રાજતરઙ્ગિની · શ્લોક 241-260

ઉદયાદ્રિભુવા પૂર્ણશ્ શશીવાથ સ કોટયા ।
ખેરિઞ્ચનતમોનાશી શિરસાધારિ સાદરમ્

યં કોટાસૂત જટ્ટાખ્યં ભિક્ષણાખ્યસ્ય મન્ત્રિણઃ ।
વર્ધનાયાત્મજં રાજા સ તં મૃત્યુમ્ ઇવાદિત

શાહમેરસ્ સ વીરો ઽથ પરિપાલિતરૈઞ્ચનિઃ ।
અચક્ષુષ્યẖ ક્ષમાભર્તુḫ પુત્રપ્રેમભરાદ્ અભૂત્

દેવ્યાસ્ તુ સમદૃષ્ટિત્વાત્ પુત્રયોર્ ઉભયોર્ અપિ ।
રાજ્ઞો દ્વેષ્યો ઽપિ શાહ્મેરો ન ભયેન સ પસ્પૃશે

અચલોપપ્લવાતઙ્કે ભયાલ્ લોકૈસ્ સમાશ્રિતઃ ।
શાહ્મેરશ્ સ રાજાનં ન તૃણાયાપ્ય્ અજીગણત્

શાહ્મેરો હય્દરશ્યેનં દર્શયિત્વા મુહુર્ મુહુઃ ।
અભાયયત્તરાં રાજપક્ષિણં તં દિવાનિશમ્

રક્ષંસ્ તટસ્થાન્ ઉદ્વેગરહિતો જલવર્જિતઃ ।
અલ્લેશ્વરામ્બુપૂરસ્ સ પ્રજાશ્ ચિત્રમ્ અતારયત્

શિરશ્શાટકહિન્દાખ્યૌ સમભૂષયતામ્ ઉભૌ ।
ચન્દ્રાર્કાવ્ ઇવ તસ્યાશાં શૂરૌ પૌત્રૌ ગુણોચ્છ્રિતૌ

દ્વારૈશ્વર્યાત્ સ્ફુરદ્દર્પો રાજાજ્ઞાલઙ્ઘનોદ્યતઃ ।
શાહ્મેરસ્ સ વિપદ્દ્વારમ્ અભૂદ્ ભૂપતિસેવિનામ્

સો ઽલ્લેશિરસુતાં દત્ત્વા લુસ્તસ્ય તદધીશિતુઃ ।
સ્રીશઙ્કરપુરં જિત્વા રાજ્ઞશ્ શઙ્કામ્ અવર્ધયત્

વશે તેલાકશૂરો ઽસ્ય ભાઙ્ગિલૈશ્વર્યભાજનમ્ ।
જ્યંશિરસ્ય સુતાં હસ્તેકૃત્ય કૃત્યવિદો ઽભવત્

બહુરૂપજયી લક્ષ્મીનિધિર્ અચ્યુતતાપદમ્ ।
શમાલાં સ નૃસિંહો ઽથ દૈત્યશ્રિયમ્ ઇવાદુનોત્

મકરાલયગામ્ભીર્યẖ કરાલમ્બો જયશ્રિયઃ ।
કરાલે સ કરાલૌજાẖ કરમ્ આલમ્બયજ્ જનાન્

અસિસ્મરત્ સ્મેરયશા દહ્યમાનમ્ ઇતસ્ તતઃ ।
રાજ્ઞẖ કલશદેવસ્ય વિજયેશપુરં તતઃ

સ્થિત્યૈ પ્રકલ્પ્ય ચક્રસ્ય સ્વસ્ય ચક્રધરાચલમ્ ।
શાહ્મેરો ઽચલકાર્યાણિ જનસ્ય સમદર્શયત્

કમ્પનેશ્વરલક્ષ્યસ્ય લક્ષ્મીસર્વસ્વતાં દદત્ ।
ચિત્રં સ લબ્ધવાઞ્ શુદ્ધં સુદાયમ્ ઇવ સદ્યશાઃ

નરેન્દ્રરઙ્ગશૈલૂષં કોટરાજમ્ અથાગ્રહીત્ ।
શાહ્મેરસ્ તનયારત્નગ્રહણોન્માનકેન સઃ

સામ્ના કેચિત્ પરે દણ્ડાદ્ દાનાદ્ અન્યે પરે ભયાત્ ।
માન્યતામ્ અનયન્ ધન્યા લવન્યાસ્ તસ્ય શાસનમ્

લવન્યલોકસ્ તત્પુત્રીર્ માલા ઇવ બભાર તાઃ ।
નાજાનાદ્ ભુજગીર્ ઘોરવિષાḫ પ્રાણહરીḫ પુનઃ

રાજબીજિવિધેયત્વાન્ મન્ત્રાદ્ વિક્રમતશ્ ચ વા ।
કશ્ શાહ્મેરહરેર્ નાભૂલ્ લવન્યદ્વિરદો વશે