પૈપ્પલાદ-સંહિતા · અધ્યાય 5.37

યા તે પ્રજાપિહિતા પરાભૂદ્
યોનિર્ વા મુગ્ધા નિહિતા પિશાચૈઃ ।
આસ્નાનં વા યદ્ અભિતષ્ઠાથ ઘોરં
સર્વં તત્ તે બ્રહ્મણા સૂદયામિ ॥

યદ્ય્ અસ્યાઃ પ્રજા વરુણેન ગુષ્પિતા
દુર્ણામાનો વા ઋત્વિયમ્ અસ્યા રિહન્તિ ।
દ્વેષાત્ સાપત્નાદ્ યદિ ચક્રુર્ અસ્યા
અયં તા નાષ્ટ્રા અપ હન્ત્વ્ અગ્નિઃ ॥

અસ્યા સ્ત્રિયા યદિ લક્ષ્મીર્ અપુત્ર્યા
ગર્ભો વાસ્યા યાતુધાનૈઃ પરાભૃતઃ ।
દુઃસ્વપ્ન્યં વા યત્ સ્વપતી દદર્શ-
-ઇન્દ્રાગ્ની તત્ કૃણુતાં ભદ્રયા પુનઃ ॥

દેવૈનસાદ્ યદિ પુત્રં ન વિન્દસે
મનુષ્યાણાં વા ત્વા શપથો રરાધ ।
પિતૃભિર્ વા તે યદિ સૂતઃ પરિષ્ઠિત
ઇદં તં નિષ્ કૃણ્મો જનયાસિ પુત્રમ્ ॥

વૈશ્વાનરો જન્મના જાતવેદાઃ
પ્રજાપતિઃ સિઞ્ચતુ રેતો અસ્યામ્ ।
બાધતાં દ્વેષો નિરૃતિં પરાચૈઃ
પુત્રિણીમ્ ઇમાં પ્રસ્વં કૃણોતુ ॥

ઇહ પ્રજામ્ અગ્નિર્ અસ્યૈ દધાત્વ્
આદિત્યેભિર્ વસુભિઃ સંવિદાનઃ ।
વિશ્વે દેવા હવમ્ આ યન્તુ મ ઇમં
પુત્રો અસ્યા જાયતાં વીર્યાવાન્ ॥

યેન દેવ્ય્ અદિતિર્ ગર્ભમ્ આદધે
યેન પ્રજા અસૃજત પ્રજાપતિઃ ।
તેનાહમ્ અસ્યૈ હવિષા જુહોમિ
યથા પુમાંસં જનયાતિ પુત્રમ્ ॥

વન્વે તે પુત્રં પરિ દેવતાભ્યો
અનુ મન્યન્તાં મરુતઃ પૃશ્નિમાતરઃ ।
ગર્ભસ્ ત્વા દશમાસ્યઃ પ્ર વિશતુ
કુમારં જાતં પિપૃતામ્ ઉપસ્થે ॥