પૈપ્પલાદ-સંહિતા · અધ્યાય 7.3

તિગ્મેભિર્ અગ્ને અર્ચિભિઃ
શુક્રેણ દેવ શોચિષા ।
આમાદો નિ વહ ત્વમ્
અન્યમ્ આસનિ કૃણ્વતામ્ ॥

શોચિષાગ્ને અર્ચિષા ચ
નિર્ દહેતો અઘાયતઃ ।
સખ્યમ્ આવં કૃણ્વહે ત્વં ચ-
-આમાદ ઉપ શં ભુવન્ ॥

નિર્ આમાદો નયામસિ
નિષ્ ક્રવ્યાદો ગૃહેભ્યઃ ।
સસ્યાદો નામ યે દેવ
તે અગ્ને મા દભન્ ત્વામ્ ॥

આમાદશ્ ચ ક્રવ્યાદશ્ ચ
સસ્યાદશ્ ચોભયાન્ સહ ।
પ્રજાં યે ચક્રિરે ભાગં
તાન્ ઇતો નિર્ ણયામસિ ॥

ય આમેષ્વ્ અરમન્ત
ન પક્વમ્ ઉપદાધૃષુઃ ।
તે યન્તુ સર્વે સંભૂય-
-અન્યત્રેતો ઽઘાયવઃ ॥

ય એનસ્વી દુષ્કૃતકૃત્
કિલ્બિષકૃતસાધી યઃ ।
પુનસ્ તાન્ યજ્ઞિયા દેવા
નયન્તુ યત આગતાઃ ॥

અવ રેણુમ્ અવ રજો
નેનિજે હસ્ત્યં મલમ્ ।
ધાતા નો ભદ્રયા નેષત્
સ નો ગોપાયતુ પ્રજામ્ ॥

કૃણ્વે ઽહં રોદસી વર્મ
સ્યામ સવિતુઃ સવે ।
માતા નો ભદ્રયા ભૂમિર્
દ્યૌશ્ ચાસ્માન્ પાત્વ્ અંહસઃ ॥

યદ્ અસુરાણામ્ અહન્ય્
અસ્માન્ પાપા ઉપેથન ।
દેવાનાં પયશ્ ચ દૈવ્યમ્
આપઃ શુન્ધન્તુ મામ્ ઇમાઃ ॥

આ તે પિતર્ મરુતાં સુમ્નમ્ એમિ
મા નઃ સૂર્યસ્ય સંદૃશો યુવથાઃ ।
અભિ નો વીરો ઽર્વતીઃ ક્ષમેત
પ્ર જાયામહૈ રુદ્ર પ્રજયા ॥

યો ઽવૃદ્ધં હન્તિ યો ગર્ભે અન્તર્
યો જાતં જનિતવ્યં ચ પૂરુષમ્ ।
તસ્મા ઋધ્યાસં હવિષાહમ્ અદ્ય
સ નઃ પ્રજાં જરદષ્ટિં કૃણોતુ ॥