રત્નમાલાવદાન · ભાગ 241260

તદા સર્વાહિતં પ્રોક્તં ત્વયા તત્ર શ્રુતં ન તત્ ॥ ર્મ્_24.175{75} ॥
ઇતિ તેનાત્મજેનોક્તં શ્રુત્વા સા પ્રતિબોધિતા ।
વિગલદશ્રુરુક્ષાક્ષા તં પુત્રમ્ એવમ્ અબ્રવીત્ ॥ ર્મ્_24.176{76} ॥
ન મયા હિ કૃતં દાનં પુણ્યં ન ચાભિસાધિતં ।
દૃષ્ટ્વાનુમોદિતં નાપિ માત્સર્યપરિભૂતયા ॥ ર્મ્_24.177{77} ॥
યદ્ યદ્ દ્રવ્યં ત્વયા પુત્ર મમ હસ્તે સમર્પિતં ।
તત્ તત્ સર્વં મયા વંધિખદાયાં પરિગોપિતં ॥ ર્મ્_24.178{78} ॥
તદ્ ઇદાનિં સમુદ્ધૃત્ય જ્ઞાતિહસ્તે સમર્પય ।
તેન તં સુગતં બુદ્ધં સસંઘં ભોજયાત્મજ ॥ ર્મ્_24.179{79} ॥
દક્ષિણાદેશનાં ચાપિ મમ નામ્નાભિકારય ।
તદા પ્રેતગતેર્ મુક્તા યાયામ્ અહં સુરાલયં ॥ ર્મ્_24.180{80} ॥
ઇતિ તયોદિતં શ્રુત્વા સ ઉત્તરો ઽનુબોધિતઃ ।
એવમ્ અસ્ત્વ્ ઇતિ સંશ્રુત્ય પુનસ્ તામ્ એવમ્ અબ્રવીત્ ॥ ર્મ્_24.181{81} ॥
સસંઘં સુગતં તેન ભોજયિષ્યામિ સાંપ્રતં ।
કિં તુ ત્વયામ્વ તત્રાપિ સ્થાતવ્યં સુગતાંતિકે ॥ ર્મ્_24.182{82} ॥
ઇતિ તેનોદિતં શ્રુત્વા સા પ્રેતી લજ્જયાન્વિતા ।
તમ્ અર્હન્તં સમાલોક્ય પુર એવમ્ અભાષત ॥ ર્મ્_24.183{83} ॥
યદ્ અહં પુત્ર નગ્નાસ્મિ પ્રેતી વિભ્રન્સિતાકૃતી ।
તત્ કથં સમુપાશ્રિત્ય સ્થાસ્યામિ શ્રીઘનાંતિકે ॥ ર્મ્_24.184{84} ॥
ઇતિ તયોદિતં શ્રુત્વા સ ઉત્તરો મહામતિઃ ।
તાં પ્રેતીં સમુપાલોક્ય પુનર્ એવમ્ અભાષત ॥ ર્મ્_24.185{85} ॥
ક્રિયમાને યદા પાપે લજ્જા નાસ્તિ તદા તવ ।
ફલભોજનકાલે ઽત્ર કિમ્ એવં લજ્જસે ઽધુના ॥ ર્મ્_24.186{86} ॥
ઇતિ તદ્ વચનં શ્રુત્વા સા પ્રેતી પ્રતિબોધિતા ।
તથા ગમિષ્યામીતિ પ્રોક્ત્વ ત્વરિતં વિજ્ઞાલયં યયૌ ॥ ર્મ્_24.187{87} ॥
તતઃ સ ઉત્તરો ગત્વા જ્ઞાતીન્ આહૂય તદ્ વૃતિં ।
યથામાત્રોદિતં ખ્યાય સર્વમ્ એવ ન્યવેદયત્ ॥ ર્મ્_24.188{88} ॥
તચ્ છ્રુત્વા જ્ઞાતિવર્ગાસ્ તે સર્વ ઽતિવિસ્મયાન્વિતાઃ ।
તથા તદ્ દ્રવ્યમ્ આદાય સર્વં તસ્યાન્ ઉપાહરન્ ॥ ર્મ્_24.189{89} ॥
તદ્ દ્રવ્યં સર્વમ્ આલોક્ય સ ઉત્તરઃ પ્રમોદિતઃ ।
સર્વેષામ્ અપિ ગોત્રાણાં પુનર્ એવં સમબ્રવીત્ ॥ ર્મ્_24.190{90} ॥
ભવન્તો જ્ઞાતયઃ સર્વે દ્રવ્યેનૈતેન સાંપ્રતં ।
સસાંઘિકં મુનીન્દ્રં તં ભોજયિષ્યામિ પૂજયન્ ॥ ર્મ્_24.191{91} ॥
તદ્ એતત્ સર્વમ્ આદાય યદા પ્રકંપિતાશયાઃ ।
સંઘભોજ્યાર્હસામગ્રીં સાધયિત્વા પ્રદત્ત મે ॥ ર્મ્_24.192{92} ॥
ઇતિ સંપ્રાર્થિતં શ્રુત્વા સર્વે તે જ્ઞાતયસ્ તથા ।
સંઘભોજ્યાર્હસામગ્રીં સર્વદ્રવ્યૈર્ અસાધયત્ ॥ ર્મ્_24.193{93} ॥
તદ્ દૃષ્ટ્વા મુદિતઃ સો ઽર્હન્ ઉત્તરઃ સંપ્રસન્નધીઃ ।
શાસ્તુર્ નિમંત્રણં કર્તું વિહારે સમુપાચરત્ ॥ ર્મ્_24.194{94} ॥
તત્ર સ સમુપાશ્રિત્ય તં મુનીન્દ્રં સસાંઘિકૈઃ ।

પ્રણત્વા સાઞ્જલિસ્ તત્ર પુરઃ સ્થિત્વા ન્યમંત્રયત્ ॥ ર્મ્_24.195{95} ॥
ભગવન્ નાથ સર્વજ્ઞ ભગવંતં સસાંઘિકં ।
પૂજયિતું સમિછામિ શ્વો ઽનુગૃહીતુમ્ અર્હતિ ॥ ર્મ્_24.196{96} ॥
ઇતિ સંપ્રાર્થિતે તેન ભગવાન્ સ મુનીશ્વરઃ ।
તમ્ ઉત્તરં સમાલોક્ય તૂષ્ણીભૂત્વાધ્યુવાસ તત્ ॥ ર્મ્_24.197{97} ॥
તતઃ સ ઉત્તરો મત્વા ભગવતાધિવાસિતં ।
તં મુનીન્દ્રં પુનર્ નત્વા જ્ઞાતીનાં પુરતો યયૌ ॥ ર્મ્_24.198{98} ॥
તત્ર સ ઉત્તરસ્ તેષાં ચ નિમંત્રણં ।
કૃત્વા તત્ર પુનસ્ તેષાં પુર એવમ્ અભાષત ॥ ર્મ્_24.199{99} ॥
સંઘભોજ્યે પ્રવૃત્તે ઽત્ર યૂયં સર્વે સમાગતાઃ ।
પ્રેતીભૂતાં મમામ્બાં તામ્ અવલોકિતુમ્ અર્હથ ॥ ર્મ્_24.200{100} ॥
ઇત્ય્ ઉક્ત્વા સ્વાશ્રમં ગત્વા સ ઉત્તરઃ પ્રસાદિતઃ ।
ધ્યાનાગારસમાસીનસ્ તસ્થૌ ધ્યાનસમાહિતઃ ॥ ર્મ્_24.201{1} ॥
તતઃ પ્રાતઃ સમુત્થાય જ્ઞાતીનાં પુરતો ગતઃ ।
પૂજોપચારસામગ્રીં સહસા સમસાધયત્ ॥ ર્મ્_24.202{2} ॥
તતઃ સ ઉત્તરઃ પ્રાહ્ને વિહારે સમુપાસરન્ ।
ભગવંતં મુનીન્દ્રં તં પ્રણત્વૈવમ્ અભાષત ॥ ર્મ્_24.203{3} ॥
ભગવન્ સર્વવિચ્ છાસ્તઃ સમયો વર્ત્તતે ઽધુના ।
તત્ સસંઘો ભવાન્ અત્ર વિજયિતું સમર્હતિ ॥ ર્મ્_24.204{4} ॥
ઇતિ સંપ્રાર્થિતે તેન ગંડીમ્ આકોટયન્ મુનિઃ ।
તચ્ છબ્દચોદિતાસ્ તત્ર સ ચ સંઘા ઉપાસરન્ ॥ ર્મ્_24.205{5} ॥
તત્ર તે જ્ઞાતયઃ સર્વે લોકા અન્યે ઽપિ હર્ષિતાઃ ।
તત્ર પ્રેતાં સમાયાતાં તાં દ્રષ્ટું સમુપાગતાઃ ॥ ર્મ્_24.206{6} ॥
તદા સ ભગવાંસ્ તત્ર સસાંઘિકઃ સમાગતાઃ ।
તદ્ દત્તં પાદ્યમ્ આદાય શુદ્ધાસને સમાશ્રયત્ ॥ ર્મ્_24.207{7} ॥
તાં દૃષ્ટ્વા જ્ઞાતયઃ સર્વે લોકા અન્યે ઽપિ ખેટિતાઃ ।
હા પાપમ્ ઇતિ ભાષન્તે તસ્થુઃ સદ્ધર્મવાંછયા ॥ ર્મ્_24.208{8} ॥
તદા તે જ્ઞાતયઃ સર્વે ભગવંતં સસાંઘિકં ।
યથાક્રમં સમભ્યર્ચ્ય ભોજનૈઃ સમતોષયત્ ॥ ર્મ્_24.209{9} ॥
તતસ્ તે સાંઘિકાઃ સર્વે સંબુદ્ધપ્રમુખા અપિ ।
તત્ પ્રણીતરસં ભોજ્યં ભુક્ત્વા તૃપ્તિં સમાયયુઃ ॥ ર્મ્_24.210{10} ॥
તતો ઽપનીય પાત્રાણિ શોધયિત્વા ભુજાદિકં ।
તેષાં પૂગાદિ તામ્બૂલગણં તે પ્રદદુર્ મુદા ॥ ર્મ્_24.211{11} ॥
તત્ર સ ઉત્તરો ભિક્ષુર્ જ્ઞાતિભિસ્ તૈ સહાન્વિતઃ ।
ભગવંતં સસંઘં તં પ્રણત્વા સમુપાશ્રયત્ ॥ ર્મ્_24.212{12} ॥
તત્ર સ ભગવાન્ દૃષ્ટ્વા તમ્ ઉત્તરમ્ ઉપાશ્રિતં ।
દાક્ષિણાદેશનાં તસ્યાઃ પ્રેત્યા નામ્ના સમાદિશત્ ॥ ર્મ્_24.213{13} ॥
ઇતો દાનાદ્ ધિ યત્ પુણ્યં તત્ પ્રેતીમ્ ઉપગછતુ ।
ઉત્તિષ્ઠતામ્ ઇયં પ્રેતી પ્રેતલોકાત્ તતો દ્રુતં ॥ ર્મ્_24.214{14} ॥
ઇતિ શુભાશિષં દત્વા ભગવાન્ સ મુનીશ્વરઃ ।

આર્ય્યસત્યં સમારભ્ય સદ્ધર્મં ચ સમાદિશત્ ॥ ર્મ્_24.215{15} ॥
તદ્ આર્ય્યધર્મમ્ આકર્ણ્ય સર્વે લોકાઃ પ્રબોધિતાઃ ।
ધર્મવિશેષમ્ આજ્ઞાય બભૂવુઃ સત્યદર્શિનઃ ॥ ર્મ્_24.216{16} ॥
સાપિ પ્રેતી સમાનીય તત્ સદ્ધર્મામૃતં મુદા ।
સુપ્રસન્નાશયા સ્મૃત્વા ત્રિરત્નં શરણં યયૌ ॥ ર્મ્_24.217{17} ॥
તતઃ સા ભૂતલોકે ઽભૂજ્ જાતા ભૂતમહર્દ્ધિકા ।
તત્રાપિ સાભવદ્ દુષ્ટા માત્સર્ય્યરુક્ષિતાશયા ॥ ર્મ્_24.218{18} ॥
તતઃ સ ભગવાંસ્ તસ્માત્ સસાંઘિકઃ પ્રભાસયન્ ।
ગત્વા સ્વાશ્રમમ્ આશ્રિત્ય તસ્થૌ ધર્મમ્ ઉપાદિશન્ ॥ ર્મ્_24.219{19} ॥
તતઃ સ બુદ્ધિમાન્ વિજ્ઞ આયુષ્માન્ યતિર્ ઉત્તરઃ ।
કુત્રાસૌ જાયતે માતાધુનેતિ સમપશ્યત ॥ ર્મ્_24.220{20} ॥
એવં સ ઉત્તરો વિજ્ઞઃ સમભીક્ષ્ય સમંતતઃ ।
દદર્શ તાં સંપ્રજાતાં ભૂતમહર્દ્ધિકાલયે ॥ ર્મ્_24.221{21} ॥
દૃષ્ટ્વા સ ઉત્તરઃ પુત્રો માતરં તાં ચ ભૌતિકાં ।
સહસા સમુપાશ્રિત્ય સમામંત્ર્યૈવમ્ અબ્રવીત્ ॥ ર્મ્_24.222{22} ॥
કિમ્ અમ્બાસ્તિ ત્વયા શક્તિર્ અપિ દાનેષુ સાંપ્રતં ।
યદીછસિ સદા ભદ્રં કુરુ દાનમ્ ઇહાધુના ॥ ર્મ્_24.223{23} ॥
ઇતિ તેનોદિતં શ્રુત્વા સા ચ ભૂતમહર્દ્ધિકા ।
ઉત્તરં તં સુતં દૃષ્ટ્વા પુનર્ એવમ્ અભાષત ॥ ર્મ્_24.224{24} ॥
નાદ્યાપિ વિદ્યતે દાને ઽભિલાષં મમ નંદન ।
તત્ કિં ચિદ્ અપિ વા દ્રવ્યં પ્રદાતું નાહમ્ ઉત્સહે ॥ ર્મ્_24.225{25} ॥
ઇતિ તેનોદિતં શ્રુત્વાયુષ્માન્ સ ઉત્તરો યતિઃ ।
દૃષ્ટ્વા તાં માતરં ભૂતમહર્દ્ધિકામ્ અભાષત ॥ ર્મ્_24.226{26} ॥
અદ્યાપિ તે તિષ્ઠતિ તચ્ છરીરં વિવૃદ્ધનિર્માન્સત્વગસ્થિચર્મા લોભાંધકારાવૃતલોચનાયા નિવર્તિતં યત્ તવ પ્રેતલોકે ।
ધિક્ ત્વાં પ્રદુષ્ટામ્ ઇહ કિં વદેયમ્ અદ્યાપિ યત્ ત્વં દુરિતાશયાસિ ।
કેનાત્ર તે પાપનિમગ્નચિત્તં સંશોધિતં પુણ્યકરોદ્ધૃતં સ્યાત્ ॥ ર્મ્_24.227{27} ॥
સદાપિ ચૈવં નરકે નિવાસા ભવેત્ કદા ત્વં પરિમોક્ષ્યસે ઽતઃ ।
અહો હિ દુર્બુદ્ધિદુરાશયાનાં મનો ન કેનાપિ વિશુદ્ધ્યતે વૈ ॥ ર્મ્_24.228{28} ॥
એવં બહુપ્રકારેણ પરિભાષ્યોત્તરઃ સ તાં ।
તદઙ્ગાત્ યમલીમ્ એકામ્ આકૃષ્યાપહરદ્ વલાત્ ॥ ર્મ્_24.229{29} ॥
તતસ્ તાં યમલીં સો ઽર્હં સંઘાય સમકલ્પયત્ ।
તત્ર મૂલ્યેન તાં ક્રીત્વા ભિક્ષુમાનવકે ન્યસેત્ ॥ ર્મ્_24.230{30} ॥
તત્રાપિ નિશિ સા ગત્વા યમલીં તામ્ ઉપાહરત્ ।
તથાપહૃતાં ભિક્ષુર્ ઉત્તરાય ન્યવેદયત્ ॥ ર્મ્_24.231{31} ॥
તચ્ છ્રુત્વા ચોત્તરો ગત્વા પરિભાષ્ય વલેન તાં ।
અપહૃત્ય પુનસ્ તસ્મૈ ભિક્ષવે સમકલ્પયત્ ॥ ર્મ્_24.232{32} ॥
ભૂયો ઽપિ નિશિ સા ગત્વા યમલીં તામ્ ઉપાહરત્ ।
તથા સ ઉત્તરશ્ ચાપિ તસ્યાશ્ ચ તામ્ અપાહરત્ ॥ ર્મ્_24.233{33} ॥
એવં ત્રિધા નિશાયાં સા તત્ર ગત્વાહરચ્ ચ તાં ।
ઉત્તરશ્ ચાપહૃત્યૈવ તાં તસ્મૈ ભિક્ષવે દદૌ ॥ ર્મ્_24.234{34} ॥

તેનાપિ ભિક્ષુણાદાય ચતુદિક્સાંઘિકાય સા ।
પાદ્યલેપાનિકાયાં સંસીવિત્વા પ્રતિપાદિતા ॥ ર્મ્_24.235{35} ॥
તત્ર તાં સીવિતાં દૃષ્ટ્વા સા ચ ભૂતમહર્દ્ધિતા ।
અપહૃતવિભગ્નાશા રુદન્તી સ્વાલયં યયૌ ॥ ર્મ્_24.236{36} ॥
તચ્ચિત્તાગ્નિપ્રતપ્તા સા સ્મૃત્વા તં સુતમ્ ઉત્તરં ।
કાલં ગતા તતો ઽન્યત્ર યક્ષલોકે ઽલભજ્ જનુઃ ॥ ર્મ્_24.237{37} ॥
એવં મત્વા મહત્પાપમૂલં માત્સર્ય્યમ્ એવ હિ ।
તત્ માત્સર્યં પરિત્યજ્ય કર્ત્તવ્યં દાનમ્ આદરાત્ ॥ ર્મ્_24.238{38} ॥
દાનેન શુદ્ધ્યતે ચિત્તઃ શુદ્ધચિત્તઃ સુધીકૃતિઃ ।
ક્રમાદ્ બોધિચરિં ધૃત્વા સંબુદ્ધપદમ્ આપ્નુયાત્ ॥ ર્મ્_24.239{39} ॥
એવં વિજ્ઞાય સર્વત્ર યદીછન્તિ સદા શુભં ।
માત્સર્યં વિષવત્ ત્યક્ત્વા ચરિતવ્યં સદા શુભે ॥ ર્મ્_24.240{40} ॥
ઇતિ મે ગુરુણાખ્યાતં શ્રુતં તથા મયોચ્યતે ।
ત્વં ચાપ્ય્ એવં પરિજ્ઞાય ચરિતવ્યમ્ શુભે સદા ॥ ર્મ્_24.241{41} ॥
પ્રજાશ્ ચાપિ મહારાજ બોધયિત્વા પ્રયત્નતઃ ।
બોધિમાર્ગે પ્રતિષ્ઠાપ્ય પાલયિતું સદાર્હસિ ॥ ર્મ્_24.242{42} ॥
તથા તે મંગલં નિત્યં સર્વત્રાપિ ભવેદ્ ધ્રુવં ।
ક્રમાદ્ બોધિં સમાસાદ્ય સંબુદ્ધપદમ્ આપ્નુયાઃ ॥ ર્મ્_24.243{43} ॥
ઇતિ તેનાર્હતાખ્યાતં શ્રુત્વાશોકઃ સ ભૂપતિઃ ।
તથેતિ પ્રતિભાષિત્વા પ્રાભ્યનંદત્ સપાર્ષદઃ ॥ ર્મ્_24.244{44} ॥
ઇદં નરા યે મુદિતાશ્ ચ ભૂતમહર્દ્ધિકાયાનુવદાનમ્ અત્ર ।
મુદા નિશમ્ય પ્રતિમોદયન્તે પ્રયાંતિ તે શ્રીઘનસંનિવાસે ॥ ર્મ્_24.245{45} ॥
++ ઇતિ રત્નાવદાનત્વે પ્રેતીભૂતમહર્દ્ધિકાવદાનં સમાપ્તમ્ ++
xxવ્ દૂતાવદાન
અથાશોકો મહીપાલઃ કૃતાંજલિપુટો મુદા ।
ઉપગુપ્તં ગુરું નત્વા પુનર્ એવમ્ અવોચત્ ॥ ર્મ્_25.1{1} ॥
ભદન્ત શ્રોતુમ્ ઇછામિ પુનર્ અન્યત્ સુભાષિતં ।
તદ્યથા ગુરુણાખ્યાતં તથાદેષ્ટું ચ મે ઽર્હતિ ॥ ર્મ્_25.2{2} ॥
ઇતિ સંપ્રાર્થિતં રાજ્ઞા શ્રુત્વા સો ઽર્હન્ મહામતિઃ ।
ઉપગુપ્તો નરેંદ્રં તં સમામંત્ર્યૈવમ્ આદિશત્ ॥ ર્મ્_25.3{3} ॥
શૃણુ રાજન્ મહાભાગ યથા મે ગુરુભાષિતં ।
તથાહં તે પ્રવક્ષ્યામિ શ્રુત્વા ચાત્રાનુમોદય ॥ ર્મ્_25.4{4} ॥
તદ્યથા ભગવાન્ બુદ્ધઃ શ્રીઘનઃ સ મુનીશ્વરઃ ।
સર્વજ્ઞઃ સુગતઃ શાસ્તા ધર્મરાજો વિનાયકઃ ॥ ર્મ્_25.5{5} ॥
ભિક્ષુભિઃ શ્રાવકૈઃ સાર્દ્ધં ભિક્ષુણીભિશ્ ચ ચેલકૈઃ ।
ઉપાસકગણૈશ્ ચાપિ તથા ચોપાસિકાગણૈઃ ॥ ર્મ્_25.6{6} ॥
રાજગૃહપુરોપાન્તે ગૃદ્ધકૂટે નગોત્તમે ।
વેણુવને મહોદ્યાને કરંદકનિવાપકે ॥ ર્મ્_25.7{7} ॥
સર્વસત્વહિતાર્થેન બોધિચર્યાં પ્રકાશયન્ ।
સદ્ધર્મં સમુપાદિશ્ય વિજહાર પ્રભાસયન્ ॥ ર્મ્_25.8{8} ॥

તત્ સદ્ધર્મામૃતં પાતું સર્વે લોકા ઉપાગતાઃ ।
દેવા દૈત્યાશ્ ચ નાગાશ્ ચ યક્ષગંધર્વકિન્નરાઃ ॥ ર્મ્_25.9{9} ॥
ગ્રહા વિદ્યાધરાઃ સિદ્ધા રાક્ષસા ગરુડા અપિ ।
લોકપાલગણાશ્ ચાપિ તીર્થિકાશ્ ચ મહર્ષયઃ ॥ ર્મ્_25.10{10} ॥
બ્રાહ્મણાઃ ક્ષત્રિયા ભૂપા વૈશ્યાશ્ ચ માંત્રિણો ઽપિ ચ ।
અમાત્યાઃ શ્રેષ્ઠિનશ્ ચાપિ ગૃહસ્થાશ્ ચ મહાજનાઃ ॥ ર્મ્_25.11{11} ॥
વણિજઃ સાર્થવાહાશ્ ચ શિલ્પિનઃ પૌરિકાસ્ તથા ।
ગ્રામ્યા જાનપદાશ્ ચાપિ તથા કાર્પટિકા અપિ ॥ ર્મ્_25.12{12} ॥
તથાન્યે ઽપિ જનાશ્ ચૈવં સર્વે તત્ર સમાગતાઃ ।
દૃષ્ટ્વા તં શ્રીઘનં નત્વા સમભ્યર્ચ્ય યથાક્રમં ॥ ર્મ્_25.13{13} ॥
કૃતાંજલિપુટાઃ સર્વે પરિવૃત્યોપતસ્થિરે ।
તતઃ સ ભગવાં દૃષ્ટ્વા સર્વાંસ્ તાં સમુપસ્થિતાન્ ।
આદિમધ્યાંતકલ્યાણં સદ્ધર્મં સમુપાદિશત્ ॥ ર્મ્_25.14{14} ॥
તત્ સદ્ધર્મામૃતં પીત્વા સર્વે લોકાઃ પ્રબોધિતાઃ ।
ધર્મવૈશેષમ્ આજ્ઞાય બભૂવુર્ બોધિસાધિનઃ ॥ ર્મ્_25.15{15} ॥
એવં સ ભગવાંસ્ તત્ર નિત્યં સદ્ધર્મમ્ આદિશન્ ।
વર્ષાસુ વ્યહરલ્ લોકહિતં કૃત્વા સસાંઘિકઃ ॥ ર્મ્_25.16{16} ॥
તસ્મિંસ્ તુ સમયે તત્ર શ્રાવસ્ત્યાં પુરિ સત્તમઃ ।
અનાથપિંડદઃ શ્રેષ્ઠી ગૃહપતિર્ મહાજનઃ ॥ ર્મ્_25.17{17} ॥
ત્રિરત્નભક્તિમાન્ દાતા સંબુદ્ધદર્શનોત્સુકઃ ।
પ્રસેનજિન્ મહીપાલં પ્રણત્વા પ્રાર્થયત્ તથા ॥ ર્મ્_25.18{18} ॥
જય દેવ મહારજ જાનીયાત્ તદ્ ભવાન્ અપિ ।
યદ્ અસ્માભિ મુનીન્દ્રો ઽસૌ સુચિરં નાભિદૃશ્યતે ॥ ર્મ્_25.19{19} ॥
તત્ તસ્માત્ર મુનીન્દ્રસ્ય દર્શને તૃષિતા વયં ।
ભગવંતં મુનીન્દ્રં તં દ્રષ્ટુમ્ ઇછામહે ઽધુના ॥ ર્મ્_25.20{20} ॥
તદ્ ભવાન્ સમુપામંત્ર્ય ભગવંતં જગદ્ગુરું ।
અત્ર લોકહિતાર્થાય વિજયિતું સમર્હતિ ॥ ર્મ્_25.21{21} ॥
ઇતિ સંપ્રાર્થિતં તેન ગૃહાધિપતિના સદા ।
શ્રુત્વા સ ભૂપતી રાજા તં ગૃહપતિમ્ અબ્રવીત્ ॥ ર્મ્_25.22{22} ॥
કિં ત્વયા શ્રૂયતે સાધો ભગવાન્ સ મુનીશ્વરઃ ।
એતર્હિ તિષ્ઠતે કુત્ર વર્ષાસુ સહ સાંઘિકૈઃ ॥ ર્મ્_25.23{22!} ॥
ઇતિ રાજ્ઞોદિતં શ્રુત્વા સો ઽનાથપિણ્ડદો ગૃહી ।
તં નરેંદ્રં સમાલોક્ય પુનર્ એવમ્ અભાષત ॥ ર્મ્_25.24{23} ॥
શ્રુતં મયા મહારાજ ભગવાન્ સ સસાંઘિકં ।
રાજગૃહે ઽધુના પ્રાવૃત્સમયે ઽપ્ય્ અવતિષ્ઠતે ॥ ર્મ્_25.25{24} ॥
ઇતિ તેન સમાખ્યાતં શ્રુત્વા સ નૃપતિસ્ તતઃ ।
દૂતમ્ એકં સમાહૂય પુર એવમ્ ઉપાલપત્ ॥ ર્મ્_25.26{25} ॥
એહિ ત્વં ભો મહાસાધો શ્રુત્વા મે વચનં દ્રુતં ।
તત્ર રાજગૃહે ગત્વા ભગવત ઉપાચર ॥ ર્મ્_25.27{26} ॥
અસ્માકં વચનૈસ્ તસ્ય શાસ્તુઃ પાદામ્બુજે નમઃ ।

નત્વા દેહાદિ સર્વત્ર કૌશલ્યં પરિપૃછ ચ ॥ ર્મ્_25.28{27} ॥
એવં ચાપિ મુનેસ્ તસ્ય પુરો વિજ્ઞાપયાદરાત્ ।
કૌશલ્યે નૃપતી રાજા ભગવંતં દ્રષ્ટુમ્ ઇછતિ ॥ ર્મ્_25.29{28} ॥
તથા સર્વે ઽપિ લોકાશ્ ચ શ્રાવસ્ત્યાયાશ્ ચ પૌરિકાઃ ।
ત્રિરત્નદર્શનં કર્તુમ્ અભિવાંછન્તિ સાંપ્રતં ॥ ર્મ્_25.30{29} ॥
ભવદ્ધર્મામૃતં ચાપિ પાતુમ્ ઇછંતિ સર્વવિત્ ।
તત્ સસંઘો ભવાંસ્ તત્ર કૃપયાગંતુમ્ અર્હતિ ॥ ર્મ્_25.31{30} ॥
ઇતિ રજ્ઞોદિતં શ્રુત્વા તથેતિ પ્રતિમોદિતઃ ।
તં નૃપં સાંજલિર્ નત્વા દ્રુતં રાજગૃહં યયૌ ॥ ર્મ્_25.32{31} ॥
તત્ર રાજગૃહે ગત્વા સ દૂતઃ પ્રતિનંદિતઃ ।
વિલોક્ય સુપ્રસન્નાત્મા ગૃધ્રકૂટે ઉપાચરત્ ॥ ર્મ્_25.33{32} ॥
તત્ર સ દૂરતો દૃષ્ટ્વા ભગવંતં પ્રમોદિતઃ ।
ઉપેત્ય સાંજલિર્ નત્વા પ્રાર્થયદ્ એવમ્ આદરાત્ ॥ ર્મ્_25.34{33} ॥
ભગવન્ નાથ સર્વજ્ઞ વંદે તે ચરણામ્બુજે ।
યદર્થે ઽહમ્ ઇહાયામિ તજ્ જાનીયાદ્ ભવાં જિનઃ ॥ ર્મ્_25.35{34} ॥
તથાપ્ય્ અહં જગચ્છાસ્તુઃ પુરો વિજ્ઞાપયામિ તત્ ।
ભગવ સર્વવિદ્ રાજા પ્રસેનજિત્ સુકૌશલઃ ॥ ર્મ્_25.36{35} ॥
ભવતાં વંદતે પાદૌ કુશલં ચાપિ પૃછતે ।
તથા ચ ભગવન્ સર્વે શ્રાવસ્ત્યેયાશ્ ચ પૌરિકાઃ ॥ ર્મ્_25.37{36} ॥
વંદંતે ભવતાં પાદૌ પૃછંતે ચાપિ કૌશલં ।
નૃપાદિ સર્વલોકાશ્ ચ ભવતાં દર્શનોત્સુકાઃ ॥ ર્મ્_25.38{37} ॥
ત્રિરત્નં દ્રષ્ટુમ્ ઇછામ ઇત્ય્ એવં પ્રવદન્તિ તે ।
ભવદ્ધર્મામૃતં ચાપિ પાતુમ્ ઇછંતિ તે ઽધુના ॥ ર્મ્_25.39{38} ॥
નૃપતિપ્રમુખાઃ સર્વે તૃષ્ણાર્દિતા ઇવામૃતં ।
તત્ સાધુ ભગવાંસ્ તત્ર શ્રાવસ્ત્યાં પુરિ સાંપ્રતં ।
અનુકમ્પામ્ ઉપાદાય વિજયતાં સસાંઘિકઃ ॥ ર્મ્_25.40{39} ॥
ઇત્ય્ ઉક્તે તેન દૂતેન ભગવાન્ સ મુનીશ્વરઃ ।
તં દૂતં પુરુષં દૃષ્ટ્વા સમામંત્ર્યેવમ્ આદિશત્ ॥ ર્મ્_25.41{40} ॥
ભો પુરુષ મહારાજો બિમ્બિસારો નૃપાધિપઃ ।
યદ્ય્ અનુજ્ઞાં દદાત્ય્ અત્ર તદા યાસ્યામ્ય્ અહં ધ્રુવં ॥ ર્મ્_25.42{41} ॥
તત્ સાધુ નૃપતેસ્ તસ્ય બિમ્બિસારસ્ય ભૂભૃતઃ ।
અનુજ્ઞાપ્રાર્થનાં કૃત્વા ગછાયાસ્યામ્ય્ અહં તદા ॥ ર્મ્_25.43{42} ॥
ઇત્ય્ આદિષ્ટં મુનીન્દ્રેણ શ્રુત્વા સ દૂત આદરાત્ ।
તથેતિ તં મુનિં નત્વા રાજ્ઞો ઽન્તિકમ્ ઉપાચરત્ ॥ ર્મ્_25.44{43} ॥
તત્ર સ સમુપાશ્રિત્ય બિમ્બિસારં નરાધિપં ।
સાંજલિઃ પુરતો ગત્વા પ્રણત્વૈવં ન્યવેદયત્ ॥ ર્મ્_25.45{44} ॥
જય દેવ મહારાજ પ્રસીદાનુગ્રહં કુરુ ।
પ્રસેનજિન્મહીભર્તુર્ દૂતો ઽહં સમુપાગતઃ ॥ ર્મ્_25.46{45} ॥
મહારાજ મહીપાલ પ્રસેનજિત્ સ કૌશલઃ ।
ભગવતો મુનીન્દ્રસ્ય દર્શનમ્ અભિવાંછતિ ॥ ર્મ્_25.47{46} ॥

તથા સર્વે ઽપિ લોકાશ્ ચ શ્રાવસ્ત્ર્યેયાઃ સપૌરિકાઃ ।
ત્રિરત્નસ્ય જગદ્ભર્તુઃ પ્રષ્ટુમ્ ઇછન્તિ સાંપ્રતં ॥ ર્મ્_25.48{47} ॥
તદ્ અસ્ય ત્રિજગચ્છાસ્તુર્ ભગવતો ભવાન્ પ્રભો ।
તત્રાનુગમને ઽનુજ્ઞાં કૃપયા દાતુમ્ અર્હતિ ॥ ર્મ્_25.49{48} ॥
ઇતિ તેનાર્થિતં શ્રુત્વા બિમ્બિસારઃ સ ભૂપતિઃ ।
તં દૂતં સમુપાલોક્ય ચિરેણૈવમ્ અભાષત ॥ ર્મ્_25.50{49} ॥
સધો સ ભગવાન્સ્ તત્ર યદિ ગંતું સમિછતિ ।
તદ્ અત્ર કિં વદિષ્યામિ યત્રેછેત્ તત્ર ગછતુ ॥ ર્મ્_25.51{50} ॥
ઇતિ રાજ્ઞા સમાદિષ્ટં શ્રુત્વા દૂતઃ સ મોદિતઃ ।
બિમ્બિસારં નરેંદ્રં તં નત્વા યયૌ જિનાન્તિકે ॥ ર્મ્_25.52{51} ॥
તત્ર સ સહસા ગત્વા શ્રીઘનં તં મુનીશ્વરં ।
કૃતાંજલિપુટો નત્વા પ્રાર્થયદ્ એવમ્ આદરાત્ ॥ ર્મ્_25.53{52} ॥
ભગવંસ્ તેન ભૂપેન હ્ય્ અનુજ્ઞાતો ઽસિ સાંપ્રતં ।
તત્ સસંઘો ભગવાંસ્ તત્ર વિજયિતું સમર્હતિ ॥ ર્મ્_25.54{53} ॥
ઇતિ તેનોદિતં શ્રુત્વા ભગવાન્ સ મુનીશ્વરઃ ।
એનં દૂતં સમાલોક્ય તૂષ્ણીભૂત્વાધ્યુવાસ તત્ ॥ ર્મ્_25.55{54} ॥
તતઃ સ ભગવાન્ વર્ષાત્રિમાસાન્ત સસાંઘિકઃ ।
સર્વત્ર મંગલં કૃત્વા પ્રતસ્થે સંપ્રભાસયન્ ॥ ર્મ્_25.56{55} ॥
તદા સ પુરુષો દૂતસ્ તદ્વિહારાદ્ વિનિર્ગતઃ ।
સહસા રથમ્ આરુહ્ય સંપ્રતસ્થે પુરઃ પથિ ॥ ર્મ્_25.57{56} ॥
તત્ર સ ભગવંતં પદ્ભ્યાં સંપ્રસ્થિતં પથિ ।
દૃષ્ટ્વૈવ સહસા તસ્માદ્ રથાત્ સ્વયમ્ અવાતરત્ ॥ ર્મ્_25.58{57} ॥
તત્ર સ સહસોપેત્ય ભગવન્તં મુનીશ્વરં ।
સાંજલિઃ પુરતો ગત્વા પ્રણત્વૈવમ્ અવોચત ॥ ર્મ્_25.59{58} ॥
પ્રસીદતુ જગન્નાથ મમાનુકમ્પયા ભવાન્ ।
ઇદં રથં સમારુહ્ય વિજયતાં સસાંઘિકઃ ॥ ર્મ્_25.60{59} ॥
ઇતિ તેનોદિતં શ્રુત્વા ભગવાન્ સ જગદ્ગુરુઃ ।
તં દૂતં પુરુષં દૃષ્ટ્વા તત્રૈવં સમુપાદિશત્ ॥ ર્મ્_25.61{60} ॥
ઋદ્ધિપાદરથેનાહં સમ્યગ્વ્યાયામવર્ત્તિના ।
પ્રચરામિ મહીં કૃત્સ્નામ્ અક્ષતઃ ક્લેશકષ્ટકૈઃ ॥ ર્મ્_25.62{61} ॥
ઇત્ય્ આદિષ્ટં મુનીન્દ્રેણ સ દૂતઃ પ્રતિબોધિતઃ ।
ભૂયો ઽપિ સાંજલિર્ નત્વા પ્રાર્થયત્ તં મુનીશ્વરં ॥ ર્મ્_25.63{62} ॥
યદ્ય્ અપિ ભગવાન્ ઋદ્ધિયાનયાયી તથાપિ તુ ।
મમાનુગ્રહમ્ આધાતું ગૃહ્યતામ્ અનુકમ્પયા ॥ ર્મ્_25.64{63} ॥
ઇતિ તેનાર્થિતં શ્રુત્વા ભગવાન્ સસાંઘિકઃ ।
ઋદ્ધ્યા રથોપરિ સ્થિત્વા સંપ્રતસ્થે પ્રભાસયન્ ॥ ર્મ્_25.65{64} ॥
તત્ર માર્ગેષુ સર્વત્ર ભગવાન્ સસાંઘિકઃ ।
ભાસયન્ મંગલં કૃત્વા શ્રાવસ્તીપુરમ્ આયયૌ ॥ ર્મ્_25.66{65} ॥
તત્ર સ પુરુષો દૂતઃ સહસા પ્રચરન્ પુરઃ ।
પ્રસેનજિન્નરેન્દ્રસ્ય ગત્વૈવં સંન્યવેદયત્ ॥ ર્મ્_25.67{66} ॥

જય દેવ મહારાજ દિષ્ટ્યા વર્દ્ધસ્વ સાંપ્રતં ।
યદ્ અસૌ ભગવાંચ્ છાસ્તા સસંઘો ઽત્ર સમાગતઃ ॥ ર્મ્_25.68{67} ॥
ઇતિ તેનોદિતં શ્રુત્વા પ્રસેનજિત્ સ ભૂપતિઃ ।
તત્ર સર્વત્ર માર્ગેષુ શોધયિત્વાભ્યશોધયત્ ॥ ર્મ્_25.69{68} ॥
છત્રધ્વજવિતાનૈશ્ ચ સમંતતો ઽભ્યમંડયત્ ।
તતઃ સ નૃપતિ રાજા તૂર્યસંગીતિવાદનૈઃ ।
સજનો ભગવન્તં તં પ્રત્યુદ્યયૌ મહોત્સવૈઃ ॥ ર્મ્_25.70{69} ॥
તત્ર સમુદિતો રાજા સમંત્રિજનપૌરિકઃ ।
દૂરાત્ તં શ્રીઘનં દૃષ્ટ્વા પદ્ભ્યાં ચરન્ન્ ઉપાચરત્ ॥ ર્મ્_25.71{70} ॥
તત્રોપેત્ય સ ભૂપાલઃ સસંઘન્ તં મુનીશ્વરં ।
પ્રણત્વા સાંજલિઃ સ્થિત્વા પુરો દૃષ્ટ્વૈવમ્ અબ્રવીત્ ॥ ર્મ્_25.72{71} ॥
ભગવન્ નાથ સાર્વજ્ઞ કચ્ચિચ્ ચ કુશલં તનૌ ।
ભવતાં વિષયે હ્ય્ અત્ર વિહરસ્વ સસાંઘિકઃ ॥ ર્મ્_25.73{72} ॥
તથા સર્વે ઽપિ લોકાશ્ ચ સમંત્રિજનપૌરિકાઃ ।
સાંજલયઃ પ્રણત્વૈવં પ્રાર્થયંસ્ તં મુનીશ્વરં ॥ ર્મ્_25.74{73} ॥
સ્વાગતં ભગવંચ્ છાસ્ત વિજયસ્વ કૃપાનિધે ।
સદાત્ર સ્વાશ્રમે સ્થિત્વા વિહરસ્વાનુકમ્પયા ॥ ર્મ્_25.75{74} ॥
ઇત્ય્ ઉક્ત્વા સર્વલોકાસ્ તે નૃપતિપ્રમુખા મુદા ।
પૂજાદિ મંગલોત્સાહૈઃ પ્રાવેશયંસ્ તતઃ પુરે ॥ ર્મ્_25.76{75} ॥
તતઃ સ ભગવાન્ દૃષ્ટ્વા સર્વાંસ્ તાન્ સંપ્રમોદિતાન્ ।
નૃપતિપ્રમુખાન્ દત્વા ભદ્રાશિષં સમાચરત્ ॥ ર્મ્_25.77{76} ॥
તત્ર સ ભગવાંસ્ તસ્યાઃ શ્રાવસ્ત્યા ગોપુરાન્તિકે ।
અવતીર્ય યથા પદ્ભ્યાં પ્રચક્રામ સસાંઘિકઃ ॥ ર્મ્_25.78{77} ॥
તત્ર સ શ્રીઘનો નાથઃ પ્રભાસયન્ સમંતતઃ ।
સર્વેષાં ભદ્રતાં કુર્વન્ પ્રવિવેશ સસાંઘિકઃ ॥ ર્મ્_25.79{78} ॥
પ્રવિષ્ટે નગરે તત્ર સંબુદ્ધે સુગતે જિને ।
તત્પુણ્યસુપ્રભાવ્યાપ્તે સર્વત્રાપ્ય્ અભવચ્ છુભં ॥ ર્મ્_25.80{79} ॥
અંધા રૂપાણિ પ્રાદ્રાક્ષુર્ વધિરાઃ શુશ્રુવુ રવં ।
યે ચ હીનેંદ્રિયાસ્ તે ઽપિ સર્વે પૂર્ણેન્દ્રિયા વભુઃ ॥ ર્મ્_25.81{80} ॥
ક્ષુધાગ્નિપરિતપ્તાંગાસ્ તે ઽભવન્ પરિતૃપ્તિતાઃ ।
પિપાસાપરિદગ્ધાંગાસ્ તે ઽપ્ય્ આસન્ સંપ્રતર્પિતાઃ ॥ ર્મ્_25.82{81} ॥
કુચેલા દુર્ભગાંશા યે શુદ્ધાંશુકાઃ શુભાંશિકાઃ ।
ચિરરોગાતુરા યેન નીરોગા વલિનો ઽભવન્ ॥ ર્મ્_25.83{82} ॥
ઉન્મત્તાઃ સ્મૃતિમંતશ્ ચ દરિદ્રા ધનિનો ઽભવન્ ।
ચિરવૈરાનુવદ્ધા યે તે ઽપ્ય્ આસન્ મૈત્રભાવિનઃ ॥ ર્મ્_25.84{83} ॥
ચંડાલાશ્ ચ દયાવન્તઃ ક્રોધિનઃ ક્ષાન્તિભાવિનઃ ।
લબ્ધાશ્ ચ નિઃસ્પૃહા આસન્ ઈર્ષ્યાલવશ્ ચ સાધવઃ ॥ ર્મ્_25.85{84} ॥
મત્સરિણશ્ ચ દાતારઃ કૃપણાઃ સંતોષિતાશયાઃ ।
અધર્મકામસંરક્તાસ્ તે ધર્મકામસાધિનઃ ॥ ર્મ્_25.86{85} ॥
મૃષાવાદરતા યે ચ તે ઽપ્ય્ આસન્ સત્યભાષિણઃ ।

પૈશુન્યાભિરતા યે ચ તે ઽપિ વિશ્રમ્ભભોજનાઃ ॥ ર્મ્_25.87{86} ॥
સંભિન્નલાપિનો દુષ્ટાસ્ તે ઽપિ સંતઃ સમાર્જવાઃ ।
પારુષ્યંવાદિનઃ ક્રૂરાસ્ તે આસન્ પ્રિયવાદિનઃ ॥ ર્મ્_25.88{87} ॥
યે ઽભિધ્યાલવસ્ તે ઽપિ સજ્જના કીર્તિમાનિનઃ ।
વ્યાપાદનિરતા યે ચ તે ઽપિ સત્વહિતાર્થિનઃ ॥ ર્મ્_25.89{88} ॥
મિથ્યાદૃષ્ટિચરા યે ચ તે ધર્મસત્યદૃષ્ટયઃ ।
બોધિચર્યાસમુત્સાહાઃ સર્વે પુણ્યાર્થિનો ઽભવન્ ॥ ર્મ્_25.90{89} ॥
એવમ્ અન્યે ઽપિ યે સત્વા દુઃખિનઃ પાપસંરતાઃ ।
સર્વે તે સુખિનઃ સંતઃ સદ્ધર્મવાંછિનો ઽભવન્ ॥ ર્મ્_25.91{90} ॥
સુગંધિનઃ સુખસ્પર્શાઃ શીતલા વાયવો વવુઃ ।
પ્રસેદિરે દિશઃ સર્વાઃ પુષ્પાણિ વવૃષુર્ ઘનાઃ ॥ ર્મ્_25.92{91} ॥
સુરદુંદુભયો નેદુઃ પ્રસસાર મહોદધિઃ ।
પ્રચચાર મહી ષડ્ધા પ્રજુજ્વલુઃ શુભાગ્નયઃ ॥ ર્મ્_25.93{92} ॥
બભૂવુઃ પાદપાઃ સર્વે ફલપુષ્પાભરાનત્તાઃ ।
અષ્ટાંગગુણયુક્તામ્બુપરિપૂર્ણજલાશ્રયાઃ ॥ ર્મ્_25.94{93} ॥
અનેકધાતુરત્નાદિ નિધયઃ પ્રચકાસિરે ।
નિસ્પન્નશસ્યસંપન્ના બહ્હૂવ વસુધા તદા ॥ ર્મ્_25.95{94} ॥
બહુક્ષીરપ્રદા ગાવ ઔષધયો ગુણાન્વિતાઃ ।
રસાશ્ ચ સુગુણા આસન્ ફલાનિ સુરસાનિ ચ ॥ ર્મ્_25.96{95} ॥
એવં તત્ર સુભદ્રાણિ સર્વત્રાપ્ય્ અભવંસ્ તદા ।
ઉપદ્રવાશ્ ચ સર્વે ઽપિ સર્વત્ર વિલયં ગતાઃ ॥ ર્મ્_25.97{96} ॥
સર્વે વિઘ્નગણા દુષ્ટા તે ઽપ્ય્ અત્ર વિલયં યયુઃ ।
સર્વે સત્વાઃ સુખાઢ્યાશ્ ચ પ્રચેરિરે પ્રહર્ષિતાઃ ॥ ર્મ્_25.98{97} ॥
એવં તદા મુનીન્દ્રસ્ય પ્રભાવેન સમંતતઃ ।
સદ્ધર્મમંગલોત્સાહં બભૂવ નિરુપદ્રવં ॥ ર્મ્_25.99{98} ॥
એવં સ ભગવાંસ્ તત્ર કૃત્વા ભદ્રં પ્રભાસયન્ ।
પ્રદક્ષિણક્રમેણૈવં પ્રચક્રામ નૃપાલયે ॥ ર્મ્_25.100{99} ॥
તત્ર શોધાન્તરે રમ્યે પ્રાસાદે પરિશોધિતે ।
છત્રધ્વજવિતાનૈશ્ ચ મણ્ડિતે વિસૃતાસને ॥ ર્મ્_25.101{100} ॥
પ્રવિશ્ય પાદ્યમ્ આદાય નૃપદત્તં સસાંઘિકઃ ।
ભગવાન્ ભાસયંસ્ તત્ર શુદ્ધાસને સમાશ્રયન્ ॥ ર્મ્_25.102{1} ॥
તથા તે સાંઘિકાશ્ ચાપિ સર્વે દત્તં મહીભુજા ।
સ્વયં સમાદાય સ્વસ્વાસને સમાશ્રયત્ ॥ ર્મ્_25.103{2} ॥
એવં તત્ર સમાસીનં શ્રીઘનં તં સસાંઘિકં ।
નૃપતિપ્રમુખાઃ સર્વે લોકા દૃષ્ટ્વા પ્રમોદિતાઃ ॥ ર્મ્_25.104{3} ॥
સર્વપૂજોપહારાંગૈઃ સમભ્યર્ચ્ય યથાવિધિઃ ।
યથાર્હભોજનૈશ્ ચાપિ પ્રણીતૈઃ સમતોષયન્ ॥ ર્મ્_25.105{4} ॥
તતસ્ તં સુગતં તૃપ્તં સસમહં સ નરાધિપઃ ।
દૃષ્ટ્વાપનીય પાત્રાણિ તદ્ ધસ્તાદીન્ અશોધયત્ ॥ ર્મ્_25.106{5} ॥
તતઃ ક્રમુકતામ્બૂલમહૌષદ્ધિરસાયનં ।

દત્વા ક્ષમાર્થનાં કૃત્વા નનામ તં સસાંઘિકં ॥ ર્મ્_25.107{6} ॥
તત્ર સમુદિતો રાજા તસ્ય શાસ્તુર્ જગદ્ગુરોઃ ।
પુરો નીચાસનાસીનો તસ્થૌ શ્રોતું વૃષં મુદા ॥ ર્મ્_25.108{7} ॥
તથા મંત્રિજનાદ્યાશ્ ચ સર્વે લોકાઃ પ્રમોદિતાઃ ।
નત્વા તં શ્રીઘનં તત્ર ધર્મમ્ શ્રોતુમ્ ઉપાશ્રયન્ ॥ ર્મ્_25.109{8} ॥
તતઃ સ ભગવાં દૃષ્ટ્વા સર્વાંસ્ તાન્ સમુપાશ્રિતાન્ ।
નૃપતિં તં સમામંત્ર્ય સદ્ધર્મં સમુપાદિશત્ ॥ ર્મ્_25.110{9} ॥
શૃણુ રાજન્ મહાભાગ સર્વદારોગ્યમ્ અસ્તુ વઃ ।
સર્વે સત્વાશ્ ચ સદ્ધર્મનિરતા સન્તુ સર્વદા ॥ ર્મ્_25.111{10} ॥
એવં ત્વં ભો મહારાજ સાધયિત્વા પ્રયત્નતઃ ।
સર્વાં સત્વાં શુભે ધર્મે યોજયિત્વાભિપાલય ॥ ર્મ્_25.112{11} ॥
એવં લોકે શુભં કૃત્વા બોધિચર્યાં સમાહિતઃ ।
ત્રિરત્નભજનં કૃત્વા ચિનુ ધર્મં સમાદરાત્ ॥ ર્મ્_25.113{12} ॥
અનિત્યં ખલુ સંસારં ક્ષણધ્વંસિ શરીરકં ।
જીવિતં ચ ક્ષણસ્થાયિ ધર્મ એવ સહાનુગઃ ॥ ર્મ્_25.114{13} ॥
ઇતિ મત્વા મહારાજ ક્લેશાન્ દુર્જયાન્ વલૈઃ ।
જિત્વા સત્વાંચ્ છુભે સ્થાપ્ય પાલય સદ્વૃષં ચિનુઃ ॥ ર્મ્_25.115{14} ॥
ધર્મેણ સદ્ગતિં યાયાઃ સદ્ગતૌ સર્વદા સુખં ।
ભુક્ત્વા બોધિચરિં ધૃત્વા ચરં બોધિમ્ અવાપ્નુયાઃ ॥ ર્મ્_25.116{15} ॥
એવં વિજ્ઞાય રાજેંદ્ર સ્વયં ધર્મે સમાહિતઃ ।
સર્વસત્વહિતં કૃત્વા ચર નિત્યં સમાહિતઃ ॥ ર્મ્_25.117{16} ॥
ઇત્ય્ આદિશ્ય નરેંદ્રાય સલોકાય શુભાશિષં ।
સસંઘો ભગવાન્ બુદ્ધઃ સ્વાશ્રમે ગંતુમ્ ઉત્થિતઃ ॥ ર્મ્_25.118{17} ॥
ભાસયં સકલાંલ્ લોકાં ભદ્રં કૃત્વા સમંતતઃ ।
સ્વાશ્રમાભિમુખસ્ તસ્માત્ પ્રતસ્થે ક્રમતઃ પુરાત્ ॥ ર્મ્_25.119{18} ॥
તત્ર સર્વે ઽપિ લોકા નૃપતિપ્રમુખા અપિ ।
શાસ્તુસ્ તસ્ય સસંઘસ્ય પ્રાનુયયુઃ સહોત્સવૈઃ ॥ ર્મ્_25.120{19} ॥
તથા સ ભગવાન્ ગત્વા સસાંઘિકો નૃપાદિભિઃ ।
લોકૈઃ સહ મહોત્સાહૈઃ સ્વાશ્રમં સમુપાયયૌ ॥ ર્મ્_25.121{20} ॥
તત્ર જેતવનોદ્યાને વિહારે સમુપાશ્રિતઃ ।
સસાંઘિકઃ સભાસીનઃ સ શાસ્તા ધર્મમ્ આદિશત્ ॥ ર્મ્_25.122{21} ॥
તદ્ ધર્મદેશનાં શ્રુત્વા તત્રૈવ તે નૃપાદયઃ ।
સર્વે લોકાઃ પ્રમોદન્તો રાત્રૌ ન્યૂષુઃ સહોત્સવૈઃ ॥ ર્મ્_25.123{22} ॥
તસ્યામ્ એવ નિશાયાં સ દૂતો ઽલ્પાયૂર્ જ્વરાન્વિતઃ ।
ત્રિરત્નસ્મરણં કુર્વન્ દેહં ત્યક્ત્વા દિવં યયૌ ॥ ર્મ્_25.124{23} ॥
તત્ર સ્વર્ગે સમુત્પન્નઃ સ દૂતો વિસ્મયાન્વિતઃ ।
કુતશ્ ચ્યુતઃ કુહોત્પન્નઃ કથમ્ ઇતિ વ્યચિંતયત્ ॥ ર્મ્_25.125{24} ॥
તદા સ મનસાદ્રાક્ષીન્ મનુષ્યેભ્યશ્ ચ્યુતાસ્મ્ય્ અહં ।
ઇહ સ્વર્ગે સમુત્પન્નઃ સંબુદ્ધભજનાદ્ ઇતિ ॥ ર્મ્_25.126{25} ॥
અથ સ દૂતપૂર્વી સ દેવપુત્રઃ પ્રસાદિતઃ ।

સંબુદ્ધસ્ય ગુણાન્ સ્મૃત્વા પુનર્ એવં વ્યચિંતયત્ ॥ ર્મ્_25.127{26} ॥
અહો હ્ય્ અહં મુનીન્દ્રસ્ય પ્રસાદાદ્ દિવિ સાંપ્રતં ।
જાતો ઽસ્મિ તન્ મુનીન્દ્રસ્ય કુર્યાં સંદર્શનં પુનઃ ॥ ર્મ્_25.128{27} ॥
ઇતિ હિ દૂતપુર્વી સ દેવપુત્રો વિચિંતયન્ ।
સ્નાત્વા સુગંધિલિપ્તાંગં શુદ્ધામ્વરાવૃતઃ સુધીઃ ॥ ર્મ્_25.129{28} ॥
મૌલિકુણ્ડલમાલાદિ દિવ્યાલંકારભૂષિતઃ ।
દિવ્યપૂજોપચારાં ધૃત્વા દેવં સહાચરત્ ॥ ર્મ્_25.130{29} ॥
તસ્યામ્ એવ નિશાયાં સ દેવપુત્રઃ સુરૈઃ સહ ।
અવભાસ્ય પ્રભાસ્ તસ્મિજ્ જેતારણ્યે ઉપાચરત્ ॥ ર્મ્_25.131{30} ॥
તત્રોદ્યાને વિહારે તં ભગવંતં મુનીશ્વરં ।
આલોક્ય સાંજલિર્ નત્વા પુરતઃ સમુપાચરત્ ॥ ર્મ્_25.132{31} ॥
તતસ્ તં શ્રીઘનં નાથં સમભ્યર્ચ્ય યથાવિધિઃ ।
નત્વા પ્રદક્ષિણીકૃત્ય સાંજલિઃ સમુપાશ્રયત્ ॥ ર્મ્_25.133{32} ॥
અથ સ ભગવાંસ્ તસ્ય દૃષ્ટ્વા ચિત્તં વિશોધિતં ।
આર્ય્યસત્યં સમારભ્ય સદ્ધર્મં સમુપાદિશત્ ॥ ર્મ્_25.134{33} ॥
તદ્ આર્ય્યધર્મમ્ આકર્ણ્ય દેવપુત્રઃ સ બોધિતઃ ।
ધર્મવિશેષમ્ આજ્ઞાય દૃષ્ટસત્યો ઽભવંસ્ તતઃ ॥ ર્મ્_25.135{34} ॥
સત્કાયદૃષ્ટિભૂમીન્ધ્રં વિંશતિશિખરોદ્ગતં ।
પ્રભિત્વા જ્ઞાનવજ્રેણ સદ્ધર્મં સાધનોત્સુકઃ ॥ ર્મ્_25.136{35} ॥
પરિશુદ્ધાશયઃ શ્રોતઆપત્તિફલમ્ આપ્તવાન્ ।
શાસ્તુસ્ તસ્ય પદૌ નત્વા સાંજલિર્ એવમ્ અબ્રવીત્ ॥ ર્મ્_25.137{36} ॥
ભગવન્ન્ ઇદમ્ અસ્માકં ગુરુભિર્ ન કૃતં ખલુ ।
ન માત્રા નાપિ પિત્રા વા ન જ્ઞાતિમિત્રવાંધવૈઃ ॥ ર્મ્_25.138{37} ॥
ન ચેષ્ટૈર્ બ્રાહ્મણૈર્ વાપિ ન ચાપિ પૂર્વપ્રેતકૈઃ ।
ન રાજ્ઞા શ્રમણૈશ્ ચાન્યૈર્ દેવૈર્ અપિ કૃતં ખલુ ॥ ર્મ્_25.139{38} ॥
યદ્ અસ્માકં કૃતં ભદ્રં ભવતાસ્થિશિરોચ્ચયાઃ ।
લંઘિતા રુધિરા ચાબ્ધિર્ ઉછોષિતાશ્ ચ સાંપ્રતં ॥ ર્મ્_25.140{39} ॥
પિહિતો પાપમાર્ગશ્ ચ સ્વર્ગમાર્ગશ્ ચ વૈવૃતઃ ।
દર્શિતો મોક્ષમાર્ગો ઽપિ તીર્ણો દુઃખાર્ણવાપિ ચ ॥ ર્મ્_25.141{40} ॥
પ્રસાદાદ્ ભવતામ્ અદ્ય પ્રાપ્તં શુદ્ધેંદ્રિયં મયા ।
શાન્તમ્ આર્યપદં કાંતં સંબોધિગુણસાધનં ॥ ર્મ્_25.142{41} ॥
અદ્ય મે સફલં જન્મ ભવતાં દર્શનાદ્ ઇહ ।
સદ્ધર્મશ્રવણાદ્ અદ્ય બુદ્ધપુત્રો ઽસ્મિ સાંપ્રતં ॥ ર્મ્_25.143{42} ॥
ઇત્ય્ ઉક્ત્વા દૂતપુર્વી સ દેવપુત્રઃ પ્રમોદિતઃ ।
તસ્ય શાસ્તુર્ જગદ્વંધોઃ પાદૌ નત્વા કૃતાંજલિઃ ॥ ર્મ્_25.144{43} ॥
ત્રિધા પ્રદક્ષિણીકૃત્ય સમભિનંદિતાશયઃ ।
તતો ઽનુજ્ઞાં સમાસાદ્ય સુરૈઃ સહ દિવં યયૌ ॥ ર્મ્_25.145{44} ॥
તત્ર સ્વર્ગે સ સમ્યાતઃ સુરમ્યે સ્વાલયે સ્થિતઃ ।
ત્રિરત્નભજનં કૃત્વારમં દેવૈઃ સહાવસત્ ॥ ર્મ્_25.146{45} ॥
તત્ર દૃષ્ટ્વાવભાસં તં પ્રસેનજિત્ સ કૌશલઃ ।

વિસ્મિતઃ પ્રાતર્ ઉત્થાય વિહારે સમુપાચરત્ ॥ ર્મ્_25.147{56!} ॥
તત્ર તં શ્રીઘનં દૃષ્ટ્વા નૃપતિઃ સ પ્રમોદિતઃ ।
નત્વા પ્રદક્ષિણીકૃત્ય સાંજલિઃ સમુપાશ્રિતઃ ॥ ર્મ્_25.148{57} ॥
તતઃ સ નૃપ ઉત્થાય સૂત્તરાસઙ્ગમ્ ઉદ્વહન્ ।
જાનુભ્યાં ભુવિ સંસ્થિત્વા પ્રાર્થયત્ તં મુનીશ્વરં ॥ ર્મ્_25.149{58} ॥
ભગવન્ન્ અત્ર નિશાયાં કો ભવતાં સમુપાગતઃ ।
તદ્ ભવતાં સમુપાદિશ્યા માં બોધયિતુમ્ અર્હતિ ॥ ર્મ્_25.150{59} ॥
ઇતિ સંપ્રાર્થિતે રાજ્ઞા ભગવાન્ સ મુનીશ્વરઃ ।
નૃપતિં તં મહીપાલં સમાલોક્યૈવમ્ આદિશત્ ॥ ર્મ્_25.151{60} ॥
અન્યો ન હિ સ રાજેંદ્ર યો ઽદ્ય રાત્રાવ્ ઇહાગાતઃ ।
અપિ તુ તાવકો દૂતો દેવભૂતઃ સ આગતઃ ॥ ર્મ્_25.152{61} ॥
ઇત્ય્ આદિષ્ટે મુનીન્દ્રેણ નૃપતિઃ સ સવિસ્મયઃ ।
ભગવંતં પુનર્ નત્વા તત્ કર્મ પર્યપૃછતઃ ॥ ર્મ્_25.153{62} ॥
ભવન્ કિં કદા તેન દૂતેન સુકૃતં કૃતં ।
યેનાસૌ દિવિ સંજાતો દૃષ્ટસત્યો ભવત્ય્ અપિ ॥ ર્મ્_25.154{63} ॥
તદ્ ભવાન્ ભગવંચ્ છાસ્ત યત્ તેન સુકૃતં કૃતં ।
તત્ સર્વં સમુપાખ્યાય બોધયિતુમ્ અનાશયં ॥ ર્મ્_25.155{64} ॥
ઇતિ સંપ્રાર્થિતે રાજ્ઞા ભગવાન્ સ જગદ્ગુરુઃ ।
કૌશલં તં મહારાજં સમાલોક્યૈવમ્ આદિશત્ ॥ ર્મ્_25.156{65} ॥
શૃણુ રાજન્ મહાભાગ તેન દેવેન યત્ કૃતં ।
તદ્ અત્ર સંપ્રવક્ષ્યામિ તવ ચિત્તપ્રબોધને ॥ ર્મ્_25.157{66} ॥
યત્ ત્વયા પ્રેષિતો દૂતો મયિ રાજગૃહે સ્થિતે ।
યેન સંપ્રાર્થિતં શ્રુત્વા તથા હ્ય્ અહં સમાગતઃ ॥ ર્મ્_25.158{67} ॥
સ સાધુસ્ તાવકો દૂતો મયા સાર્દ્ધમ્ ઇહાગતઃ ।
સદ્ધર્મદેશનાં શ્રુત્વા શ્રદ્ધાભક્તિસમન્વિતઃ ॥ ર્મ્_25.159{68} ॥
ત્રિરત્નભજનં કૃત્વા પ્રાચરચ્ છાસને મમ ।
આલ્પાયુષ્કો હ્ય્ અસૌ ભદ્રી વિહારે ઽત્ર નિવાસિતઃ ॥ ર્મ્_25.160{69} ॥
કાલધર્માભિસંયુક્તે ત્યક્ત્વા દેહં દિવં યયૌ ॥ ર્મ્_25.161{70} ॥
સ હ્ય્ અસૌ તાવકો દૂતો રાત્રાવ્ અદ્યેહ ભાસયન્ ।
મમ સંદર્શનં કર્તું દેવલોકૈઃ સહાગતઃ ॥ ર્મ્_25.162{71} ॥
મમ પૂજાં વિધાયાસૌ કૃત્વા ચાપિ પ્રદક્ષિણાં ।
નત્વા સાદરમ્ આશ્રિત્ય સદ્ધર્મં શ્રદ્ધયાશૃણોત્ ॥ ર્મ્_25.163{72} ॥
મત્સદ્ધર્મામૃતં પીત્વા દૃષ્ટસત્યઃ પ્રમોદિતઃ ।
નત્વા માં સ પુનઃ સ્વર્ગે દેવલોકૈઃ સહાચરત્ ॥ ર્મ્_25.164{73} ॥
તત્ર સ સ્વાલયે રમ્યે સ્થિત્વા દેવૈઃ સહારમન્ ।
ત્રિરત્નભજનં કુર્વન્ પ્રાચરં વસતે સુખં ॥ ર્મ્_25.165{74} ॥
એતત્પુણ્યવિપાકેન દૂતઃ સ તાવકઃ કૃતી ।
સ્વર્ગે સૌખ્યં ચિરં ભુક્ત્વા ક્રમાદ્ બોધિમ્ અવાપ્સ્યતિ ॥ ર્મ્_25.166{75} ॥
એવં વિજ્ઞાય રાજેંદ્ર સંસારે ઽત્ર મહત્સુખં ।
યદીછસિ સદા ભદ્રે ચરિતવ્યં ત્વયાદરાત્ ॥ ર્મ્_25.167{76} ॥

ભદ્રં તુ જાયતે શીઘ્રં ત્રિરત્નભજનોદ્યમાત્ ।
તત્ ત્રિરત્નમ્ ઉપાશ્રિત્ય ભજ નિત્યં સમાહિતઃ ॥ ર્મ્_25.168{77} ॥
ત્રિરત્ને યત્ કૃતં કર્મં તન્ નૈવ ક્ષિણુયા ક્વચિત્ ।
યાવદ્ બોધિપદં દદ્યા એવં મહત્તરં વૃષં ॥ ર્મ્_25.169{78} ॥
યે ત્રિરત્નં ભજન્ત્ય્ અત્ર ન તે ગછન્તિ દુર્ગતિં ।
સદૈવ સદ્ગતિં યાન્તિ બોધિં ચ સમવાપ્નુયુઃ ॥ ર્મ્_25.170{79} ॥
તિસ્રો હીમાઃ સમાખ્યાતા અગ્રાઃ પ્રજ્ઞપ્તયો નૃપ ।
યત્ર કિં ચિત્ કૃતં કર્મ તદ્વિપાકો મહાન્ સ્મૃતાઃ ॥ ર્મ્_25.171{80} ॥
તદ્યથા કતમાસ્ તિસ્રો અગ્રાઃ પ્રજ્ઞપ્તયઃ સ્મૃતાઃ ।
ત્રિરત્ને પ્રકૃતા યાસ્ તા અગ્રાઃ પ્રજ્ઞપ્તયઃ સ્મૃતાઃ ॥ ર્મ્_25.172{81} ॥
તદ્યથા સર્વસત્વાનાં ત્રૈધાતુકનિવાસિનાં ।
બુદ્ધ એવ મહાન્ અગ્રો જ્યેષ્ઠઃ શ્રેષ્ઠો વરોત્તમઃ ॥ ર્મ્_25.173{82} ॥
યે બુદ્ધશ્રદ્ધયા ભક્ત્યા પ્રભજંતિ પ્રસાદિતાઃ ।
સર્વે ઽત્યગ્રપ્રસન્નાસ્ તે જ્યેષ્ઠાઃ શ્રેષ્ઠા વરોત્તમાઃ ॥ ર્મ્_25.174{83} ॥
તદગ્રાભિપ્રસન્નાનાં વિપાકો ઽપ્ય્ અગ્ર ઉત્તમઃ ।
તથા ધર્માશ્ ચ યે સર્વે સંસ્કૃતા વાપ્ય્ અસંકૃતાઃ ॥ ર્મ્_25.175{84} ॥
તેષામ્ અપિ ચ સર્વેષાં બુદ્ધધર્માગ્ર ઉચ્યતે ।
તત્ર ધર્મે પ્રસન્ના યે તે ઽગ્રે હિ સંપ્રસન્નિતાઃ ।
તદ્ અગ્રાભિપ્રસન્નાનાં વિપાકો ઽપ્ય્ અગ્ર ઉચ્યતે ॥ ર્મ્_25.176{85} ॥
યે ચ સંઘા ગણાસ્ તેષાં બુદ્ધસંઘો ઽગ્ર ઉચ્યતે ।
તત્ર સંઘે પ્રસન્ના યે તે ઽગ્રે ઽભિસંપ્રસાદિનઃ ॥ ર્મ્_25.177{86} ॥
તેષામ્ અગ્રપ્રસન્નાનાં વિપાકો ઽપ્ય્ અગ્ર ઉચ્યતે ।
એતાઃ પ્રજ્ઞપ્તયસ્ તિસ્રો હ્ય્ અગ્રાઃ ખ્યાતો મુનીશ્વરૈઃ ॥ ર્મ્_25.178{87} ॥
તદ્ અત્ર શ્રદ્ધયા રાજ ત્રિરત્ને સંપ્રસન્નધીઃ ।
સત્કારૈઃ સમુપાશ્રિત્ય ભજ નિત્યં સમાદરાત્ ॥ ર્મ્_25.179{88} ॥
એતત્પુણ્યમ્ અસંખ્યેયમ્ અપ્રમેયં મહત્તરં ।
સર્વસત્વમહાસૌખ્યગુણસંપત્તિદાયકં ॥ ર્મ્_25.180{89} ॥
એવં મત્વા મહત્પુણ્યં સર્વાન્ સત્વાન્ પ્રબોધયત્ ।
ત્રિરત્નભજનોત્સાહૈશ્ ચારયસ્વ શુભે નૃપ ॥ ર્મ્_25.181{90} ॥
એવં તે સર્વદા ભદ્રં સર્વત્રાપિ ભવેદ્ ધ્રુવં ।
ક્રમાદ્ બોધિં સમાસાદ્ય સંબુદ્ધપદમ્ આપ્નુયાઃ ॥ ર્મ્_25.182{91} ॥
ઇત્ય્ આદિષ્ટં મુનીન્દ્રેણ શ્રુત્વા સ નૃપતિર્ મુદા ।
તથેતિ હિ પ્રતિજ્ઞાય પ્રાભ્યનંદત્ પ્રસાદિતઃ ॥ ર્મ્_25.183{92} ॥
તતઃ સ નૃપ ઉત્થાય નત્વા તં જગદીશ્વરં ।
મહાનંદમહોત્સાહૈઃ સ્વપુરં સજનો યયૌ ॥ ર્મ્_25.184{93} ॥
તત્ર સ નૃપતી રાજા પ્રાસાદતલમ્ આશ્રિતઃ ।
સ મંત્રિપૌરિકાન્ સર્વાન્ સમામંત્ર્યૈવમ્ આદિશત્ ॥ ર્મ્_25.185{94} ॥
મંત્રિણઃ પૌરિકાઃ સર્વે શૃણુધ્વં વચનં મમ ।
યદિ વાંછાસ્તિ વો ભદ્રે ત્રિરત્નં ભજતાદરત્ ॥ ર્મ્_25.186{95} ॥
યવદ્ અયં જગચ્છાસ્તા વિહરત્ય્ અત્ર સાંઘિકઃ ।

તાવદ્ અસ્ય મુનીન્દ્રસ્ય ભજત સર્વદોત્સવૈઃ ॥ ર્મ્_25.187{96} ॥
વિહારે સર્વદા ગત્વા શ્રદ્ધયા સમુપાશ્રિતાઃ ।
તત્ સદ્ધર્મામૃતં પીત્વા મુદા ચરત સદ્વૃતૌ ॥ ર્મ્_25.188{97} ॥
સર્વાંશ્ ચ સૌગતાન્ ભિક્ષૂન્ સર્વોપકરણૈર્ અપિ ।
સત્કૃત્ય શ્રદ્ધયામંત્ર્ય માનયધ્વં સદાદરાત્ ॥ ર્મ્_25.189{98} ॥
એતન્ મે વચનં શ્રુત્વા ત્રિરત્નશરણં ગતાઃ ।
સંબોધિપ્રણિધાનેન ચરત બોધિચારિકાં ॥ ર્મ્_25.190{99} ॥
તથા તે મંગલં નિત્યં સર્વત્રાપિ ભવેદ્ ધ્રુવં ।
ક્રમાદ્ બોધિં સમાસાદ્ય લભત સૌગતિં ગતિં ॥ ર્મ્_25.191{100} ॥
ઇત્ય્ આદિષ્ટં મુનીન્દ્રેણ શ્રુત્વા તે મંત્રિણો જનાઃ ।
સર્વે વીરાદયો લોકાસ્ તથેતિ પ્રતિશુશ્રુવુઃ ॥ ર્મ્_25.192{1} ॥
તદા સર્વે ઽપિ તે લોકાઃ સદ્ધર્મસાધનોદ્યતાઃ ।
ત્રિરત્નભજનં કૃત્વા પ્રચેરિરે સમોદિતાઃ ॥ ર્મ્_25.193{2} ॥
તદારભ્ય સદા તત્ર મંગલં નિરુપદ્રવં ।
સર્વત્ર સર્વદાપ્ય્ આસીત્ ત્રિરત્નસ્યાનુભાવતઃ ॥ ર્મ્_25.194{3} ॥
ઇતિ મે ગુરુણાદિષ્ટં તથા તે કથ્યતે મયા ।
ત્વમ્ અપ્ય્ એવં સદા રાજન્ ત્રિરત્નં શરણં ગતઃ ॥ ર્મ્_25.195{4} ॥
સદ્ધર્મં સમુપાશ્રિત્ય ચર નિત્યં સદા શુભે ।
લોકાશ્ ચાપિ મહારાજ બોધયિત્વા પ્રયત્નતઃ ।
ત્રિરત્નશરણે સ્થાપ્ય પાલનીયાઃ સદા ત્વયા ॥ ર્મ્_25.196{5} ॥
એવં તે મંગલં નિત્યં સર્વત્રાપિ ભવેદ્ ધ્રુવં ।
ક્રમાદ્ બોધિં સમાસાદ્ય સંબુદ્ધપદમ્ આપ્નુયાઃ ॥ ર્મ્_25.197{6} ॥
ઇતિ તેનાર્હતાદિષ્ટં શ્રુત્વાશોકઃ સ ભૂમિપઃ ।
તથેત્ય્ અભ્યનુમોદિત્વા પ્રાભ્યનંદત્ સપાર્ષદઃ ॥ ર્મ્_25.198{7} ॥
દૂતાવદાનં યદ્ ઇદં મુદા યે શૃણ્વંતિ યે ચાપિ નિશામયન્તિ ।
તે સર્વ એવં ત્રિદિવે વ્રજન્તિ સંબુદ્ધલોકે ઽપિ સરન્તિ ચાન્તે ॥ ર્મ્_25.199{8} ॥
++ ઇતિ શ્રિરત્નાવદાનતત્વે દૂતાવદાનં સમાપ્તમ્ ++
xxવિ તૈર્થિકાવદાન
અથાશોકો મહીપાલઃ કૃતાંજલિપુટો મુદા ।
ઉપગુપ્તં તમ્ અર્હન્તં પ્રણત્વૈવમ્ અબ્રવીત્ ॥ ર્મ્_26.1{1} ॥
ભદન્ત શ્રોતુમ્ ઇછામિ પુનર્ અન્યત્ સુભાષિતં ।
તદ્યથા ગુરુણાદિષ્ટં તથાદેષ્ટું ચ મે ઽર્હતિ ॥ ર્મ્_26.2{2} ॥
ઇતિ સંપ્રાર્થિતં રાજ્ઞા શ્રુત્વા સ સુગતાત્મજઃ ।
ઉપગુપ્તો નરેંદ્રં તં સમામંત્ર્યૈવમ્ આદિશત્ ॥ ર્મ્_26.3{3} ॥
સાધુ શૃણુ મહારાજ યથા મે ગુરુણોદિતં ।
તથાત્રાહં પ્રવક્ષ્યામિ શ્રુત્વાનુમોદનાં કુરુ ॥ ર્મ્_26.4{4} ॥
તદ્યથા ભગવાંચ્ છાસ્તા શ્રીઘનો ઽર્હન્ મુનીશ્વરઃ ।
સર્વજ્ઞઃ સુગતો નાથો ધર્મરાજો વિનાયકઃ ॥ ર્મ્_26.5{5} ॥
ભિક્ષુભિઃ શ્રાવકૈઃ સાર્દ્ધં તથા સર્વૈશ્ ચ સાંઘિકૈઃ ।
તત્રૈવ જેતકોદ્યાને વિહારે વ્યહરત્ પુરા ॥ ર્મ્_26.6{6} ॥

તદ્ ધર્મદેશનાં શ્રોતું સર્વે લોકૈઃ સમાગતૈઃ ।
દેવદાનવગંધર્વૈર્ યક્ષકિન્નરરાક્ષસૈઃ ॥ ર્મ્_26.7{7} ॥
સિદ્ધૈર્ વિદ્યાધરૈશ્ ચાપિ નાગેન્દ્રૈર્ ગરુડૈર્ અપિ ।
લોકપાલૈઃ સસૈન્યૈશ્ ચ બ્રાહ્મણૈશ્ ચ મહર્ષિભિઃ ॥ ર્મ્_26.8{8} ॥
યોગિભિર્ યતિભિશ્ ચાપિ નિર્ગ્રન્થિભિશ્ ચ તાપસૈઃ ।
રાજભિઃ ક્ષત્રિયૈશ્ ચાપિ તથા રાજકુમારકૈઃ ॥ ર્મ્_26.9{9} ॥
વૈશ્યૈશ્ ચ મંત્રિભિઃ શ્રેષ્ઠૈર્ ગૃહસ્થૈશ્ ચ મહાજનૈઃ ।
વણિગ્ભિઃ સાર્થવાહૈશ્ ચ શિલ્પિભિઃ પૌરિકૈર્ અપિ ॥ ર્મ્_26.10{10} ॥
ગ્રામ્યૈર્ જાનપદૈશ્ ચાપિ કાર્પટિકૈસ્ તથાપરૈઃ ।
ત્રિરત્નદર્શનોત્સાહૈઃ સદ્ધર્મગુણવાંછિભિઃ ॥ ર્મ્_26.11{11} ॥
સત્કૃતો માનિતો નિત્યં પૂજ્યમાનો ઽભિવંદિતઃ ।
સર્વસત્વહિતાર્થેન વર્ષં ધર્મામૃતં સદા ॥ ર્મ્_26.12{12} ॥
તદા તત્ર પુરે રાજા પ્રસેનજિન્ નૃપાધિપઃ ।
સંબુદ્ધશાસનં ધૃત્વા ત્રિરત્નમ્ અભજન્ મુદા ॥ ર્મ્_26.13{13} ॥
તદ્ દૃષ્ટ્વા તીર્થિકાઃ સર્વે ઈર્ષ્યારોષાહતાશયાઃ ।
સંમીલ્ય સૌગતં ધર્મં પ્રતિક્ષિપ્યૈવમ્ અબ્રુવન્ ॥ ર્મ્_26.14{14} ॥
ભવન્તો યદ્ અયં બુદ્ધઃ સર્વજ્ઞ ઋદ્ધિમાન્ કૃતી ।
તત્સર્વાન્ ઇમાં લોકાન્ સ્વં ધર્મે સંનિયોજયેત્ ॥ ર્મ્_26.15{15} ॥
તદાસ્મદ્વચનં શ્રોતુમ્ અપીછેન્ નાત્ર કશ્ચન ।
સર્વે નઃ શ્રાવકાશ્ ચાપિ ભજેયુઃ સુગતં જિનં ॥ ર્મ્_26.16{16} ॥
તદા સર્વે વયં લોકૈ નિંદ્યમાનઃ સમંતતઃ ।
કથમ્ અત્ર ચરિષ્યામસ્ તદ્ અન્યત્ર ચરેમહિ ॥ ર્મ્_26.17{17} ॥
ઇતિ સર્વૈર્ અપિ પ્રોક્તે તીર્થિકોપાસકો દ્વિજઃ ।
સર્વાન્સ્ તાન્સ્ તીર્થિકં દૃષ્ટ્વા પુનર્ એવમ્ અભાષત ॥ ર્મ્_26.18{18} ॥
ભવંતો મ વિષીદત્વં કર્તું અર્હતિ સર્વથા ।
તદ્ ઉપાયં કરિષ્યામિ યેનાન્યત્ર ચરેજ્ જિનઃ ॥ ર્મ્_26.19{19} ॥
ઇતિ તાન્સ્ તીર્થિકાન્ સર્વાન્ બોધયિત્વા સ દુર્મતિઃ ।
નૃપતેર્ અન્તિકે ગત્વા સાદરમ્ એવમ્ અબ્રવીત્ ॥ ર્મ્_26.20{20} ॥
શૃણુ રાજન્ મહાભાગ યદ્ ધિતં તે તદ્ ઉચ્યતે ।
તથા ત્વયા સમાધાય ચરિતવ્યં સદાદરાત્ ॥ ર્મ્_26.21{21} ॥
યદ્ અયં મુણ્ડિતો ભિક્ષુઃ કુલધર્મવિનાશકૃત્ ।
જાતિધર્મપરિભ્રષ્ટઃ સંસારવૃત્તિનિંદકઃ ॥ ર્મ્_26.22{22} ॥
માયાવી કુત્સિતાચારો દુઃશીલો લોકવંચકઃ ।
સ્વયં નષ્ટઃ પરાંશ્ ચાપિ નાશયિતુમ્ ઇહાગતઃ ॥ ર્મ્_26.23{23} ॥
તદ્ અસ્ય દર્શનં રાજં કર્ત્તવ્યં ન કદા ચન ।
ગ્રહીતવ્યં ન નામાપિ શ્રોતવ્યં નાપિ તદ્ વચઃ ॥ ર્મ્_26.24{24} ॥
સત્કારં ન ચ કર્ત્તવ્યં દાતવ્યં નાપિ કિં ચન ।
આશ્રમે ઽપિ ન ગન્તવ્યં સ્થાતવ્યં ન તદન્તિકે ॥ ર્મ્_26.25{25} ॥
દર્શનં યે પ્રકુર્વન્તિ તસ્ય ભિક્ષોર્ દુરાત્મનઃ ।
તે સર્વે નરકે યાયુઃ સદ્ગતિં ન કદા ચન ॥ ર્મ્_26.26{26} ॥

યે ચ શૃણ્વન્તિ તદ્ વાક્યં સર્વે તે નિલયં ગતાઃ ।
તીવ્રદુઃખાભિસંતપ્તા વસેયુર્ અનુતાપિતાઃ ॥ ર્મ્_26.27{27} ॥
સત્કારં યે ચ કુર્વંતિ સર્વે તે વિલયં ગતાઃ ।
દરિદ્રા દુર્ગતિં ગત્વા ભ્રમેયુર્ નિહતાશયાઃ ॥ ર્મ્_26.28{28} ॥
યે ચ દાનં પ્રકુર્વન્તિ તત્રાશિર્લુહિતાશયાઃ ।
તે ઽપિ ચ નરકે યાતા દુઃખાન્ય્ એવમ્ અવાપ્નુયુઃ ॥ ર્મ્_26.29{29} ॥
તદાશ્રમે ચ ગછંતિ સર્વે તે દુરિતાઙ્કિતાઃ ।
કુષ્ઠાદિ રોગસંતપ્તા યાયુશ્ ચ નિરયે ઽચિરાત્ ॥ ર્મ્_26.30{30} ॥
યે ચ તૈઃ સહ તિષ્ઠન્તિ તે સર્વે પાપસંગિતાઃ ।
તીવ્રદુઃખાગ્નિસંદગ્ધા ચરેયુ નિરયે સદા ॥ ર્મ્_26.31{31} ॥
ગૃહ્નન્તિ યે ચ મન્નામ તેષાં ગેહેષુ સર્વદા ।
લક્ષ્મીર્ મૈવ શ્રયેત્ તત્ર નૈરૃતિર્ એવ સંશ્રયેત્ ॥ ર્મ્_26.32{32} ॥
યે બુદ્ધં ભજન્ત્ય્ અત્ર તે તે સર્વે ઽપ્ય્ અધર્મિણઃ ।
કદાપિ સદ્ગતિં નૈવ યાંતિ દૂરગતિમ્ એવ હિ ॥ ર્મ્_26.33{33} ॥
ઇતિ મત્વા મહારાજ સદા ભદ્રં યદીછસિ ।
સત્કારં દર્શનં તસ્ય કર્ત્તવ્યં નૈવ કે ચન ॥ ર્મ્_26.34{34} ॥
કિં ધર્મં સૌગતં ધર્મં યન્ મિથ્યા પરિકલ્પિતં ।
તત્ તસ્ય દુર્યતેર્ ધર્મં શ્રોતવ્યં નૈવ કેન ચિત્ ॥ ર્મ્_26.35{35} ॥
યસ્ય ધર્મો હિ સર્વત્ર વેદશાસ્ત્રે ન ગણ્યતે ।
સ કિં ધર્માત્મકો બુદ્ધસ્ તત્ તત્ર મંગલં ન હિ ॥ ર્મ્_26.36{36} ॥
ઇતિ તેનોદિતં શ્રુત્વા સ પરિબોધિતઃ ।
ત્રિરત્નભજનોત્સાહશૈથિલ્યક્ષુભિતો ઽભવત્ ॥ ર્મ્_26.37{37} ॥
તતસ્ તસ્ય વચઃ શ્રુત્વા તીર્થિકોપાસકસ્ય સઃ ।
નૃપતિસ્ તૈર્થિકે ધર્મે ઽભિલલાષ પ્રસાદિતઃ ॥ ર્મ્_26.38{38} ॥
તત્રૈકો ગૃહભૃચ્ છ્રેષ્ઠી સંબુદ્ધોપાસકઃ સુધીઃ ।
તં તીર્થ્યોપાસકં દૃષ્ટ્વા બોધયિતુમ્ અભાષત ॥ ર્મ્_26.39{39} ॥
કિમ્ એવં દુર્મતે બુદ્ધો ધર્મરાજો ઽપિ નિંદ્યતે ।
મા મૈવં વદતામ્ અત્ર ત્વમ્ એવ નરકં વ્રજેઃ ॥ ર્મ્_26.40{40} ॥
યો લોકે સમુત્પન્નઃ સર્વક્લેશાન્ વિનિર્જયન્ ।
જિત્વા મારગણાન્ સર્વાન્ સંબોધિજ્ઞાનમ્ આપ્તવાન્ ॥ ર્મ્_26.41{41} ॥
સર્વૈ બ્રહ્માદિભિર્ લોકૈઃ સંસ્તુતો વંદિતો ઽર્ચિતઃ ।
માનિતઃ સત્કૃતો બુદ્ધસ્ ત્વયૈવ નિંદ્યતે કથં ॥ ર્મ્_26.42{42} ॥
યેનૈવ ત્રિજગલ્લોકાં પુત્રવત્ પ્રતિપાલિતં ।
પૂજનીયઃ કથં નાથં ધર્મરાજો મુનીશ્વરઃ ॥ ર્મ્_26.43{43} ॥
બુદ્ધ એવ જગન્નાથો દયાલુઃ સદ્ગુણાકરઃ ।
સર્વસત્વહિતાધાનો ઽદ્વયવાદી વિનાયકઃ ॥ ર્મ્_26.44{44} ॥
સર્વજ્ઞઃ સુગતો ભદ્રરૂપઃ સર્વહિતાર્થભૃત્ ।
સર્વવિદ્યાધિપઃ શાસ્તા સંબોધિમાર્ગદેશકઃ ॥ ર્મ્_26.45{45} ॥
નિર્જિતક્લેશ આત્મજ્ઞઃ ષડભિજ્ઞો જગદ્ગુરુઃ ।
સંબુદ્ધો ઽર્હઞ્ જિનસ્ ત્રાયી ધર્મરાજો મુનીશ્વરઃ ॥ ર્મ્_26.46{46} ॥

તતઃ સ ભગવાન્ન્ એવ સર્વત્રૈધાતુકેષ્વ્ અપિ ।
અગ્રઃ શ્રેષ્ઠો મહાઞ્ જેષ્ઠો નાન્યઃ કશ્ચિદ્ અતો ઽધિકઃ ॥ ર્મ્_26.47{47} ॥
તસ્માદ્ અસ્ય મુનીન્દ્રસ્ય સત્કારં શ્રદ્ધયા સદા ।
શરણગમનં કૃત્વા શ્રોતવ્યં ધર્મમ્ આદરાત્ ॥ ર્મ્_26.48{48} ॥
યે બુદ્ધે શરણં યાન્તિ ન તે ગછંતિ દુર્ગતિં ।
સર્વદા સદ્ગતૌ સૌખ્યં ભુક્ત્વા યાન્તિ જિનાલયે ॥ ર્મ્_26.49{49} ॥
શૃણ્વન્તિ યે ચ તદ્ ધર્મં તે ઽપિ નો યાન્તિ દુર્ગતિં ।
સદા સ્વર્ગે સુખં ભુક્ત્વા યાયુશ્ ચાન્તે સુનિર્વૃતિં ॥ ર્મ્_26.50{50} ॥
ભજન્તિ યે ચ સંઘેષુ તે ઽપિ ન યાન્તિ દુર્ગતિં ।
સદા ધર્મરતાઃ સૌખ્યં ભુક્ત્વા યાન્તિ સુખાવતિં ॥ ર્મ્_26.51{51} ॥
એવં યે યે ત્રિરત્નાનાં સર્વદા શરણં ગતાઃ ।
સત્કૃત્ય શ્રદ્ધયા નિત્યં ભજન્તિ બોધિમાનસાઃ ॥ ર્મ્_26.52{52} ॥
સર્વે તે સદ્ગુણાધારાઃ સર્વસત્વહિતાર્થિનઃ ।
ક્રમાદ્ બોધિચરીઃ પૂર્ય સંબુદ્ધપદમ્ આપ્નુયુઃ ॥ ર્મ્_26.53{53} ॥
તેનાયં ભગવાન્ન્ એવ જગન્નાથો જગદ્ગુરુઃ ।
ધર્મરાજો જગદ્ભર્ત્તા જગત્ત્રાયી વિનાયકઃ ॥ ર્મ્_26.54{54} ॥
તેનાસ્ય સદ્ગુરોઃ શાસ્તુઃ શ્રદ્ધયા શરણં ગતાઃ ।
સદ્ધર્મં સર્વદા શ્રુત્વા કર્તુમ્ અર્હતિ સત્કૃતિં ॥ ર્મ્_26.55{55} ॥
યે ચાપ્ય્ અસ્ય મુનીન્દ્રસ્ય પ્રતિક્ષિપન્તિ શાસનં ।
સદ્ગતિં નૈવ તે યાન્તિ દુર્ગતિમ્ એવ સર્વદા ॥ ર્મ્_26.56{56} ॥
ઇતિ મત્વા ન કર્ત્તવ્યા બુદ્ધે નિંદા કથં ચન ।
ત્રિરત્નભજનાન્ય્ એવ કર્ત્તવ્યાનિ શુભાર્થિભિઃ ॥ ર્મ્_26.57{57} ॥
યે ત્રિરત્નં ભજન્ત્ય્ અત્ર સર્વે તે બોધિભાગિનઃ ।
બોધિસત્વા મહાસત્વા ભવેયુઃ સુગતાત્મજાઃ ॥ ર્મ્_26.58{58} ॥
તેન તે ઽપિ મહાસત્વાસ્ ત્રિરત્નોપાસકા અપિ ।
શ્રદ્ધયા પ્રણતિં તેસાં કર્ત્તુમ્ અર્હન્તિ સર્વદા ॥ ર્મ્_26.59{59} ॥
ઇતિ તેનોદિતં શ્રુત્વા તીર્થિકોપાસકશ્ ચ સઃ ।
તં બુદ્ધોપાસકં દૃષ્ટ્વા પુનર્ એવમ્ અભાષત ॥ ર્મ્_26.60{60} ॥
આ કિમ્ એવં ત્વયા પ્રોક્તં કિં બુદ્ધો ઽતાપસા ઽયતિઃ ।
પૂરણો બ્રહ્મવિજ્ઞસ્ તપસ્વી સંયમી સુધીઃ ॥ ર્મ્_26.61{61} ॥
તત્ તસ્ય પૂરણસ્યાગ્રે બુદ્ધઃ કિં વક્તુમ્ ઉત્સહેત્ ।
બાલકાન્ એવ વઞ્ચિત્વા હ્ય્ અસદ્ધર્મ્મે યુનક્તિ સઃ ॥ ર્મ્_26.62{62} ॥
પૂરણ એવ સર્વેષાં યતીનાં બ્રહ્મચારિણાં ।
ઋદ્ધિમતાં મહાન્ અગ્રો માત્રૈકશ્ ચિત્ તતો ઽધિકઃ ॥ ર્મ્_26.63{63} ॥
ઇતિ તેનોદિતં શ્રુત્વા સ બુદ્ધોપાસકસ્ તતઃ ।
તીર્થિકોપાસિકં દૃષ્ટ્વા પુનર્ એવ તમ્ અબ્રવીત્ ॥ ર્મ્_26.64{64} ॥
અરે કિં જ્ઞાયતે તસ્ય સંબુદ્ધસ્ય ગુણસ્ ત્વયા ।
યેનૈવ કૃપયા દૃષ્ટ્વા પાલિતં પુત્રવજ્ જગત્ ॥ ર્મ્_26.65{65} ॥
યસ્ય લોકે દયા નાસ્તિ તેન કિં પાલ્યતે જગત્ ।
કેવલલોભસત્કારં હેતુનાદોમ્ભિકો હિ સઃ ॥ ર્મ્_26.66{66} ॥

તપસ્વી યોગવિત્ પ્રાજ્ઞ ઋદ્ધિમાન્ સિદ્ધિમાન્ અપિ ।
યસ્ય નાસ્તિ દયા સત્વે સ કિમ્ શાસ્તા જગદ્ગુરુઃ ॥ ર્મ્_26.67{67} ॥
યો દૃષ્ટ્વા સકલાન્ સત્વાન્ કૃપયા સંપ્રબોધયન્ ।
સદ્ધર્મે યોજયત્ય્ અત્ર સ એવ જગતાં ગુરુઃ ॥ ર્મ્_26.68{68} ॥
તસ્માદ્ અત્ર જગચ્છાસ્તા સર્વસત્વહિતાર્થભૃત્ ।
બુદ્ધ એવ જગન્નાથો જગત્ત્રાયી જગદ્ગુરુઃ ॥ ર્મ્_26.69{69} ॥
નાસ્તિ બુદ્ધસમઃ કશ્ ચિત્ સર્વસત્વહિતંકરઃ ।
તેન બ્રહ્માદિદેવૈઃ સ વંદનીયો મુનીશ્વરઃ ॥ ર્મ્_26.70{70} ॥
યતો ઽયં શ્રીઘનઃ ત્રાયી ષડભિજ્ઞો વિનાયકઃ ।
મુનીન્દ્રો ઽર્હં સુભદ્રાંશસ્ તેન તસ્યાધિકો હિ કઃ ॥ ર્મ્_26.71{71} ॥
તેનાયં સુગતો બુદ્ધો ધર્મરાજસ્ તથાગતઃ ।
સત્કૃત્ય શ્રદ્ધયા સર્વે ભજનીયઃ શુભેછુભિઃ ॥ ર્મ્_26.72{72} ॥
ઇતિ તેનોદિતં શ્રુત્વા તીર્થિકોપાસકો ઽથ સઃ ।
રોષાગ્નિપરિદગ્ધાસ્યસ્ તં બૌદ્ધમ્ એવમ્ અબ્રવીત્ ॥ ર્મ્_26.73{73} ॥
આ એવમ્ ઉચ્યતે કો ઽત્ર પૂરણાત્ પર ઉત્તમઃ ।
યતીર્ વિજ્ઞો મહાભિજ્ઞઃ સ એવ ત્રિજગદ્ગુરુઃ ॥ ર્મ્_26.74{74} ॥
ઇતિ તેનોદિતં શ્રુત્વા સંબુદ્ધોપાસકો ઽપિ સઃ ।
સાંજલિઃ પ્રણતિં કૃત્વા ભૂમાવ્ એવં તમ્ અબ્રવીત્ ॥ ર્મ્_26.75{75} ॥
બુદ્ધાદ્ અન્યો વિશિષ્ટઃ કસ્ ત્રૈધાતુભુવનેષ્વ્ અપિ ।
બહુધા કિં પ્રવાદેન બુદ્ધ એવ જગત્પ્રભુઃ ॥ ર્મ્_26.76{76} ॥
તેનેત્ય્ ઉક્તે સ રુષ્ટાત્મા તીર્થિકોપાસકસ્ તદા ।
કોપાગ્નિપરિદગ્ધાંગસ્ તં બુદ્ધમ્ એવમ્ અબ્રવીત્ ॥ ર્મ્_26.77{77} ॥
યદિ બુદ્ધો વિશિષ્ટઃ સ્યાત્ પૂરણાદ્ અર્હતો યતેઃ ।
સર્વસ્વં મે તવાધીનં દાસશ્ ચાપિ ભવામ્ય્ અહં ॥ ર્મ્_26.78{78} ॥
યદિ બુદ્ધાદ્ વિશિષ્ટો હિ પૂરણો ઽર્હં મહામતિઃ ।
સર્વસ્વં તે મમાધીનં દાસશ્ ચાપિ ભવેઃ ખલુ ॥ ર્મ્_26.79{79} ॥
ઇતિ તેનોદિતે તત્ર સંબુદ્ધોપાસકો ઽપિ સઃ ।
તથેતિ વંધનિક્ષેપં કૃત્વા સ્વીકરણં વ્યધાત્ ॥ ર્મ્_26.80{80} ॥
તયોર્ એતત્ પ્રવાદત્વં પ્રસેનજિન્ નરાધિપઃ ।
મત્વામાત્યાન્ સમાહૂય પુરર્ એવમ્ અભાષત ॥ ર્મ્_26.81{81} ॥
ગછધ્વં મંત્રિણઃ સર્વે બુદ્ધતૈર્થિકયોર્ અપિ ।
નિર્ણયિત્વા વિવાદત્વે મિમાંસા ક્રિયતામ્ ઇહ ॥ ર્મ્_26.82{82} ॥
ઇતિ રાજ્ઞા સમાદિષ્ટં શ્રુત્વા તે મંત્રિણો જનાઃ ।
સહસા તજ્ જનાન્ સર્વાન્ સમાહૂયૈવમ્ આદિશત્ ॥ ર્મ્_26.83{83} ॥
ભવન્તો નૃપતેર્ એવમ્ આજ્ઞાં શ્રુત્વા સમાહિતાઃ ।
સર્વત્ર વિજિતે ઘણ્ટાનાદૈશ્ ચોદય તદ્ દ્રુતં ॥ ર્મ્_26.84{84} ॥
ઇતિ તૈર્ મંત્રિભિઃ પ્રોક્તૈઃ શ્રુત્વા તે સજનાસ્ તથા ।
ઘણ્ટાવઘોષનં કૃત્વા સર્વત્રૈવં ઘોષયન્ ॥ ર્મ્_26.85{85} ॥
શૃણ્વન્તુ પૌરિકાઃ સર્વે ઇતો ઽહ્નિ સપ્તમે ઽહનિ ।
બૌદ્ધતૈર્થિકસંવાદે મિમાંસાત્ર ભવિષ્યતિ ॥ ર્મ્_26.86{86} ॥

યે યે ઽત્ર દ્રષ્ટુમ્ ઇછન્તિ સર્વે તે સમુપાગતાઃ ।
બુદ્ધસ્ય તીર્થિકસ્યાપિ પ્રભાવં દ્રષ્ટુમ્ અર્હત ॥ ર્મ્_26.87{87} ॥
એવં તે વિજિતે તત્ર સર્વત્ર વિષયેષ્વ્ અપિ ।
ઘણ્ટાવઘોષણં કૃત્વા મંત્રિણાં પુર આયયુઃ ॥ ર્મ્_26.88{88} ॥
તતસ્ તે સજનાઃ સર્વે રાજ્ઞો ઽન્તિકમ્ ઉપાગતાઃ ।
પ્રણત્વૈતત્ પ્રવૃત્તાંતં પુરતઃ સંન્યવેદયન્ ॥ ર્મ્_26.89{89} ॥
તતો ઽહ્નિ સપ્તમે પ્રાપ્તે સર્વે લોકાઃ સમાગતાઃ ।
વિસ્તીર્ણે ભૂતલે રમ્યે તદ્ દ્રષ્ટુમ્ ઉપતસ્થિરે ॥ ર્મ્_26.90{90} ॥
તથા દેવા અનેકે ચ તદ્દર્શનકુતૂહલાઃ ।
અન્તરીક્ષે સમાશ્રિત્ય સંતસ્થુઃ પ્રતિમોદિતાઃ ॥ ર્મ્_26.91{91} ॥
એવં સર્વેષુ લોકેષુ નૃપમંત્રિજનાદિષુ ।
નૈકશતસહસ્રેષુ સન્નિપાતેષુ સર્વતઃ ॥ ર્મ્_26.92{92} ॥
તીર્થિકોપાસકસ્ તત્ર સ ગોમયે પ્રલેષિતે ।
મંડલે ગંધપુષ્પાદિપૂજાંગૈઃ સમપૂજયત્ ॥ ર્મ્_26.93{93} ॥
તતઃ સ સાંજલિર્ નત્વા જાનુભ્યાં ભુવિ સંસ્થિતઃ ।
ઉદ્વહન્ન્ ઉત્તરાસંગં પ્રાર્થયદ્ એવમ્ આદરાત્ ॥ ર્મ્_26.94{94} ॥
યેન સત્યેન ષડ્વિજ્ઞાઃ શાસ્તારઃ પૂરણાદયઃ ।
ભગવંતો મહાભિજ્ઞા અર્હન્તો બ્રહ્મચારિણઃ ॥ ર્મ્_26.95{95} ॥
અનેન સત્યભાવેન સર્વાન્ એતાન્ યતીશ્વરાન્ ।
એતત્પૂજોપહારાણિ પ્રાનુગંછંતુ સંમુખં ॥ ર્મ્_26.96{96} ॥
એવં સંપ્રાર્થનાં કૃત્વા તીર્થિકોપાસકો મુદા ।
તાનિ પંચોપહારાણિ પ્રાદાય ગગણે ઽક્ષિપત્ ॥ ર્મ્_26.97{97} ॥
તેન ક્ષિપ્રક્ષિપ્તમાત્રાણિ તાનિ સર્વાણિ ભૂતલે ।
પતિતાન્ય્ અસ્તંગતાન્ય્ એવ સહસાદર્શને યયુઃ ॥ ર્મ્_26.98{98} ॥
તદ્ દૃષ્ટ્વા સસુરા લોકાઃ સર્વે તે ભૂમિપાદયઃ ।
ઉચ્ચૈર્ નાદૈર્ હસન્તસ્ તં તૈર્થિકમ્ એવ મેનિરે ॥ ર્મ્_26.99{99} ॥
તદ્ દૃષ્ટ્વા ધિક્પ્રવાદં ચ શ્રુત્વા સ તૈર્થિકો ઽપતત્ ।
તતશ્ ચિરાત્ સમુત્થાય લજ્જાભિન્નમુખાશયઃ ॥ ર્મ્_26.100{100} ॥
ત્રસિતો ઽધોમુખોદ્રષ્ટો નિષ્પ્રભઃ પરિકંપિતઃ ।
ભ્રસ્તસ્કંધઃ કરે કણ્ડં સ્થાપ્ય તસ્થૌ વિમુર્છિતઃ ॥ ર્મ્_26.101{1} ॥
તદ્ દૃષ્ટ્વા સ પ્રસન્નાત્મા બુદ્ધોપાસકો મુદા ।
પ્રકૃત્વા મણ્ડલં તત્ર ગોમયપ્રતિલેપિતે ॥ ર્મ્_26.102{2} ॥
પંચોપહારપૂજંગૈઃ સમભ્યર્ચ્ય યથાવિધિઃ ।
ઉદ્વહન્ન્ ઉત્તરાસઙ્ગં જાનુભ્યાં ભુવિ સંસ્થિતઃ ॥ ર્મ્_26.103{3} ॥
સાંજલિઃ પુરતઃ સ્થિત્વા સંબુદ્ધં તં મુનીશ્વરં ।
સ્મૃત્વા નત્વા તથા સત્યં પ્રાર્થયદ્ એવમ્ આદરાત્ ॥ ર્મ્_26.104{4} ॥
યતો ઽયં ભગવાન્ બુદ્ધઃ સર્વલોકવિનાયકઃ ।
તેન સત્યેન સર્વાણિ પુષ્પાણીમાનિ સૂદકં ॥ ર્મ્_26.105{5} ॥
ઇદં સૌરભ્યધૂપં ચ ભગવન્તં મુનીશ્વરં ।
સંબુદ્ધં શ્રીઘનં નાથં પ્રાભિયાન્તુ વિહાયસા ॥ ર્મ્_26.106{6} ॥

ઇતિ સંપ્રાર્થનાં કૃત્વા સ બુદ્ધોપાસકો મુદા ।
તાનિ સર્વોપહારાણિ પ્રાદાય ગગણે ઽક્ષિપત્ ॥ ર્મ્_26.107{7} ॥
તાનિ તેન પ્રક્ષિપ્તાનિ સર્વાણિ ગગણે ઽસરન્ ।
તાનિ સર્વાણિ પુષ્પાણિ છત્રીભૂત્વાચરન્ ક્રમાત્ ॥ ર્મ્_26.108{8} ॥
ધૂપો મેઘવદ્ અમ્ભો ઽપિ વૈડૂર્ય્યવત્ તદાચરત્ ।
તદ્ દૃષ્ટ્વા જનતા સર્વા મહાશ્ચર્ય્યં પ્રલેહિરે ॥ ર્મ્_26.109{9} ॥
ક્રમેણ તાનિ સર્વાણિ પ્રચરન્તિ વિહાયસા ।
ઝટિતિ જેતકારણ્યે વિહારે સંમુખં યયુઃ ॥ ર્મ્_26.110{10} ॥
દૃષ્ટ્વા સજનકાયો ઽપિ પ્રતિહાર્યં તદ્ અદ્ભુતં ।
જયશબ્દં પ્રકુર્વન્તઃ પશ્યન્તો ઽનુયયુર્ મુદા ॥ ર્મ્_26.111{11} ॥
તત્ર સર્વાણિ પુષ્પાણિ છત્રીભૂત્વા જગદ્ગુરોઃ ।
સંબુદ્ધસ્ય જગચ્છાસ્તુર્ ઉપરિ સમુપાશ્રયન્ ॥ ર્મ્_26.112{12} ॥
તદ્ ધૂપમ્ અગ્રતસ્ તસ્ય તસ્થૌ કૃત્વા પ્રદક્ષિણાં ।
પદામ્બુજં તદ્ અમ્ભો ઽપિ પપાત વિયતઃ સરત્ ॥ ર્મ્_26.113{13} ॥
તત્ સમાલોક્ય સર્વે તે દ્વિજાદિ પૌરિકા જનાઃ ।
પ્રસાદિતા મુનીન્દ્રસ્ય સભાયાં સમુપાચરન્ ॥ ર્મ્_26.114{14} ॥
સર્વે પ્રદક્ષિણીકૃત્ય કૃતાંજલિપુટા મુદા ।
ભગાવન્તં મુનિં નત્વા સર્વે તે સમુપાશ્રયન્ ॥ ર્મ્_26.115{15} ॥
સ બુદ્ધોપાસકશ્ ચાપિ નત્વા તં શ્રીઘનં મુદા ।
તત્ સદ્ધર્મામૃતં પાતુમ્ ઉપતસ્થૌ કૃતાંજલિઃ ॥ ર્મ્_26.116{16} ॥
તીર્થિકોપાસકઃ સો ઽપિ તદ્ દૃષ્ટ્વા વિસ્મયાન્વિતાઃ ।
મહદ્ બુદ્ધાનુભાવત્વં મત્વા દ્રષ્ટુમ્ ઉપાશ્રયત્ ॥ ર્મ્_26.117{17} ॥
તતઃ સ ભગવાન્ દૃષ્ટ્વા સર્વાન્સ્ તાન્ સમુપસ્થિતાન્ ।
આર્યસત્યમ્ ઉપાદિશ્ય પુનર્ એવમ્ ઉપાદિશત્ ॥ ર્મ્_26.118{18} ॥
શૃણુધ્વં સાધવઃ સર્વે આર્યધર્મં સમુચ્યતે ।
યત્ ત્રિરત્નં સમાખ્યાતં તત્ ત્રિલોક્યે મહત્તરં ॥ ર્મ્_26.119{19} ॥
તદ્યથા સર્વલોકાનાં ત્રૈધાતુકનિવાસિનાં ।
સર્વેષામ્ અપિ ભદ્રાર્થં સદ્ધર્મં સંપ્રકાશયે ॥ ર્મ્_26.120{20} ॥
સ સંબુદ્ધો જગચ્છાસ્તા સર્વસત્વહિતંકરઃ ।
જગન્નાથો જગત્ત્રાતા બુદ્ધરત્નમ્ ઇદં વરં ॥ ર્મ્_26.121{21} ॥
અત્ર યૈઃ શ્રદ્ધયા કર્મં દાનાદિ સુકૃતં કૃતં ।
તેષામ્ અગ્રપ્રસન્નાનાં વિપાકૈઃ ફલમ્ ઉત્તમં ॥ ર્મ્_26.122{22} ॥
અપ્રમેયમ્ અસંખ્યેયં સંબોધિપદદાયકં ।
એવં મત્વાત્ર સંબુદ્ધં ભજત સર્વદા મુદા ॥ ર્મ્_26.123{23} ॥
યાવતશ્ ચાત્ર સંસારે સંસ્કૃતા વાપ્ય્ અસંસ્કૃતાઃ ।
ધર્માસ્ તેષાં મહાન્ અગ્રો વિરાગો ધર્મં ઉત્તમઃ ॥ ર્મ્_26.124{24} ॥
ધર્મરત્નમ્ ઇદં યે ઽત્ર પ્રભજન્તિ પ્રસાદિતાઃ ।
તેષામ્ અગ્રપ્રસન્નાનાં વિપાકે ફલમ્ ઉત્તમં ॥ ર્મ્_26.125{12} ॥
અપ્રમેયમ્ અસંખ્યેયં સંબોધિજ્ઞાનદાયકં ।
તદ્ એતત્ સૌગતં ધર્મં શ્રુત્વા ભજંતિ સંવરં ॥ ર્મ્_26.126{13} ॥