પૈપ્પલાદ-સંહિતા · અધ્યાય 7.2

ઓક્તે મે દ્યાવા પૃથિવી
ઓક્તા દેવી સરસ્વતી ।
ઓક્તૌ મ ઇન્દ્રશ્ ચાગ્નિશ્ ચ
ક્રિમિં જમ્ભયતામ્ ઇમમ્ ॥

અસ્યેન્દ્ર કુમારસ્ય
ક્રિમિં ધનપતે જહિ ।
હતા વિશ્વા અરાતયો
ઽનેન વચસા મમ ॥

યો +ઽક્ષ્યૌ પરિસર્પતિ
યો નાસે પરિસર્પતિ ।
દતાં યો મધ્યં ગચ્છતિ
તં ક્રિમિં જમ્ભયામસિ ॥

વિરૂપૌ દ્વૌ સરૂપૌ દ્વૌ
કૃષ્ણૌ દ્વૌ રોહિતૌ દ્વૌ ।
બભ્રુશ્ ચ બભ્રુકર્ણશ્ ચ
ગૃધ્રાઃ કોકાશ્ ચ તે હતાઃ ॥

યે ક્રિમયઃ શિતિકક્ષા
યે કૃષ્ણાઃ શિતિબાહવઃ ।
યે કે ચ વિશ્વરૂપાસ્
તાન્ ક્રિમીઞ્ જમ્ભયામસિ ॥

યો દ્વિશીર્ષા ચતુરક્ષઃ
ક્રિમિઃ સારઙ્ગો અર્જુનઃ ।
શૃણામ્ય્ અસ્ય પૃષ્ટીર્
અપિ વૃશ્ચામિ યચ્ છિરઃ ॥

ઉદ્ અસૌ સૂર્યો અગાદ્
વિશ્વદૃષ્ટો અદૃષ્ટહા ।
દૃષ્ટાંશ્ ચ ઘ્નન્ન્ અદૃષ્ટાંશ્ ચ
સર્વાંશ્ ચ પ્રમૃણન્ ક્રિમીન્ ॥

યેવાષાસઃ કષ્કષાસો
ધ્રૂક્ષ્ણાસઃ શિપવિત્નવઃ ।
દૃષ્ટશ્ ચ હન્યતાં ક્રિમિર્
અદૃષ્ટશ્ ચોત હન્યતામ્ ॥

હતો યેવાષો હતઃ શિપવિર્
હતો ગઙ્ગણિવાઁ ઉત ।
હતા વિશ્વા અરાતય
ઉગ્રેણ વચસા મમ ॥

સર્વેષાં ચ ક્રિમીણાં
સર્વાસાં ચ ક્રિમીણામ્ ।
ભિનદ્મ્ય્ અશ્મના શિરો
દહામ્ય્ અગ્નિના મુખમ્ ॥