પૈપ્પલાદ-સંહિતા · અધ્યાય 6.8

સહસ્વ યાતુધાનાન્
સહસ્વ યાતુધાન્યઃ ।
સહસ્વ સર્વા રક્ષાંસિ
સહમાનાસ્ય્ ઓષધે ॥

સહમાને સહસ્વતિ
સહન્ત્ય્ અહમુત્તરે ।
ઉતાહમ્ અસ્મિ સાસહિઃ
સાસહે વઃ સદાન્વાઃ ॥

યા સહમાના ચરસિ
સાસહાન ઇવર્ષભઃ ।
સદાન્વાઘ્ની રક્ષોઘ્ની
સા ત્વમ્ ઉગ્રાસ્ય્ ઓષધે ॥

ખેલે હૈ લમ્બનસ્તનિ
નશ્યેતઃ પ્રામુતઃ પત ।
ન ત્વામ્ અવિવ્યચદ્ ઇહ-
-ઉક્ષેવ શૃઙ્ગવચ્ છિરઃ ॥

અસુવાને બહુપુત્રે
અનન્તર્વે મહોદરિ ।
પથાસ્મત્ સત્વરે ત્વં
શર્કરા બપ્સતી ચર ॥

યે ઽરાયાશ્ ચરથ
પાકસ્યેચ્છન્ત આસુતિમ્ ।
તાન્ અગ્ને કૃષ્ણવર્તને
તીક્ષ્ણશૃઙ્ગોદૃષન્ન્ ઇહિ ॥

અદો યદ્ દારુ પ્લવતે
સિન્ધોર્ મધ્યે અપૂરુષમ્ ।
તદ્ આ રભસ્વ દુર્હણો
તેન યાહિ પરસ્તરમ્ ॥

યસ્યા જનિત્રમ્ ઇષ્ટર્ગા
અદૃષ્ટાઃ ક્રિમયઃ પ્લુષયઃ ।
તસ્યૈ બલાસપત્ન્યૈ
નમસ્ કૃણોમિ કુષ્ઠ્યૈ ॥

શર્વપુત્રે ભવપત્નિ
યાતુભ્રાત્રિ સદાન્વે ।
તસ્યાદ્ધિ પુત્રાન્ ભ્રાતૄંશ્ ચ
યત્ર ત્વા વિનયામસિ ॥