ચાપિ સમયે સર્વાશ્ ચ્યુત્વા યાંતિ યમાલયં ॥ ર્મ્_30.53{52} ॥
વિદ્યાધરા મહાભિજ્ઞા યથેછા સુખચારિણઃ ।
તે ઽપિ સર્વે નિરુત્સાહાઃ કાલે યાંતિ યમાન્તિકે ॥ ર્મ્_30.54{53} ॥
એવમ્ અન્યે ઽપિ લોકાશ્ ચ જન્મિનો ભવચારિણઃ ।
સર્વે ઽપિ કર્મભુંજાનઃ કાલે મૃત્યું વ્રજન્ત્ય્ અપિ ॥ ર્મ્_30.55{54} ॥
રસાતલચરા યે સ્વકૃતકર્મભોજિનઃ ।
તેષાં અપિ ચ સર્વેષાં મરનાંતં હિ જીવિતં ॥ ર્મ્_30.56{55} ॥
કામધાતુચરા યે ચ સ્વકૃતે કર્મચારિણઃ ।
તેષામ્ અપિ ચ સર્વેષાં મરણાંતં હિ જીવિતં ॥ ર્મ્_30.57{56} ॥
રૂપધાતુગતા યે ચા ધ્યાનભોગસમાહિતાઃ ।
તેષામ્ અપિ ચ સર્વેષાં મરણાંતં હિ જીવિતં ॥ ર્મ્_30.58{57} ॥
યે ચાપ્ય્ આરૂપિણો દેવા નિરાલોક્યા નિરંજનાઃ ।
તેષામ્ અપિ ચ સર્વેષાં મરનાંતં હિ જીવિતં ॥ ર્મ્_30.59{58} ॥
યે ચાપિ ભિક્ષવો ઽર્હન્તો વીતક્લેશા જિતેંદ્રિયાઃ ।

મારચર્યાવિનિર્મુક્તા નિર્વિકલ્પા નિરંજનાઃ ॥ ર્મ્_30.60{59} ॥
તેષામ્ અપિ ચ સર્વેષાં મરણાંતં હિ જીવિતં ।
કસ્ય મૃત્યુર્ ભવે નાસ્તિ જન્મિનો મરણં ધ્રુવં ॥ ર્મ્_30.61{60} ॥
પ્રત્યેકસુગતા યે ચ નિઃક્લેશા વિજિતેંદ્રિયાઃ ।
નિર્વિકલ્પા નિરાસંગા એકાંતધ્યાનચારિણઃ ॥ ર્મ્_30.62{61} ॥
તેષામ્ અપિ ચ સર્વેષાં મરણાંતં હિ જીવિતં ।
કસ્ય નાસ્તિ ભવે મૃત્યુર્ જાતસ્ય મરણં ધ્રુવં ॥ ર્મ્_30.63{62} ॥
બોધિસત્વા મહાસત્વાઃ સર્વસત્વહિતંકરાઃ ।
મહાભિજ્ઞા મહાધીરાશ્ ચતુર્બ્રહ્મવિહારિણઃ ॥ ર્મ્_30.64{63} ॥
દશભૂમીશ્વરા નાથા દશપારમિતારતાઃ ।
સત્વાર્થવશિતાપ્રાપ્તા ધારણીબલસંયુતાઃ ॥ ર્મ્_30.65{67} ॥
તેષામ્ અપિ ચ સર્વેષાં મરનાંતં હિ જીવિતં ।
કસ્ય નાસ્તિ ભવે મૃત્યુર્ જન્મિનો મરણં ધ્રુવં ॥ ર્મ્_30.66{68} ॥
તથાગતાશ્ ચ સંબુદ્ધાઃ સર્વજ્ઞાઃ સુગતા જિનાઃ ।
મારજિતો જગન્નાથાઃ ષડભિજ્ઞા મુનીશ્વરાઃ ॥ ર્મ્_30.67{69} ॥
ધર્મરાજાઃ સુશાસ્તારો દશવલા વિનાયકાઃ ।
સમંતભદ્રકર્ત્તારશ્ ચતુર્બ્રહ્મવિહારિણઃ ॥ ર્મ્_30.68{70} ॥
તે સર્વે ભગવન્તો ઽપિ ત્રૈધાતુભુવનેષ્વ્ અપિ ।
બોધિચર્યાં કૃત્વા સમાદિશ્ય સદ્ધર્મં ચ સમંતતઃ ॥ ર્મ્_30.69{71} ॥
સર્વત્ર મંગલં કૃત્વા કૃત્વા ધર્મમયં જગત્ ।
બોધિમાર્ગે પ્રતિષ્ઠાપ્ય સર્વસત્વાઞ્ છુભાન્વિતાન્ ॥ ર્મ્_30.70{72} ॥
સર્વસંબુદ્ધકાર્યાણિ સમાપ્ય પરિનિવૃતાઃ ।
સુપરિશુદ્ધનિર્વાણં સમયે સંવ્રજન્ત્ય્ અપિ ॥ ર્મ્_30.71{73} ॥
એવં મત્વાત્ર સંસારે સર્વેષાં મરણં ધ્રુવં ।
સર્વાન્ સંસ્કારજાન્ દુઃખાન્સ્ ત્યક્તું પ્રારભતોદ્યમં ॥ ર્મ્_30.72{74} ॥
અનિત્યા વત સંસ્કારા અવિદ્યાકલ્પનોદ્ભવાઃ ।
ક્લેશાશ્રયા મહાદુઃખમૂલા વિધ્વંસિનો ઽશુભાઃ ॥ ર્મ્_30.73{75} ॥
તસ્માત્ સંસારદુઃખાનિ ત્યક્તુમ્ ઇછંતિ યે નરાઃ ।
તે માયાસંરતિં ત્યક્ત્વા ચરંતુ બુદ્ધશાસને ॥ ર્મ્_30.74{76} ॥
યે બુદ્ધશાસને ભક્ત્યા ત્રિરત્નં શરણં ગતાઃ ।
સંબોધિસંવરં ધૃત્વા સંચરંતે સમાહિતાઃ ॥ ર્મ્_30.75{77} ॥
તે સર્વે શુભાત્માનો નિઃક્લેશા વિમલાશયાઃ ।
બોધિચર્યાં સમાસાદ્ય કુર્યુસ્ સત્વહિતં સદા ॥ ર્મ્_30.76{78} ॥
તતઃ પારમિતાઃ સર્વાઃ પરિપૂર્ય યથાક્રમં ।
સમ્યક્ષંબોધિમ્ આસાદ્ય ભવેયુઃ સુગતા જિનાઃ ॥ ર્મ્_30.77{79} ॥
તતઃ સર્વત્ર લોકેષુ કૃત્વા લોકે સુભદ્રતાં ।
બોધિમાર્ગે જગલ્લોકં પ્રતિષ્ઠાપ્ય પ્રયત્નતઃ ॥ ર્મ્_30.78{80} ॥
તતો નિર્વાણમ્ આસાદ્ય નિર્વિશેરં જિનાલયે ।
તદા તે વિમલાત્માનો નિલીનાઃ સ્યુ નિજાલયે ॥ ર્મ્_30.79{81} ॥
એવં મત્વા નિજાનંદં પ્રાપ્તું સંબોધિસાધને ।