રાધાકૃષ્ણાષ્ટકાલીયલીલાસ્મરણક્રમપદ્ધતિ · શ્લોક 141-160

અતએવ પાદ્મોત્તર-ખણ્ડોક્તં દ્વારકાધિપતેર્ વૃન્દાવનં પ્રતિ-ગમનં ક્ષીરાબ્ધિશાય્ય્ આવિષ્ટત્વાત્ ક્ષીરાબ્ધિશાયિનો દ્રોણાદીનાં લબ્ધ-વર-ત્વાત્, તેષાં પુનઃ સ્વ-સ્થાન-પ્રાપણાર્થમ્ એવેત્ય્ અવગન્તવ્યમ્ ।
શ્રીમદ્-ભાગવત-વાક્યાનામ્ એવં વિચારો ઽવગન્તવ્યઃ પદ્મોત્તર-ખણ્ડે તુ ôકાલિન્દિ-પુલિને રમ્યેö ઇત્ય્ અત્ર શ્રી-દ્વારકા-નાથસ્ય શ્રી-નન્દ-નન્દન-મધુર-લીલા-સંદર્શને સોત્કણ્ઠત્વાદ્ વ્યોમ-યાનૈર્ એત્ય શ્રી-વૃન્દાવને માસ-દ્વયમ્ ઉવાસેત્ય્ અભિપ્રાયો જ્ઞેયઃ ।
તદ્ યથા શ્રી-લલિત-માધવે (8.34)--ôઅપરિકલિત-પૂર્વઃö ઇત્યાદિ ।
ઇતિ તે સર્વમ્ આખ્યાતં નૈત્યિકં ચરિતં હરેઃ ।
પાપિનો ઽપિ વિમુચ્યન્તે સ્મરણાદ્ યસ્ય નારદ

અષ્ટ-કાલોક્ત-શુશ્રૂષા-નન્તરં સાધકઃ ક્રમાત્ ।
દ્વાત્રિંશદ્-અક્ષર-મુખ્યાન્ જપેન્ મન્ત્રાન્ અતન્દ્રિતઃ

મહા-મન્ત્રં જપેદ્ આદૌ દશાર્ણં તદ્-અનન્તરમ્ ।
તતઃ શ્રી-રાધિકા-મન્ત્રં ગાયત્રીં કામકીં તથા

તતો યુગલ-મન્ત્રં ચ જપેદ્ રાસ-સ્થલી-પ્રદમ્ ।
તતો ઽષ્ટાનાં સખીનાં ચ જપેન્ મન્ત્રાન્ યથા-ક્રમમ્ ।
તતઃ ષણ્-મઞ્જરીણાં ચ સ્વ-સ્વ-મન્ત્રાન્ ક્રમાજ્ જપેત્

યથા આદિ-પુરાણે--
ગોપી-ભાવેન યે ભક્તા મામ્ એવ પર્યુપાસતે ।
તેષુ તાસ્વ્ ઇવ તુષ્ટો ઽસ્મિ સત્યં સત્યં ધનઞ્જય

વેશ-ભૂષા-વયો-રૂપૈર્ ગોપિકા-ભાવમ્ આશ્રિતાઃ ।
ભાવુકીયાશ્ ચ તદ્-ભાવં યાન્તિ પાદ-રજો ઽર્ચનાત્

યથા એકામ્ર-પુરાણે--
અહો ભજન-માહાત્મ્યં વૃન્દાવન-પતેર્ હરેઃ ।
પુમાન્ યોષિદ્ ભવેદ્ યત્ર યોષિદ્-આત્મ-સમાનિકા

પાદ્મે ચ (ઉત્તર-ખણ્ડે)--
પુરા મહર્ષયઃ સર્વે દણ્ડકારણ્ય-વાસિનઃ ।
રામં દૃષ્ટ્વા હરિં તત્ર ભોક્તુમ્ ઐચ્છન્ સુ-વિગ્રહમ્

તે સર્વે સ્ત્રીત્વમ્ આપન્નાઃ સમુદ્ભૂતાશ્ ચ ગોકુલે ।
હરિં સમ્પ્રાપ્ય કામેન તતો મુક્તા ભવાર્ણવાત્

બૃહદ્-વામન-સિદ્ધાશ્ ચ શ્રુતયો ઽપિ યથા પુરા ।
ગોપી-ભાવેન સંસેવ્ય સમુદ્ભૂતા હિ ગોકુલે

યદ્-ઉક્તં શ્રી-રૂપ-ગોસ્વામિ-ચરણૈઃ--
હરિં સુ-રાગ-માર્ગેણ સેવતે યો નરોત્તમઃ ।
કેવલેનૈવ સ તદા ગોપિકાત્વમ્ ઇયાદ્ વ્રજે

ભક્તિ-તત્ત્વ-કૌમુદ્યામ્--
એકસ્મિન્ વાસના-દેહે યદિ ચાન્યસ્ય ભાવના ।
તર્હિ તત્ સામ્યમ્ એવ સ્યાત્ યથા વૈ ભરતે નૃપે

યથા સનત્-કુમાર-સંહિતાયામ્--
શ્રી-નારદ ઉવાચ--
ધન્યો ઽસ્મ્ય્ અનુગૃહીતો ઽસ્મિ ત્વયા દેવિ ન સંશયઃ ।
હરેર્ મે નૈત્યિકી લીલા યતો મે ઽદ્ય પ્રકાશિતા

શ્રી-સનત્-કુમાર ઉવાચ--
ઇત્ય્ ઉક્ત્વા તાં પરિક્રમ્ય તયા ચાપિ પ્રપૂજિતઃ ।
અન્તર્ધાનં ગતો રાજન્ નારદો મુનિ-સત્તમઃ

મયાપ્ય્ એતદ્ આનુપૂર્વ્યં સર્વં તત્ પરિકીર્તિતમ્ ।
જપન્ નિત્યં પ્રયત્નેન મન્ત્ર-યુગ્મમ્ અનુત્તમમ્

કૃષ્ણ-વક્ત્રાદ્ ઇદં લબ્ધં પુરા રુદ્રેણ યત્નતઃ ।
તેનોક્તં નારદાયાથ નારદેન મયોદિતમ્

સંસારાગ્નિ-વિનાશાય મયાપ્ય્ એતત્ તવોદિતમ્ ।
ત્વયા ચૈતદ્ ગોપનીયં રહસ્યં પરમાદ્ભુતમ્

શ્રી-અમ્બરીષ ઉવાચ--
કૃત-કૃત્યો ઽભવં સાક્ષાત્ ત્વત્ પ્રસાદાદ્ અહં ગુરો ।
રહસ્યાતિરહસ્યં યત્ ત્વયા મહ્યં પ્રકાશિતમ્

શ્રી-સનત્-કુમાર ઉવાચ--
ધર્માન્ એતાન્ ઉપાદિષ્ટો જપન્ મન્ત્રમ્ અહર્ નિશમ્ ।
અચિરાદ્ એવ તદ્-દાસ્યમ્ અવાપ્સ્યસિ ન સંશયઃ

ôએતાન્ ધર્માન્--અષ્ટ-કાલ-સેવા-રૂપાન્; મન્ત્રમ્--યુગલ-મન્ત્રમ્; તદ્-દાસ્યમ્--તયોઃ શ્રી-રાધા-કૃષ્ણયોર્ દાસ્યં દાસી-ભાવમ્ö ઇતિ ।
મયાપિ ગમ્યતે રાજન્ ગુરોર્ આયતનં મમ ।
વૃન્દાવને યત્ર નિત્યં ગુરુર્ મે ઽસ્તિ સદાશિવઃ