પૈપ્પલાદ-સંહિતા · અધ્યાય 6.16

પિતું નુ સ્તોષં
મહો ધર્માણં તવિષીમ્ ।
યસ્ય ત્રિતો વ્ય્ ઓજસા
વૃત્રં વિપર્વમ્ અર્દયત્ ॥

સ્વાદો પિતો મધો પિતો
વયં ત્વા વવૃમહે ।
અસ્માકમ્ અવિતા ભવ ॥

ઉપ નઃ પિતવ્ આ ગહિ
શિવઃ શિવાભિર્ ઊતિભિઃ ।
મયોભૂર્ અદ્વિષેણ્યઃ
સખા સુશેવ એધિ નઃ ॥

તવ ત્યે પિતો રસા
રજાંસ્ય્ અનુ વિષ્ઠિતાઃ ।
દિવિ વાતા ઇવ શ્રિતાઃ ॥

તવ ત્યે પિતો દદતસ્
તવ સ્વાદિષ્ઠ તે પિતો ।
પ્ર સ્વાદ્માનો રસાનાં
તુવિગ્રીવા ઇવેરતે ॥

ત્વે પિતો મહાનાં
દેવાનાં મનો હિતમ્ ।
અકારિ ચારુ કેતુના
તવાહિમ્ અવસાવધીત્ ॥

યદ્ અદઃ પિતો અજગન્
વિવસ્વ પર્વતાનામ્ ।
અત્રા ચિન્ નો મધો પિતો
ઽરં ભક્ષાય ગમ્યાઃ ॥

યત્ તે સોમ ગવાશિરો
યવાશિરો ભજામહે ।
વાતાપે પીવ ઇદ્ ભવ ॥

યદ્ અપામ્ ઓષધીનાં
પરિંશમ્ આરિશામહે (…) ॥

કરમ્ભ ઓષધે ભવ
પીવો વૃક્ક ઉદારથિઃ ।
વાતાપે પીવ ઇદ્ ભવ ॥

તં ત્વા વયં પિતો વચોભિર્
ગાવો ન હવ્યા સુષૂદિમ ।
અસ્મભ્યં ત્વા સધમાદં
દેવેભ્યસ્ ત્વા સધમાદમ્ ॥