પૈપ્પલાદ-સંહિતા · અધ્યાય 6.7

કશ્યપશ્ ચ સુપર્ણશ્ ચ
યન્ મરીચ્યામ્ અતિષ્ઠતામ્ ।
સુપર્ણઃ પર્ય્ અવાપશ્યત્
સમુદ્રે ભૂમિમ્ આવૃતામ્ ॥

યાં સુપર્ણઃ પર્યપશ્યદ્
અન્તર્ મહત્ય્ અર્ણવે ।
તાં સૂકર ત્વં માયયા
ત્રિઃ સમુદ્રાદ્ ઉદ્ આભરઃ ॥

યં સમુદ્રાદ્ ઉદભરો
ભૂમિં સૂકર માયયા ।
સૈષા વિષસ્ય દૂષણ્ય્
અસ્મૈ ભવતુ ભેષજી ॥

અચ્યુતા હિરણ્યેન
યા સત્યે અધિતિષ્ઠતિ ।
તસ્યાસ્ તે વિશ્વધાયસો
વિષદૂષણમ્ ઉદ્ ભરે ॥

યસ્યાઃ કુલાયમ્ ઇત્ય્ એકા ॥

યસ્યા ભૂમ્યા ઉપજીકા
ગૃહં કૃણ્વત આત્મને ।
તસ્યાસ્ તે વિશ્વધાયસો
વિષદૂષણમ્ ઉદ્ ભરે ॥

યસ્ ત્વા ભૂમે ઽન્વવિન્દદ્
યસ્ ત્વા ભૂમ ઉદાભરત્ ।
તયોઃ સહસ્રધામન્ન્
અહં નામાનિ જગ્રભ ॥

યાનિ ત ઇન્દ્રો અકૃણોદ્
ભૂમે નામાનિ વૃત્રહા ।
તાનિ તે બભ્રોઃ સં વિદ્મ
સેહૈધિ વિષદૂષણી ॥

યાનિ તે મરુતશ્ ચક્રુર્
યાનિ સપ્તર્ષયો વિદુઃ ।
વિશ્વ આદિત્યા યાં વિદુઃ
સા ભૂમિર્ વિષદૂષણી ॥