રાધાકૃષ્ણાષ્ટકાલીયલીલાસ્મરણક્રમપદ્ધતિ · શ્લોક 101-120

શ્લાઘયંશ્ ચ હરિસ્ તાનિ ભુક્ત્વા પિત્રાદિભિઃ સહ
સભા-ગૃહં વ્રજેત્ તૈશ્ ચ જુષ્ટં વન્દિ-જનાદિભિઃ

પક્વાન્નાનિ ગૃહીત્વા યાઃ સખ્યસ્ તત્ર સમાગતાઃ ।
બહૂનિ ચ પુનસ્ તાનિ પ્રદત્તાનિ યશોદયા

સખ્યા તત્ર તયા દત્તં કૃષ્ણોચ્છિષ્ટં તથા રહઃ
સર્વં તાભિઃ સમાનીય રાધિકાયૈ નિવેદ્યતે

સાપિ ભુક્ત્વા સખી-વર્ગ-યુતા તદ્-અનુપૂર્વશઃ
સખીભિર્ મણ્ડિત તિષ્ઠેદ્ અભિસર્તું મુદાન્વિતા

પ્રસ્થાપ્યતે ઽનયા કાચિદ્ ઇત એવ તતઃ સખી ।
તયાભિસારિતા સા ઽથ યમુનાયાઃ સમીપતઃ

કલ્પ-વૃક્સ-નિકુઞ્જે ઽસ્મિન્ દિવ્ય-રત્ન-મયે ગૃહે ।
સિત-કૃષ્ણ-નિશાયોગ્ય-વેશ યાતિ સખી-યુતા

કૃષ્ણો ઽપિ વિવિધં તત્ર દૃષ્ટ્વા કૌતુહલં તતઃ ।
કવિત્વાનિ મનોજ્ઞાનિ શ્રુત્વા ચ ગીતકાન્ય્ અપિ

ધન-ધાન્યાદિભિસ્ તાંશ્ ચ પ્રીણયિત્વા વિધાનતઃ ।
જનૈર્ આકારિતો માત્રા યાતિ શય્યા-નિકેતનમ્

માતરિ પ્રસ્થિતાયાન્તુ ભોજયિત્વા તતો ગૃહાત્ ।
સઙ્કેતકં કાન્તયાત્ર સમાગચ્છેદ્ અલક્ષિતઃ

ઇતિ પ્રદોષ-સેવા
અથ રાત્રિ-સેવા-
મિલિત્વા તાવ્ ઉભાવ્ અત્ર ક્રીડતો વન-રાજિષુ ।
વિહારૈર્ વિવિધૈર્ હાસ્ય-લાસ્ય-ગીત-પુરઃસરૈઃ

સાર્ધ-યામ-દ્વયં નીત્વા રાત્રેર્ એવં વિહારતઃ ।
સુષુપ્સૂ વિશતઃ કુઞ્જં પઞ્ચ-ષાભિર્ અલક્ષિતૌ

નિર્વૃન્ત-કુસુમૈઃ ક્ પ્તે કેલિ-તલ્પે મનોરમે ।
સુપ્તાવતિષ્ઠતાં તત્ર સેવ્યમાનૌ પ્રિયાલિભિઃ

ઇતિ રાત્રિ-સેવા
શ્રી-નારદ ઉવાચ--
શ્રોતુમ્ ઇચ્છામિ ભો દેવ વ્રજ-રાજ-સુતસ્ય ચ ।
વૃન્દાવને રસં દિવ્યં રાધયૈકાન્તિકં સહ

શ્રી-સદાશિવ ઉવાચ--
શૃણુ નારદ વક્ષ્યામિ રાધા-કૃષ્ણ-રસં શુચિં ।
સુ-ગોપ્યં પરમોદારં ન વક્તવ્યં હિ કસ્યચિત્

ઐકાન્તિક-રસાસ્વાદં કર્તું વૃન્દાવને મુને ।
વ્રજ-રાજ-કુમારં ચ બહુ-કાલમ્ અભાવયમ્

મયિ પ્રસન્નઃ શ્રી-કૃષ્ણો મન્ત્ર-યુગ્મમ્ અનુત્તમમ્ ।
યુગલાખ્યં દદૌ મહ્યં સ્વીયોજ્જ્વલ-રસાપ્લુતમ્

સમબ્રવીત્ તદા કૃષ્ણઃ સ્વ-શિષ્યં માં સ્વકં રસમ્ ।
બ્રવીમિ ત્વાં શૃણુષ્વાદ્ય બ્રહ્માદીનામ્ અગોચરમ્

વ્રજ-રાજ-સુતો વૃન્દા-વને પૂર્ણતમો વસન્ ।
સમ્પૂર્ણ-ષોડશ-કલા વિહારં કુરુતે સદા

વાસુદેવઃ પૂર્ણતરો મથુરાયાં વસન્ પુરિ ।
કલાભિઃ પઞ્ચ-દશભિર્ યુતઃ ક્રીડતિ સર્વદા

દ્વારકાધિપતિર્ દ્વાર-વત્યાં પૂર્ણસ્ ત્વ્ અસૌ વસન્ ।
ચતુર્-દશ-કલાયુક્તો વિહરત્ય્ એવ સર્વદા