રાજતરઙ્ગિની · શ્લોક 826-845

કર્પૂરભટ્ટો યશ્ શ્રીમાન્ પ્રાણિરક્ષો મહીભુજઃ ।
ગુણિનાં શરણં ચક્રે સ્વગુણૈસ્ સુરભિં સભામ્

પૂર્વાબ્દગ્રહસઞ્ચારાદ્ ઉત્તરાબ્દગ્રહસ્થિતિમ્ ।
રુય્યભટ્ટો વિદન્ન્ આસીદ્ વિનૈવ ગણિતશ્રમમ્

શ્રીરામાનન્દપાદાનાં ભાષ્યવ્યાખ્યાક્ષણેક્ષણે ।
વીક્ષતે શારદા ક્ષોણીમ્ એવ સમ્ભ્રાન્તમાનસા

ગાન્ધારસિન્ધુમદ્રાદિભૂભુજસ્ તસ્ય ભૂભુજઃ ।
ગ્રામ્યા ઇવાભવન્ન્ આજ્ઞાકારિણો જિતવૈરિણઃ

યુદ્ધે જિતં તતો બદ્ધં ખુẖખુરેન્દ્રેણ ભૂપતિઃ ।
માલદેવં મદ્રરાજમ્ આજ્ઞયા નિરમોચયત્

રાજા રાજપુરીરાજં નયજ્ઞસ્ સ્વપદાતિભિઃ ।
ક્ષણાદ્ ભ્રૂભઙ્ગમાત્રેણ રણસૂહમ્ અલોઠયત્

ઉદભાણ્ડપુરાધીશં સિન્ધુરાજોપબૃંહિતમ્ ।
સ કન્દુકમ્ ઇવોત્થાપ્ય મુહુર્ મુહુર્ અપાતયત્

ભોટ્ટભૂમૌ મહીન્દ્રેણ ગોગ્ગદેશે કદાચન ।
બાણા ગૌરખરાસ્રેણ ગુણૈર્ લોકાશ્ ચ રઞ્જિતાઃ

સમિજ્જિતે શયાદેશે ક્રૂરાદેશો મહીપતિઃ ।
સુવર્ણબુદ્ધપ્રતિમાં યવનેભ્યો રરક્ષ સઃ

કષાકરં કષંસ્ તસ્ય નિકષો ભૌટ્ટતેજસામ્ ।
અપ્રકાશાં પ્રતાપો ઽથ મલૂતનગરીં વ્યધાત્

કેવલં હૃદયં શૂન્યં ભૌટ્ટાનાં નાભવત્ તદા ।
ભૂમિપાલભયાવેશાત્ કોશો ઽપિ ચિરસઞ્ચિતઃ

પ્રકૃતીનાં દદદ્ રાજા શેષોપ્યાયૌ યથોચિતમ્ ।
પ્રત્યવેક્ષામ્ અકાર્ષીત્ સ શાલિનામ્ ઇવ કાર્ષકઃ

નાસહિષ્ટેવ તચ્ચાપં તુલાં શાર્ઙ્ગપિનાકયોઃ ।
દૂરકાર્યાર્થસાધિન્યા ધનુષ્મત્તા ભ્રુવḫ પુનઃ

અસ્તં યસ્ તમસાં કુલાનિ બલતો નેતું સદા વાઞ્છતિ ક્ષીણં તં વસુનાભિપૂર્ય શશિનં સંવર્ધયત્ય્ અઞ્જસા ।
કાશ્યપ્યામ્ અવકાશમાત્રઘટનાં શાખામુખૈ રુન્ધતો વૃક્ષાન્ વૃષ્ટિભરૈશ્ ચ યો ઽસ્ય કતમો ભાનોસ્ તુલામ્ અર્હતિ

લદ્દરાજસુતં રાજા નોસ્રતં યમ્ અવર્ધયત્ ।
અહૃતદ્રવિણં તં "સ દ્રોહી"તિ નિરવાસયત્

મક્કદેશાગતો જાતુ પુસ્તકાડમ્બરં વહન્ ।
સદૌલનામા યવનો રાજેન્દ્રં તમ્ ઉપાગમત્

ગુણાન્ વિકત્થમાનં તં ગુણિરાગી નરેશ્વરઃ ।
ઉપાગચ્છત્ પ્રતિદિનં દર્શનાયેતરો યથા

સ તસ્ય પટહસ્યેવ રાજાપશ્યત્ ક્રમાદ્ અસૌ ।
અન્તસ્સારવિહીનત્વં પરીક્ષાયાં વિચક્ષણઃ

મ્લેચ્છમસ્કરિણિ ક્ષોણિપ્રાણેશો નિર્ગુણે ઽપિ સઃ ।
પ્રેમાણં નામુચત્ પુત્રે પિતેવ કરુણાર્ણવઃ

પ્રદોષસ્યેવ તમસાં દુર્ઘનસ્યેવ વિદ્યુતામ્ ।
દોષાણાં બહુતા તસ્ય પ્રજાસ્ સમુદવેજયત્