રાજતરઙ્ગિની · શ્લોક 161-180

નાલબ્ધ પિતરં પુત્રḫ પિતા તં ચ ન કઞ્ચન ।
ભ્રાતૄંશ્ ચ ભ્રાતરો ડલ્ચરાક્ષસોપપ્લવાત્યયે

મિતલોકા ખિલક્ષેત્રા નિર્ભોજ્યા દર્ભનિર્ભરા ।
સર્ગારમ્ભ ઇવ પ્રાયસ્ તદા કશ્મીરભૂર્ અભૂત્

સમર્થાન્ ન્યગ્રહીદ્ ડલ્ચો રિઞ્ચનḫ પ્રાભવત્ પુનઃ ।
વિશ્વમ્ અન્ધયતિ ધ્વાન્તે સુખભાજો ઽભિસારિકાઃ

ડલ્ચરાહુવિનિર્મુક્તં રાજાનં તુઙ્ગિમસ્પૃશા ।
અરુરુત્સત્ સ શૃઙ્ગેણ રિઞ્ચનાસ્તાચલસ્ તતઃ

દૃષ્ટ્વા ગગનગિર્યગ્રે ભાસ્વન્તં રિઞ્ચનં સ્થિતમ્ ।
અશઙ્ક્યત ન કૈ રાજ્ઞḫ પ્રત્યાસન્નો ઽસ્તસંસ્તવઃ

રિઞ્ચનશ્યેનરાજસ્ય જિહીર્ષોર્ નગરામિષમ્ ।
કુલચન્દ્રો રામચન્દ્રો વિઘ્નં ચક્રે પદે પદે

ભૌટ્ટાંલ્ લહરકોટ્ટાન્તḫ પટ્ટવિક્રયકૌતુકાત્ ।
પ્રત્યહં વઞ્ચનોદ્યોગી રિઞ્ચનો ઽથ વિસૃષ્ટવાન્

તથૈવ લહરસ્યાન્તર્ ભોટ્ટલોકે પ્રવેશિતે ।
અપિપ્યદ્ રામચન્દ્રાસ્રમધુ શસ્ત્રાણિ રિઞ્ચનઃ

રામચન્દ્રકુલોદ્યાનકલ્પવલ્લીં સ રિઞ્ચનઃ ।
વક્ષસ્સ્થલે મહાબાહુẖ કોટાદેવીમ્ અરોપયત્

શ્રીરિઞ્ચનભયાદ્ રાજા નગરં ત્યક્તવાંસ્ તતઃ ।
વિપ્રશાપાગ્નિદગ્ધાનાં કુતસ્ સ્યાદ્ ઉદયાઙ્કુરઃ

પ્રમણ્ડલગુહાં રાજજમ્બુર્ ભીતો ઽવિશત્ તતઃ ।
પાપસ્ય તાદૃશો મૃત્યુસ્ સમ્મુખસ્ય રણે કથમ્

વૈરિધારાધરશ્ ચિત્રં રણે રાજાસ્રવર્ષણૈઃ ।
દણ્ડદાનાં દ્વિજાતીનાં ચક્રે નેત્રેષ્વ્ અવગ્રહમ્

પઞ્ચાહોનાંશ્ ચતુર્માસાન્ વર્ષાંશ્ ચૈકોનવિંશતિમ્ ।
સ રાજરાક્ષસો રક્ષાવ્યાજાત્ ક્ષોણીમ્ અભક્ષયત્

13) લ્હ·છેન્ ર્ગ્યલ્·બુ રિન્·છેન્ (લ્સ્ 4396-4399)
શ્રીરિઞ્ચનસુરત્રાણો ભુજવાતાયને મહીમ્ ।
વ્યશિશ્રમદ્ અથ શ્રાન્તાં દૌસ્સ્થ્યાદ્ દુસ્સ્થિતિવિપ્લવૈઃ

પૂર્વદૃષ્ટમ્ ઇવાશેષં તિમિરાપગમે પુમાન્ ।
કશ્મીરમણ્ડલમ્ પૂર્વરાજસૌખ્યં તદ્ ઐક્ષત

દીપૈર્ ઇવ પ્રતિસ્થાનં યૈર્ લવન્યૈસ્ સ્થિરં સ્થિતમ્ ।
અકમ્પ્યન્ત પ્રભાતસ્ય તે રાજ્ઞો બલવાયુના

મન્ત્રસૂચ્યા કૃતે ભેદે બાણસૂત્રે પ્રવેશિનિ ।
અભૂલ્ લવન્યકન્થાયાશ્ ચિત્રં વિશ્લથતા તદા

વને કણ્ટકિનીવાઙ્ગ નગ્નો યત્રાકુલો ભવેત્ ।
તત્રૈવ વ્યોમ્નિ પત્ત્રીવ દેશે સમચરન્ નૃપઃ

તસ્ય દાક્ષિણ્યદક્ષસ્ય પ્રજાનાં હિતહેતુના ।
પુત્રે મન્ત્રિણિ મિત્રે વા દુષ્ટે નાલક્ષ્યત ક્ષમા

છેદં યચ્છન્ન્ અતુચ્છાનાં વૈરિણામ્ ઉચ્છલચ્છ્રિયામ્ ।
આચ્છોટનમ્ અગચ્છત્ સ છત્ત્રશાલી કદાચન