Scripture Library

Paippalāda-Saṃhitā · Chapter 6.15

6.15.1

yaś ca bhūmā yā ca sphātir
yorjā yo rasaś ca te |
harāmi śakra tām̐ ahaṃ
tvayā prattāṃ śacīpate ||

6.15.2

kṣetrātkṣetrād ā harāmi
sphātiṃ sarvāṃ śacīpate |
tvayāhaṃ vṛtrahan prattam
ā harāmi gṛhām̐ upa ||

6.15.3

yas te sītābhagaḥ kṣetre
yā rāddhir yac ca śīyate |
atho yā niṣṭhā te kṣetre
tāṃ ta ādiṣi brahmaṇā ||

6.15.4

yat khale yan mayāre
yad goṣṭhe yac ca śevadhau |
atho yat kumbhyāṃ śaye
tasya te rasam ā dade ||

6.15.5

ūrjā yā te niruptasya-
-ūrjā yāvahatasya te |
ūrjāṃ te piṣyamāṇasya-
-ūrjāṃ piṣṭāt ta ā dade ||

6.15.6

(…) te niruptasya-
-ūrjā yāvahatasya te |
ūrjāṃ te pacyamānasya-
-ūrjāṃ pakvāt te (…) ||

6.15.7

ūrjā yā te praṇaddhasya -
-ūrjā yā mathitasya te |
ūrjāṃ te duhyamānasya-
-ūrjāṃ dugdhāt ta ā dade ||

6.15.8

ā te dade gavām ūrjām
ūrjām avibhya ā dade |
ajābhya ūrjām ādāya-
-ā ta ekaśaphād dade ||

6.15.9

ūrjā yā te puruṣeṣu-
-ūrjā vitte ca vedye |
ūrjāṃ te sarveṣām ahaṃ
gṛhāṇāṃ brahmaṇā dade ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0