પૈપ્પલાદ-સંહિતા · અધ્યાય 5.38

કેશ્ય્ અગ્નિં કેશી વિષં
કેશી બિભર્તિ રોદસી ।
કેશી વિશ્વં સ્વર્ દૃશે
કેશીદં જ્યોતિર્ ઉચ્યતે ॥

મુનયો વાતરશનાઃ
પિશઙ્ગા વસતે મલાઃ ।
વાતસ્યાનુ ધ્રાજિં યન્તિ
યદ્ દેવાસો અયુક્ષત ॥

ઉન્મદિતા મૌનેયેન
વાતાઁ આ તસ્થિમા વયમ્ ।
શરીરેદ્ અસ્માકં યૂયં
મર્તાસો અભિ પશ્યથ ॥

અન્તરિક્ષેણ પતતિ
સ્વર્ ભૂતાવચાકશત્ ।
મુનિર્ દેવસ્ય-દેવસ્ય
સૌકૃત્યાય સખા હિતઃ ॥

ઇન્દ્રસ્યાશ્વો વાયોઃ સખા-
-અથો દેવેષિતો મુનિઃ ।
ઉભા સમુદ્રાવ્ આ ક્ષયતિ
સદ્યઃ પૂર્વમ્ ઉતાપરમ્ ॥

ગન્ધર્વાણામ્ અપ્સરસાં
દેવાનાં ચરણે ચરન્ ।
મુનિઃ કેતસ્ય સંવિદ્વાન્
સખા સ્વાદુર્ મદિન્તમઃ ॥

વાયુર્ અસ્મા ઉપામન્થત્
પિનષ્ટિ સ્મા કુનંનમા ।
મુનિર્ વિષસ્ય પાત્રેણ
યદ્ રુદ્રેણાપિબત્ સહ ॥

સંયુક્તે દ્યાવાપૃથિવી
તિષ્ઠન્તી અવિચર્ત્યે ।
કેશેનૈકસ્ય દેવસ્ય
વ્ય્ અષ્ટભ્નાચ્ છચીપતિઃ ॥