રાધાકૃષ્ણાષ્ટકાલીયલીલાસ્મરણક્રમપદ્ધતિ · શ્લોક 121-140

એકયા કલયા દ્વાભ્યાં મથુરા-દ્વારકાધિપૌ ।
વૃન્દાવન-પતે રૂપૌ પૂર્ણૌ સ્વે સ્વે પદે રસે

મથુરા-નાથો વૃન્દાવનાધિપાપેક્ષયા સ્વરૂપેણ લીલયા ચ એકયા કલયા ઊનઃ ।
મથુરા-લીલાયાં મથુરાયાં ચ સમ્પૂર્ણ-ષોડશ-કલઃ ।
તથા દ્વારકા-નાથો વૃન્દાવનાધિપાપેક્ષયા સ્વરૂપેણ લીલયા ચ ।
દ્વાભ્યાં કલાભ્યામ્ ઊનઃ ।
દ્વારકાયાં દ્વારકા-લીલાયાં ચ પૂર્ણ-ષોડશ-કલઃ ।
શ્રીર્ ભૂ-લીલા યોગમાયા ચિન્ત્યાચિન્ત્યા તથૈવ ચ ।
મોહિની કૌશલીત્ય્ અષ્ટૌ બહિરઙ્ગાશ્ ચ શક્તયઃ

લીલા પ્રેમ-સ્વરૂપા ચસ્થાપન્ય્ આકર્ષણી તથા ।
સંયોગિની વિયોગિન્યા-હ્લાદિનીત્ય્ અન્તરઙ્ગિકા

વ્રજે શ્રી-કૃષ્ણ-ચન્દ્રસ્ય સન્તિ ષોડશ-શક્તયઃ ।
પોષિકા મધુરસ્યૈવ તસ્યૈતા વૈ સનાતનાઃ

હ્લાદિની ય મહા-શક્તિઃ સર્વ-શક્તિ-વરીયસી ।
તત્-સાર-ભાવ-રૂપા શ્રી-રાધિકા પરિકીર્તિતા

તયા શ્રી-કૃષ્ણ-ચન્દ્રસ્ય ક્રિડાયાઃ સમયે મુને ।
તદ્-આવિષ્ટં વાસુદેવં સહ ક્ષીરાબ્ધિ-નાયકમ્

અન્તરીક્ષ્ય-ગતં કુર્યાચ્ છક્તિર્ આકર્ષણી હરેઃ ।
ક્રીડાન્તે સ્થાપયેત્ તન્તુ સ્થાપની કૃષ્ણ-દેહતઃ

સમ્પૂર્ણ-ષોડશ-કલઃ કેવલો નન્દ-નન્દનઃ ।
વિક્રીડન્ રાધયા સાર્ધં લભતે પરમં સુખમ્

શ્રી-નારદ ઉવાચ--
ગતે મધુ-પુરીં કૃષ્ણે વિપ્રલમ્ભ-રસઃ કથમ્ ।
વાસુદેવે રાધિકાયાઃ સંશયં છિન્ધિ મે પ્રભો

શ્રી-સદાશિવ ઉવાચ--
શક્તિઃ સંયોગિની કામા વામા શક્તિર્ વિયોગિની ।
હ્લાદિની કીર્તિદા-પુત્રી ચૈવં રાધા-ત્રયં વ્રજે

મમ પ્રાણેશ્વરઃ કૃષ્ણસ્ ત્યક્ત્વા વૃન્દાવનં ક્વચિત્ ।
કદાચિન્ નૈવ યાતીતિ જાનીતે કીર્તિદા-સુતા

કામા-વામે ન જાનીત ઇતિ ચ બ્રહ્મ-નન્દન ।
રાસારમ્ભ ઇવાન્તર્ધિં ગતવાન્ નન્દ-નન્દનઃ

મથુરાં મથુરા-નાથો વાસુદેવો જગામ હ ।
અન્તર્-હિતે નન્દ-સુતે શ્રીમદ્-વૃન્દાવને મુને

પ્રવાસાખ્યં રસં લેભે રાધા વૈ કીર્તિદા-સુતા ।
તતો વદન્તિ મુનયઃ પ્રવાસં સઙ્ગ-વિચ્યુતિમ્

મમ જીવન-નેતા ચ ત્યક્ત્વા માં મથુરાં ગતઃ ।
ઇતિ વિહ્વલિતા વામા રાધા યા વિરહાદ્ અભૂત્

યમુનાયાં નિમગ્ના સા પ્રકાશં ગોકુલસ્ય ચ ।
ગોલકં પ્રાપ્ય તત્રાભૂત્ સંયોગ-રસ-પેશલા

કામા રાધા ચ મથુરા-વિરહેણ નિપીડિતા ।
કુરુક્ષેત્રં ગતા તીર્થ-યાત્રા-પરમ-લાલસા

નન્દ-નન્દન-ભાવ-જ્ઞ ઉદ્ધવો વ્રજમ્ આગતઃ ।
સાન્ત્વયિષ્યન્ કીર્તિદાયાઃ સુતાં માસ-દ્વયે ગતે

રાધામ્ આસ્વાદયામાસ શ્રીમદ્-ભાગવતાર્થકં ।
કથાયાં ભાગવત્યાન્તુ જાતાયાં મુનિ-પુઙ્ગવ

વ્રજેન્દ્ર-નન્દનઃ શ્રીમાંસ્ તદા પ્રત્યક્ષતાં ગતઃ