પૈપ્પલાદ-સંહિતા · અધ્યાય 5.39
ન તમ્ અંહો ન દુરિતં
દેવાસો અષ્ટ મર્ત્યમ્ ।
સજોષસો યમ્ અર્યમા
મિત્રો નયન્તિ વરુણો
અતિ દ્વિષઃ ॥
તદ્ ધિ વયં વૃણીમહે
વરુણ મિત્રાર્યમન્ ।
યન્ નો નિર્ અંહસો યૂયં
પાથ નેથા ચ મર્ત્યમ્
અતિ દ્વિષઃ ॥
તે નૂનં નો યૂયમ્ ઊતયે
વરુણ (…) ।
નયિષ્ઠા નો નેષિણ સ્થ
પર્ષિષ્ટાઃ પર્ષિણો
અતિ દ્વિષઃ ॥
શુનમ્ અસ્મભ્યમ્ ઊતયે
વરુણ મિત્રાર્યમન્ ।
શર્મ યચ્છાથ સપ્રથ
આદિત્યાસો યદ્ ઈમહે
અતિ દ્વિષઃ ॥
આદિત્યાસો અતિ સ્રિધો
વરુણો મિત્રો અર્યમા ।
રુદ્રં મરુદ્ભિર્ ઉગ્રં હુવેમ-
-ઇન્દ્રમ્ અગ્નિં સ્વસ્તયે
અતિ દ્વિષઃ ॥
નેતાર ઊ ષુ ણસ્ તિરો
વરુણો મિત્રો અર્યમા ।
અતિ વિશ્વાનિ દુરિતા
રાજાનશ્ ચર્ષણીનામ્
અતિ દ્વિષઃ ॥
યૂયં વિશ્વં પરિ પાથ
વરુણ મિત્રાર્યમન્ ।
યુષ્માકં શર્મણિ પ્રિયા
સ્યામ સુપ્રણીતયો
ઽતિ દ્વિષઃ ॥
યથા હ ત્યદ્ વસવો ગૌર્યં ચિત્
પદિ ષિતામ્ અમુઞ્ચતા યજત્રાઃ ।
એવો ષ્વ્ અસ્મન્ મુઞ્ચતા વ્ય્ અંહઃ
પ્ર તાર્ય્ અગ્ને પ્રતરં ન આયુઃ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0