રાધાકૃષ્ણાષ્ટકાલીયલીલાસ્મરણક્રમપદ્ધતિ · શ્લોક 41-60

કઙ્કણાઙ્ગદ-કેયૂર-રત્ન-મુદ્રાલસત્-કરઃ ।
મુક્તાહાર-સ્ફુરદ્-વક્ષા મકરાકૃતિ-કુણ્ડલઃ

મુહુર્ આકારિતો માત્રા પ્રવિશેદ્ ભોજનાલયે ।
અવલમ્બ્ય કરં માતુર્ બલદેવમ્ અનુવ્રતઃ

ભુક્ત્વા ચ વિવિધાન્નાનિ માત્રા ચ સખિભિર્ વૃતઃ ।
હાસયન્ વિવિધૈર્ વાક્યૈઃ સખીંસ્ તૈર્ હાસિતઃ સ્વયમ્

ઇત્થં ભુક્ત્વા તથાચમ્ય દિવ્ય-ખટ્ટોપરિ ક્ષણાત્ ।
વિશ્રમેત્ સેવકૈર્ દત્તં તામ્બૂલં વિભજન્ન્ અદન્

રાધાપિ ભોજનાનન્દં દૃષ્ટ્વા યશોદયાહૂત ।
લલિતાદિ-સખી-વૃતા ભુઙ્ક્તે ઽન્નં લજ્જયાન્વિતા

ઇતિ પ્રાતઃ-સેવા
અથ પૂર્વાહ્ન-સેવા--
ગોપ-વેશ-ધરઃ કૃષ્ણો ધેનુ-વૃન્દ-પુરઃ-સરઃ ।
વ્રજ-વાસિ-જનૈઃ પ્રીત્યા સર્વૈર્ અનુગતઃ પથિ

પિતરં માતરં નત્વા નેત્રાન્તેન પ્રિયા-ગણાન્ ।
યથાયોગ્યં તથા ચાન્યાન્ સન્નિવર્ત્ય વનં વ્રજેત્

વનં પ્રવિશ્ય સખિભિઃ ક્રીડિત્વા ચ ક્ષણં તતઃ ।
વઞ્ચયિત્વા ચ તાન્ સર્વાન્ દ્વિ-ત્રૈઃ પ્રિય-સખૈર્ યુતઃ

સઙ્કેતકં વ્રજેદ્ ધર્ષાત્ પ્રિયા-સન્દર્શનોત્સુકઃ ।
સાપિ કૃષ્ણે વનં યાતે દૃષ્ટ્વા તં ગૃહમ્ આગતા

સૂર્યાદિ-પૂજા-વ્યાજેન કુસુમાદ્ય્-આહૃતિ-ચ્છલાત્ ।
વઞ્ચયિત્વા ગુરૂન્ યાતિ પ્રિય-સઙ્ગેચ્છયા વનં

ઇતિ પૂર્વાહ્ન-સેવા
અથ મધ્યાહ્ન-સેવા--
ઇત્થં તૌ બહુ-યત્નેન મિલિત્વા સ્વ-ગણૈર્ વૃતૌ ।
વિહારૈર્ વિવિધૈસ્ તત્ર વને વિક્રીડતો મુદા

સ્યન્દોલિકા-સમારૂઢૌ સખીભિર્ દોલિતૌ ક્વચિત્ ।
ક્વચિદ્ વેણું કર-સ્રસ્તં પ્રિયયા ચોરિતં હરિઃ

અન્વેષયન્ન્ ઉપાલબ્ધો વિપ્રલબ્ધઃ પ્રિયા-ગણૈઃ ।
હાસિતો બહુધા તાભિર્ હૃત-સ્વ ઇવ તિષ્ઠતિ

વસન્ત-ઋતુના જુષ્ટં વન-ખણ્ડં ક્વચિન્ મુદા ।
પ્રવિશ્ય ચન્દનામ્ભોભિઃ કુઙ્કુમાદિ-જલૈર્ અપિ

વિષિઞ્ચતો યન્ત્ર-મુક્તૈસ્ તત્-પઙ્કેનાપિ તૌ મિથઃ ।
સખ્યો ઽપ્ય્ એવં વિષિઞ્ચન્તિ તાશ્ ચ તૌ સિઞ્ચતઃ પુનઃ

તથાન્યર્તુસુ જુષ્ટાસુ ક્રીડતો વન-રાજિષુ ।
તત્-તત્-કાલોચિતૈર્ નાના-વિહારૈઃ સ-ગણૌ દ્વિજ

શ્રાન્તૌ ક્વચિદ્ વૃક્ષ-મૂલમ્ આસાદ્ય મુનિ-સત્તમ ।
ઉપવિશ્યાસને દિવ્યે મધુ-પાનં પ્રચક્રતુઃ

તતો મધુ-મદોન્મત્તૌ નિદ્રયા મીલિતેક્ષણૌ ।
મિથઃ પાણિં સમાલમ્બ્ય કામ-બાણ-વશઙ્ગતૌ

રિરંસુ વિશતઃ કુઞ્જં સ્ખલત્-પાદાબ્જકૌ પથિ ।
તતો વિક્રીડતસ્ તત્ર કરિણી-યૂથપૌ યથા

સખ્યો ઽપિ મધુભિર્ મત્તા નિદ્રયા પિહિતેક્ષણાઃ ।
અભિતઃ કુઞ્જ-પુઞ્જેષુ સાર્વા એવ વિલિલ્યિરે