પૈપ્પલાદ-સંહિતા · અધ્યાય 6.6

મધુમન્ મે નિક્રમણં
મધુમન્ મે પરાયણમ્ ।
વાચા મધુમદ્ ઉદ્યાસમ્
અક્ષ્યૌ મે મધુસંદૃશી ॥

મામ્ અનુ પ્રસારયન્
મમ પત્તો નિપેદિવાન્ ।
અથો મે પુનર્ આયતો
અક્ષ્યૌ કામેન શુષ્યતામ્ ॥

વશા મધુઘ તે માતા-
-ઉક્ષા ભ્રાતર્ષભઃ પિતા ।
ધેન્વા અધિ પ્રજાતો ઽસિ
રાજા સન્ મધુમત્તમઃ ॥

વૃષાણં વૃષ્ણ્યાવન્તં
સોમપૃષ્ઠં દિવિ શ્રિતમ્ ।
ઇન્દ્રાણ્ય્ અગ્ર આભરન્
મધુઘં ભગાય કમ્ ॥

પિતુભોજનો મધુઘઃ
શૌષ્કાસ્યો હૃદયાય કમ્ ।
સ મા મધુનાનક્તુ
યથાહં કામયે તથા ॥

સિન્ધુપ્રજાનો મધુઘો
અશ્વ ઇવ નીયતે જનાઁ અનુ ।
સ મા (…) ॥

મધુમતી સિનીવાલી
મધુના મા સમ્ ઉક્ષતુ ।
સા મા મધુનાનક્તુ
યથાહં કામયે તથા ॥

યથા મધુ મધુકૃતો
ન્યઞ્જન્તિ મધાવ્ અધિ ।
એવા ન્ય્ અનજ્મિ તે મનો
અધ્ય્ અસ્યાં મામકી તનૂ ॥

યત્ તે મનઃ પરાગતં
યદ્ બદ્ધમ્ ઇહ વેહ વા ।
તત્ ત આ વર્તયામસિ
મયિ બધ્નામિ તે મનઃ ॥