રાજતરઙ્ગિની · શ્લોક 221-240

14) ઉદ્યાનદેવ (લ્સ્ 4399-4414)
પુત્રં હૈદરનામાનં બાલ્યાદ્ અનભિષિક્તવાન્ ।
અતથાવિધશક્તિત્વાદ્ રાજ્યં સ્વેનાપ્ય્ અસંવહન્

લવન્યૈẖ કુલનાથત્વાદ્ રિઞ્ચને પ્રતિઘાદ્ અપિ ।
અવ્યાહતપ્રવેશાશો મતિમાઞ્ શાહમેરકઃ

સમં શ્રીકોટયા દેવ્યા મૂર્તયેવ જયશ્રિયા ।
તદોદયનદેવં તં કશ્મીરક્ષ્મામ્ અલમ્ભયત્

રાજ્યલક્ષ્મીમહાદોલા ગુણબદ્ધા ગરીયસી ।
રિઞ્ચનોચ્ચૈḫપદં ગત્વા રાજાધḫપદમ્ અશ્રયત્

રાજા શાહ્મેરપુત્રૌ તૌ જ્યંશિરાલેશિરૌ તદા ।
ક્રમરાજ્યાદિદેશાનાં સ્વામ્યદાનાદ્ અરઞ્જયત્

ધીર્ ઇવાસીત્ તદા કોટા દેવી સર્વાધિકારિણી ।
રાજા દેહ ઇવાત્યર્થં તદાદિષ્ટં સમાચરત્

તેજસા પિહિતાન્ય્ આસન્ યાનિ રિઞ્ચનભાસ્વતઃ ।
લવન્યજ્યોતિષાં રાજપ્રદોષે ઽભૂત્ તદોદયઃ

યસ્યાક્રમ્યત સૌમ્યસ્ય ગૃહિણ્યા કોટયા ગૃહમ્ ।
વિષયાક્રમણં તસ્ય લવન્યૈẖ કિં નુ શોચ્યતે

લવન્યદેશચણ્ડાલગૃહસ્પર્શવિવર્જકઃ ।
સ શ્રોત્રિય ઇવાનૈષીત્ કાલં સ્નાનતપોજપૈઃ

આસ્તિકત્વં કિયત્ તસ્ય વર્ણ્યતે વર્ણધારિણઃ ।
ક્રિમિમર્દભયાદ્ ઘણ્ટાં યો ઽબધ્નાદ્ વાજિનો ગલે

તાવદ્ દ્રવિણતામ્ એવ કોશાલઙ્કરણં દધત્ ।
કણ્ઠભૂષાં સમૌલિં સ ચક્રિણે ઽદિત કાઞ્ચનીમ્

અથ મુગ્ધપુરસ્વામિદત્તાનીકિન્યહઙ્કૃતઃ ।
કશ્મીરાન્ અચલો ઽવિક્ષદ્ બલાદ્ ડલ્ચ ઇવાપરઃ

સ્વપક્ષૈર્ આક્ષિપત્ય્ આશા બલેનાક્રમ્ય મેદિનીમ્ ।
નાચલે ગોત્રભિત્ત્વં સ કર્તુમ્ ઐષ્ટ મહીવૃષા

પ્રાપ્તે ભીમાનકં તસ્મિન્ સસૈન્યે દૈન્યમ્ આશ્રિતઃ ।
ભોટ્ટદેશમ્ અગાત્ તૂર્ણમ્ ઉર્વીપરિવૃઢો ભયાત્

"નિવર્તય ચમૂમ્ અન્યાં કિં મિથ્યા દેશપીડયા ।
અરાજકાસ્ ત્વયા પાલ્યાẖ કશ્મીરાẖ કુલનાથવત્"

ઇતિ શ્રીકોટયામાત્યૈḫ પ્રેરિતૈર્ લેખધારિભિઃ ।
આસારસૈન્યમ્ અચલḫ પ્રત્યમુઞ્ચદ્ વિમોહિતઃ

પ્રતિમુક્તનિજાસારસ્ સારહીનો ઽચલસ્ સ તૈઃ ।
માર્ગોત્સવચ્છલાત્ કઞ્ચિત્ કાલં માર્ગે વિલમ્બિતઃ

તાવચ્ છ્રીકોટયા દેવ્યા તદા પાલયિતું પ્રજાઃ ।
ભૌટ્ટẖ ખેરિઞ્ચનો નામ રાજભાવે ન્યયુજ્યત

પ્રમીતભર્તૃકોત્પન્નમૃતાપત્યેવ સા તદા ।
અદૂયત નિજૈસ્ સર્વૈશ્ ચિરસ્યાચલશેમુષી

તુષારલિઙ્ગપૂજાભિẖ કૃતાર્થીકૃત્ય વાસરાન્ ।
ભોટ્ટદેશાન્ નિજં દેશમ્ અગચ્છદ્ વીતભીર્ નૃપઃ