પૈપ્પલાદ-સંહિતા · અધ્યાય 6.14

મહાકણ્ઠં કરીષજમ્
ઊબધ્યાદમ્ અનાહુતિમ્ ।
ઓષ્ઠઃ કોકમુખશ્ ચ યસ્
તાન્ ઇતો નાશયામસિ ॥

રામદન્તમ્ અવદલં
પ્રહાલમ્ અહિનાસિકમ્ ।
ઉપવર્તં બલાહકં
ખેલં ગર્દભનાદિનં
ગૃધ્રં હસ્ત્યાયનં
તાન્ (…) ॥

પ્રમૃશ્યાદિનમ્ અભ્યમં
ભીમહસ્તં મરીમૃશમ્ ।
ત્રસ્તાક્ષં મૃદ્વઙ્ગુલિં
નખોગ્રં દન્તવીર્યં
તાન્ (…) ॥

પર્યન્યમ્ અભિપાપદં
જિગીષમાણં રૂપકમ્ ।
અથો શલલ્યં શેવલં
તાન્ (…) ॥

તણ્ડમ્ અગ્રેતુણ્ડિકમ્
અલિંશમ્ ઉત વત્સપમ્ ।
દામગ્રન્થિં સનિસ્રસમ્
અરણ્યેયં ચાર્મ્યેયં
તાન્ (…) ॥

ઇદં યજ્ જાનુકેશવં
રક્ષશ્ ચરત્ય્ આસુરં
બહિઃ પ્રયુતમ્ ઇચ્છતિ ।
અંસૂન્ પાંસ્યૂંશ્ ચ કેશ્યાન્
અરાયાઞ્ છ્વકિષ્કિણસ્
તાન્ ઇતો નાશયામસિ ॥

યઃ કુમારાઞ્ જનસ્યાત્તિ
તરુણાન્ દાસ આસુરઃ ।
અરાયઃ કેશ્ય્ અઘલો
યો જનાન્ હન્ત્ય્ અત્તિ ચ
તમ્ ઇતો નાશયામસિ ॥

હિરાક્ષો નામ ગેહ્યો
ઽરાયો નામ સૂર્તહા ।
તમ્ ઇતો નાશયામસિ ॥

વિતૂલં ભસ્વમ્ આખિદં
વનક્રોશં ચ રોરુહમ્ ।
આમાદં પ્રયુતૈષણં
પર્યુન્દાનં પરિદ્રવં
વૃકસ્ય ન્યઞ્ચં ગઙ્ગણં
તાન્ ઇતો નાશયામસિ ॥