ગ્રંથ પાઠ

પૈપ્પલાદ-સંહિતા · અધ્યાય 6.15

6.15.1

યશ્ ચ ભૂમા યા ચ સ્ફાતિર્
યોર્જા યો રસશ્ ચ તે ।
હરામિ શક્ર તાઁ અહં
ત્વયા પ્રત્તાં શચીપતે ॥

6.15.2

ક્ષેત્રાત્ક્ષેત્રાદ્ આ હરામિ
સ્ફાતિં સર્વાં શચીપતે ।
ત્વયાહં વૃત્રહન્ પ્રત્તમ્
આ હરામિ ગૃહાઁ ઉપ ॥

6.15.3

યસ્ તે સીતાભગઃ ક્ષેત્રે
યા રાદ્ધિર્ યચ્ ચ શીયતે ।
અથો યા નિષ્ઠા તે ક્ષેત્રે
તાં ત આદિષિ બ્રહ્મણા ॥

6.15.4

યત્ ખલે યન્ મયારે
યદ્ ગોષ્ઠે યચ્ ચ શેવધૌ ।
અથો યત્ કુમ્ભ્યાં શયે
તસ્ય તે રસમ્ આ દદે ॥

6.15.5

ઊર્જા યા તે નિરુપ્તસ્ય-
-ઊર્જા યાવહતસ્ય તે ।
ઊર્જાં તે પિષ્યમાણસ્ય-
-ઊર્જાં પિષ્ટાત્ ત આ દદે ॥

6.15.6

(…) તે નિરુપ્તસ્ય-
-ઊર્જા યાવહતસ્ય તે ।
ઊર્જાં તે પચ્યમાનસ્ય-
-ઊર્જાં પક્વાત્ તે (…) ॥

6.15.7

ઊર્જા યા તે પ્રણદ્ધસ્ય -
-ઊર્જા યા મથિતસ્ય તે ।
ઊર્જાં તે દુહ્યમાનસ્ય-
-ઊર્જાં દુગ્ધાત્ ત આ દદે ॥

6.15.8

આ તે દદે ગવામ્ ઊર્જામ્
ઊર્જામ્ અવિભ્ય આ દદે ।
અજાભ્ય ઊર્જામ્ આદાય-
-આ ત એકશફાદ્ દદે ॥

6.15.9

ઊર્જા યા તે પુરુષેષુ-
-ઊર્જા વિત્તે ચ વેદ્યે ।
ઊર્જાં તે સર્વેષામ્ અહં
ગૃહાણાં બ્રહ્મણા દદે ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0