રાજતરઙ્ગિની · શ્લોક 866-885

ગિરિમાર્ગેણ ગઙ્ગાયા માનસં પ્રાપિતે જલે ।
કિં પૂતં માનસેનેદમ્ અમુના કિમ્ ઉ માનસમ્

વ્યડમ્બયત્ સ્વમૂર્તિં યા માનસપ્રતિબિમ્બિતામ્ ।
વિધાય તત્તટે તેન નગરી સફલાયિતા

[પ્સ્-જ્ર્ત્ 118]
શ્રીસ્વયસ્ય યમ્ આનેતું પ્રજ્ઞા ન સ્ફુટમ્ અસ્ફુરત્ ।
શ્રીસેકન્દરશાહો ઽપિ કુણ્ઠોત્કણ્ઠો ઽભવત્તરામ્ ॥ જ્ર્ત્_બ્.1149 ॥
શ્રીજૈનોલ્લાભદેનસ્ તમ્ આનીય પહરં નદમ્ ।
પ્રાસિઞ્ચદ્ વિંશતિક્રોશાઞ્ છ્રીમાન્ સ્વયપુરે મરુમ્ ॥ જ્ર્ત્_બ્.1150 ॥
દુર્ભિક્ષવ્યાપ્તચિત્તાનાં વિશ્રાન્તિજનનાન્ નૃણામ્ ।
વિશ્રાન્તિસઞ્જ્ઞયા કુલ્યા પ્રસિદ્ધાભૂત્ પદે પદે ॥ જ્ર્ત્_બ્.1151 ॥
શ્રીમાન્ સુય્યપુરાત્ પારેવિતસ્તં ધરણેર્ નૃપઃ ।
સંયોજ્ય પહરં તાપવ્યાપદં સ ન્યવારયત્

આ પ્રદ્યુમ્નગિરિપ્રાન્તાદ્ અમરેશપુરાવધિ ।
મઠાગ્રહારહટ્ટાઢ્યાં સ જૈનનગરીં વ્યધાત્

સ્વર્ગં જેતુમ્ ઇવોદસ્થાદ્ ઉન્નતૈર્ અશ્મવેશ્મભિઃ ।
સઙ્ક્રાન્તા જૈનગઙ્ગાયાં ફણિલોકસ્ય યાગમત્

જૈનગઙ્ગાં રણસ્વામિપ્રાસાદં પ્રાપિતાં કૃતી ।
વ્યસિસ્મરત્ સ્મેરયશા હરિપાદકુતૂહલમ્

પારેસુય્યપુરં જૈનગિરિસઞ્જ્ઞાં પુરીં વ્યધાત્ ।
કૈલાસાચલતુલ્યેવ પ્રાસાદૈર્ અભિભૂષિતા

સિદ્ધક્ષેત્રે સુરેશ્વર્યાં પ્રસિદ્ધો વિલસદ્યશાઃ ।
રાજધાનીં નિષિદ્ધારિર્ વ્યધાત્ સિદ્ધિપુરીમ્ અસૌ

પ્રાસાદશિખરે રાજા માર્તણ્ડામરનાથયોઃ ।
રાજધાન્યૌ વ્યધાત્ સૌધધૌતદૂરનભસ્તલે

સુભિક્ષં સુય્યરાજેન પૂર્વમ્ અઙ્કુરિતં કિલ ।
તતḫ પ્રભૃત્ય્ અતીતેષુ બહુષ્વ્ અપિ ચ રાજસુ

પ્રજાનામ્ અલ્પપુણ્યત્વાન્ નાવર્ધત મનાગ્ અપિ ।
તપોબલાત્ પલ્લવિતં પુષ્પિતં ફલિતં તથા

શ્રીજૈનોલ્લાભદીનેન યુગપત્ તદ્ વ્યધીયત ।
તપસામ્ અતિશુદ્ધત્વાત્ કિમ્ ઇવ જ્ઞાપકં પરમ્

પૂર્વપુણ્યક્ષયે રાજ્યાત્ પતન્ત્ય્ અન્યે મહીક્ષિતઃ ।
તસ્ય જન્માન્તરે રાજ્યપ્રાપ્ત્યૈ રાજ્યમ્ અભૂત્ પ્રભોઃ

સ નદીમાતૃકાẖ કૃત્વા ધરણીર્ દેવમાતૃકાઃ ।
અગ્રહારાન્ અનુ ક્ષ્માપો દ્વિજેભ્યો યદ્ અદાત્ સદા

વરાહક્ષેત્રનગરવિજયેશાનકાદિષુ ।
યવનેભ્યો ઽગ્રહારાન્ સ સવિહારાન્ સ્વયં દદૌ

વિજયક્ષેત્રવારાહક્ષેત્રશૂરપુરાદિષુ ।
સત્ત્રદાનેન સ ત્રાસમ્ અપિ ગોત્રભિદો વ્યધાત્

ભૂમિવિક્રયભૂર્જાદિ કૃતચિહ્નં મહીભુજા ।
નિહ્નવપ્રાગભાવાય ધર્માધિકરણં કૃતમ્

યો જયાપીડદેવેન પ્રાપ્તો નાગપ્રસાદતઃ ।
સ દણ્ડમ્ ઇવ તસ્યાદાત્ તામ્રં તામ્રાકરો ગિરિઃ

મણીન્ ખનિભ્યશ્ ચાલભ્યાંસ્ તદ્રાજ્યે ભૂર્ અજીજનત્ ।
યે જૈનમણયẖ ખ્યાતાḫ પદ્મરાગમદચ્છિદઃ

સરિતાં સૈકતે નીતસિકતાભ્રમદં તદા ।
કાઞ્ચનં કાઞ્ચન ચ્છાયાં બિભ્રલ્ લોકૈર્ અચીયત